SPECIALE / Deçiqi, ekipi shqiptar që urren gjithçka shqiptare

Ti mund ta lexosh kete ne 3 min.
15 Dhjetor 2017 16:35
KF Deçiq është formuar në vitin 1926 dhe mban emrin e malit Deçiq. Ky mal është mjaft simbolik për shqiptarët, pasi Ded Gjo Luli me kryengritësit e Malësisë ngritën flamurin shqiptar për herë të parë pas Skënderbeut.

Shqipërinë ta kishin goditur edhe me çifte nuk do ishte kaq shumë e copëtuar. Trojet tona janë të ndara në Maqedoni, Greqi, Serbi dhe Mal të Zi. Plaga jonë më e madhe, asimilimi, ka filluar të ndjehet.

Shqiptarët po asimilohen dhe duket shumë e vështirë të gjesh grimca të historisë tonë në troje të caktuara.

Futbolli nuk bën përjashtim nga kjo plagë. Në Mal të Zi ekziston një ekip shqiptarësh të asimiluar, që përfaqëson një komunë shqiptare, por nuk pranon asgjë nga vendi i origjinës, për të mos thënë se ndjek politika anti-shqiptare.

Nuk jemi utopikë, nuk flasim në ajër, por po tregojmë për ekipin e Deçiqit. Ekipi që përfaqëson Tuzin në Mal të Zi. Një skuadër shqiptarësh, por që duket e asimiluar dhe nuk ka asnjë lidhje me historinë e saj. Metamorfoza që ka përjetuar ky klub rrugës është e llahtarshme, pasi nga krijimi deri në ditët që flasim kauzat janë krejt të tjera.

Vëmendja është kthyer nga klubi i Deçiqit, pasi sezonin e ardhshëm do të jetë përfaqësuesi i komunës shqiptare të Tuzit. Nisur nga kjo, tifozët e Tuzit duan ta kthejnë ekipin në origjinë dhe t’i japin ngjyrat që i takojnë.

DEÇIQI - KF Deçiq është formuar në vitin 1926 dhe mban emrin e malit Deçiq. Ky mal është mjaft simbolik për shqiptarët, pasi Ded Gjo Luli me kryengritësit e Malësisë ngritën flamurin shqiptar për herë të parë pas Skënderbeut.

Rrugëtimi i klubit nisi nga kjo histori, ndërsa sot gjërat janë krejtësisht ndryshe. Klubi drejtohet nga disa shqiptarë të asimiluar që nuk janë aspak të ndjeshëm për shqiptarët, madje ndjekin politika mohuese ndaj kombësisë shqiptare. Tahir Dresheviq (Dreshaj) është presidenti i ekipit.

Momentalisht ekipi ndodhet në vendin e parafundit dhe me shumë gjasa do të bjerë nga kategoria. Vitin e kaluar përfundoi në vendin e 5-të.

Në skuadër janë vetëm 3 shqiptarë titullarë. Fjala është për Ilir Camajn (kapiteni), Kristian Vulaj dhe Leon Ujkaj.    

TIFOZËT - Grupi i tifozëve të këtij klubi janë shqiptarë të asimiluar në boshnjakë. Tifo-grupi i tyre quhet “Askeri”. Ata urrejnë gjithçka shqiptare. Tifozët e ekipit të Deçiqit janë radikalë. Fjala shqiptar për to sjell alergji, ama rrota e historisë sillet dhe klubi do të përfundojë sërish në duart e krijuesve të tij.

KOMUNA E TUZIT – Ironikisht, ekipi i Deçiqit do të udhëhiqet sërish nga shqiptarët. Tuzi ka qenë pjesë e komunës së Podgoricës, por nga viti 2018 do të dalë në komunë me vete. Kjo sjell edhe kalimin e skuadrës së Deçiqit nga përfaqësimi i qytetit të Podgoricës në atë të Tuzit. Me shumë mundësi, klubi do të jetë në pronësi 100% të Komunës së Tuzit. Rezultatet e dobëta të skuadrës lidhen edhe me pritshmëritë për vitin e ardhshëm që Deçiqi do të kalojë në dorë të shqiptarëve.

RIKTHIMI NË IDENTITET – Tifozët shqiptarë të Deçiqit kanë ngritur shqetësimin për kalimin e klubit në dorë të shqiptarëve. Ata duan që klubi të rikthehet me rrënjë shqiptare dhe të ketë një përfaqësim të tillë. Forume të ndryshme shqiptarë në rrjetet sociale kanë mbledhur forcat për të “rimëkëmbur” ekipin e tyre të Deçiqit, por diçka e tillë duket mjaft e vështirë, pasi klubi i sotëm nuk ka asnjë lidhje me ekipin e parë të shqiptarëve.

Një klub shqiptar që urren shqiptarët, eh medet! /EDS/

Tour de France: Van Avermaet nuk e heq më Bluzën e Verdhë / VIDEO

Ti mund ta lexosh kete ne 2 min.
15 Korrik 2018 23:49
Mbyllet etapa e nëntë

John Degenkolb fitoi etapën e nëntë të Tour de France, më dramatikja deri tani, ndërsa Greg van Avermaet duket se nuk ka ndërmend ta heqë Bluzën e Verdhë pasi shtoi edhe më tej avantazhin me ndjekësit e tij. Katër herë fituesi i kësaj gare, Chros Froome, u rrëzua pas një përplasje massive, por arriti të përfundonte garën bashkë me kandidatët e tjerë kryesorë.

Degenkolb i skuadrës Trek Segafredo kaloi në sprint Van Avermaet dhe Yves Lampaert për të fituar etapën. Tre çiklistët u shkëputën nga grupi kur kishin mbetur edhe 20 kilometra, por edhe pse e mbylli vetëm i dytë belgu tashmë është 43 sekonda mbi Geriant Thomas të Team Sky's Geraint Thomas.

Degenkolb ishte i pari që në fillim të sprintit final por gjermani arriti të ruante pozicionin e tij dhe nuk la ndjekësit ta parakalonin për të marrë kështu fitoren e parë në një etapë të Tour de France.

Gara prej 156,5 kilometrash kishte 15 sektorë me kalldrëm dhe kjo shkaktoi disa rrëzime, mes tyre edhe Froome që u përplas me një shok skuadre. Por lideri i Team Sky arriti të bashkohej me grupin dhe të mos humbiste shumë sekonda ndaj Van Avermaet.

Të hënën është dita e parë e pushimit dhe gara risin të martën me një etapë prej 158,5 kilometrash nga Annecy në Le Grand-Bornand.

Renditja pas etapës së nëntë

  1. John Degenkolb (Trek-Segafredo) 3h 34’ 26”
  2. Greg van Avermaet (BMC) 3h 34’ 26”
  3. Yves Lampaert (Quick-Step) 3h 34’ 26”
  4. Philippe Gilbert (Quick-Step) +19”
  5. Peter Sagan (Bora-Hansgrohe) +19”
  6. Jesper Stuyven (Astana) +19”
  7. Bob Jungels (Quick-Step) +19”
  8. André Greipel (Lotto-Soudal) +27”
  9. Edvard Boasson Hagen (Dimension Data) +27”
  10. Timothy Dupont (Wanty) +27”

Renditja e përgjithshme

  1. Greg van Avermaet (BMC) 36h 7’ 17”
  2. Geraint Thomas (Team Sky) +43”
  3. Philippe Gilbert (Quick-Step) +44”
  4. Bob Jungels (Quick-Step) +50”
  5. Alejandro Valverde (Movistar) +1’ 31”
  6. Rafal Majka (Bora-Hansgrohe) +1’ 32”
  7. Jakob Fuglsang (Astana) +1’ 33”
  8. Chris Froome (Team Sky) +1’ 42”
  9. Adam Yates (Michelton-Scott) +1’ 42”
  10. Mikel Landa (Movistar) +1’ 42”

 

**********

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.

VIDEO | Tour e France: Groenewegen bën ''dopietë'', Van Avermaet mban Bluzën e Verdhë

Ti mund ta lexosh kete ne 2 min.
14 Korrik 2018 20:01
Mbyllet etapa e tetë

Dylan Groenewegen fitoi etapën e dytë rresht këtë të shtunë në Tour de France duke lënë pas kundërshtarët e tij në sprintin final drejt vijës së finishit në Amiens. Holandezi i skuadrës Dutch Lotto-JumboNL mundi në fund André Greipel (Lotto-Soudal) dhe Fernando Gaviria (Quick-Step Floors) ndërsa Peter Sagan nuk arriti të mbante ritimin 200 metra para fundit të garës.

 

Greg van Avermaet i skuadrës BMC mbetet në vend të parë ndërsa Geriant Thomas i Team Sky e ndjek pas me 7 sekonda më shumë në renditje. Ndërsa irlandezi Dan Martin, fitues i etapës së të enjtes, u përfshi në një aksident 20 kilometra nga fundi dhe humbi 1 minutë e 15 sekonda në renditjen e përgjithshme.

 

Katër herë fituesi i Tour de France, Chris Froome, është në vend të 12-të në renditje me një kohë të njëjtë me Adam Yates, por ka një pozicionim më të mirë në të gjitha etapat. Kjo ishte mundësia e fundit për sprintierët deri në etapën e 13-të të premten e ardhshme, pasi nga e diela nisin tri ditë plot sfida në Alpet franceze./EDS/

Renditja pas etapës së tetë

  1. Dylan Groenewegen (LottoNL-Jumbo) 4h 23’ 36”
  2. Andre Greipel (Lotto-Soudal)
  3. Fernando Gaviria (Quick-Step Floors)
  4. Peter Sagan (Bora-Hansgrohe)
  5. John Degenkolb (Trek-Segafredo)
  6. Alexander Kristoff (Team UAE Emirates)
  7. Arnaud Demare (Groupama-FDJ)
  8. Thomas Boudat (Direct Energie)
  9. Nikias Arndt (Sunweb)
  10. Mark Cavendish (Team Dimension Data)

Renditja e përgjithshme

  1. Greg van Avermaet (BMC Racing) 32h 43’
  2. Geraint Thomas (Team Sky) +7”
  3. Tejay van Garderen (BMC Racing) +9”
  4. Philippe Gilbert (Quick-Step Floors) +16”
  5. Bob Jungels (Quick-Step Floors) +22”
  6. Rigoberto Uran (EF Education First) +49”
  7. Alejandro Valverde (Movistar) +55”
  8. Rafal Majka (Bora-Hansgrohe) +56”
  9. Jakob Fuglsang (Astana) +57”
  10. Richie Porte (BMC Racing) +57”

**********

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.

VIDEO | Tour de France: Groenewegen fiton në centimetrin e fundit

Ti mund ta lexosh kete ne 2 min.
13 Korrik 2018 23:14
Etapa më e gjatë

Dylan Groenewegen arriti të siguronte një fitore të rëndësishme në etapën e shtatë të Tour de France, duke e mbyllur garën në një sprint të luftuar deri në centimetrin e fundit, ndërsa Geraint Thomas i Team Sky ruajti vendin e dytë në renditjen e përgjithshme. Groeneëegen i Team LottoNL-Jumbo u shkëput nga ndjekësi më i afërt Fernando Gaviria duke i mohuar kështu kolumbianit një fitore të tretë në edicionin e sivjetshëm.

Peter Sagan u rendit i treti ndërsa sprintierët i lanë për në fund emocionet në një garë që nuk pati shumë dramë për 231 kilometra. Në lojë u duk siur u fut edhe Mark Cavendish, por në fund zbriti në vendin e dhjetë.

Mbajtësi i Bluzës së Verdhë Greg van Avermaet tashmë është gjashtë sekonda para ndjekësit më të afërt Geraint Thomas, pasi doli në krye të grupit të tij për të përfituar tre skonda bonus nga sprinti final.

Kjo ishte etapa më e gjatë e Tour de France që përfundoi 15 minuta mbi orarin e parashikuar dhe nuk ofroi shumë për ndjekësit përveç disa episodeve sporadike duelesh mes çiklistëve. Etapa e tetë e të shtunës nis në Dreux e përfundon në Amiens për 181 kilometra ku pritet një tejtër finish në sprint./EDS/

Rezultatet e etapës së shtatë

  1. Dylan Groenewegen (LottoNL-Jumbo) 5h 43’ 42”
  2. Fernando Gaviria (Quick-Step Floors) 5h 43’ 42”
  3. Peter Sagan (Bora-Hansgrohe)
  4. Arnaud Demare (Groupama-FDJ)
  5. Christophe Laporte (Cofidis)
  6. John Degenkolb (Trek-Segafredo)
  7. Daryl Impey (Mitchelton-Scott)
  8. Andre Greipel (Lotto-Soudal)
  9. Andrea Pasqualon (Wanty-Groupe Gobert)
  10. Mark Cavendish (Team Dimension Data)

Renditja e përgjithshme

  1. Greg van Avermaet (/BMC Racing) 28h 19’ 25”
  2. Geraint Thomas (GB/Team Sky) +6”
  3. Tejay van Garderen (US/BMC Racing) +8”
  4. Julian Alaphilippe (Fra/Quick-Step Floors) +9”
  5. Philippe Gilbert (Bel/Quick-Step Floors) +15”
  6. Bob Jungels (Lux/Quick-Step Floors) +21”
  7. Rigoberto Uran (Col/EF Education First) +48”
  8. Alejandro Valverde (Spa/Movistar) +54”
  9. Rafal Majka (Pol/Bora-Hansgrohe) +55”
  10. Jakob Fuglsang (Den/Astana) +56”

**********

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.

Kjo vrapuese është 17 vjeç! Plas debati

Ti mund ta lexosh kete ne 1 min.
12 Korrik 2018 21:38
Ju sa vjeç mendoni se është?

Një debat i madh është hapur gjatë zhvillimit të Botërorit U-20 të Atletikës në Tampere, pas konkurrimit në garën e 5000 metrave të vrapueses etiopiane Girmawit Gebrzihair. Fituesja e medaljes së bronzit shkaktoi debate për shkak të moshës së pretenduar dhe pamjes fizike që për të thënë të vërtetën nuk korrespondon shumë…

Në të dhënat zyrtare të Federatës Ndërkombëtare të Atletikës, Gebrzihair rezulton e datëlindjes 21 nëntor 2001, që do të thotë akoma nuk ka mbushur 17 vjeç! Por fotografia e saj gjatë garës po bën xhiron në internet, duke ngritur shumë dyshime nëse kjo e dhënë është e vërtetë.

Ajo u bë protagoniste edhe vitin e kaluar pasi arriti të mbyllte në një kohë 32’33” garën e 10 kilometrave në Adis Abeba, që ishte dukshëm shumë e ulët për një atlete që sapo duhet të kishte mbushur 15 vjeç.

Debati i moshës është vetëm i fundit që është hapur në botën e atletikës, mbretëreshës së sporteve, pas problemve që federata pati me rastet e hiperandrogjeneve, siç ka qenë rasti i atletes afrikano-jugore Caster Semanya, e cila i bëri të githë të dyshonin për gjininë e saj për shkak të pamjes fizike./EDS/

**********

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.