Solskjaer: Vendim i drejtë largimi i Lukakut dhe Sanchezit

20 Shtator 2019

Ole Gunnar Solskjaer beson se Manchester United kishte të drejtë të linte Romelu Lukakun dhe Alexis Sanchezin të bashkoheshin me Interin gjatë verës.

Lukaku dhe Sanchez u larguan drejt Interit në këtë verë, ndërsa Unitedi nuk u zhyt në tregun e transferimeve për të zëvendësuar dyshen sulmues,

Në vend të kësaj zgjodhi të promovojë 17-vjeçarin Mason Greenwood, i cili shënoi golin e fitores së tyre 1-0 kundër Astanas në Ligën e Evropës mbrëmë (e enjte).

Largimi i dyshes sulmuese nuk dhemb te trajneri norvegjez, i cili mendon se ishte vendim i duhur.

Lexo po ashtu: Scholes: Unitedi bëri gabim që e shiti Lukakun

“Për mua, ishte vendimi i duhur”, ka thënë fillimisht Solskjaer pas lojës me Astanan.

“Sepse unë mendoj për klubin dhe [Mason] mendoj se ai do të jetë i rëndësishëm për ne këtë sezon”.

“Ai nuk ka luajtur shumë deri më tani, por ai do të marrë minutat e tij dhe ai do të rritet dhe zhvillohet”, përfundoi trajneri i Unitedit. /Telegrafi/

www.telegrafi.com