Solskjaer i entuziazmuar me fitoren e thellë të Unitedit në Austri

12 Mars 2020

Manchester United ka marrë një fitore të thellë në udhëtim te Lask Linz në kuadër të 1/8 së finales në Ligën e Evropës.

Djajtë e Kuq kanë shkëlqyer në përballje me austriakët ku kanë triumfuar me rezultat të thellë 0-5.

Odion Ighalo, Daniel James, Juan Mata, Mason Greenwood dhe Andreas Pereierra ishin autorët e golave të fitores për Djajtë e Kuq.

Manchester United. (Photo by UEFA – Handout/UEFA via Getty Images )

E trajneri norvegjez i United, Ole Gunnar Solskjaer ka mbetur shumë i kënaqur nga paraqitja e lojtarëve të tij.

“Ishte një paraqitje fantastike, por edhe profesionale. Një punë e shkëlqyer nga skuadra. Nuk ishte vetëm paraqitje profesionale, por edhe kualitative”, tha Solksjaer.

Tutje trajneri norvegjez ka vlerësuar lartë edhe golat e shënuar nga skuadra e tij.

Manchester United. (Photo by UEFA – Handout/UEFA via Getty Images )

“Të gjithë golat e shënuar ishin të kualitetit shumë të lartë. Futbollistët sot ishin shumë të fokusuar dhe shpirti ekipor ishte në nivelin e duhur”, ka thënë Solkjaer.

Kujtojmë që kjo ishte vetëm ndeshja e parë mes Lask dhe United, teksa e kthimit pritet të zhvillohet pas një jave në Old Traford. /Telegrafi/

www.telegrafi.com