Starova në “kundërsulm”: U mbrojtëm mirë!

Ti mund ta lexosh kete ne 2 min.
12 Janar 2018 17:40
Trajneri i Partizanit vlerëson lojën e skuadrës

Trajneri i Partizanit, Sulejman Starova, foli për kanalin zyrtar të klubit në internet, pas humbjes 1-0 kundër Kasimpasa-s. Ai vlerëson ekipin e tij për përformancën e bërë. 62-vjeçari mendon se skuadra luajti mjaft mirë në mbrojtje, por kishte mundësi të bënte më shumë edhe në sulm. Numri një i stolit nuk ka aktivizuar futbollistët e afruar së fundmi, pasi ka sqaruar se do t’i aktivizojë në ditët në vijim.

Ishte ndeshja jonë e parë pas 4 ditësh përgatitje në Antalia, përfshirë edhe një seancë paraditen e sotme. U përballëm ndaj një kundërshtari që ka një nivel të lartë, pasi është në fund të përgatitjeve dhe këtë javë rinis kampionatin. Duke u nisur nga këto rrethana po them që jemi të kënaqur nga paraqitja e ekipit. Verifikuam shumë veprimet mbrojtëse të skuadrës dhe shfrytëzuam sulmin e shpejtë. Sigurisht që vuajtëm në zotërimin e topit, sepse kundërshtari e përsëris, është pjesë e superligës turke një kampionat i fortë dhe ka mundësitë dhe kualitetet të zotëronte topin më tepër.

Nga ana tjetër ne jemi mbrojtur mjaft mirë, me disa gabime të vogla në momente të ndryshme, por në pjesën më të mirë skuadra ka shfaqur shpirt të lartë gare në aspektin difensiv por edhe në aspektin ofensiv. Në pjesën e dytë sidomos, kemi patur disa mundësi të mira shënimi dy herë Bardhi, Progni, dhe për të përmendur rastin mjaft të pastër të Trashit, i cili gaboi me portën bosh. Kemi qenë më efikas se kundërshtari në faullat e lira dhe goditjet nga këndi. U ndëshkuam në momentin kur loja ishte drejt përfundimit. Pavarësisht se një ndeshje miqësore, do ishte më mire për skuadrën sikur të merrnim një rezultat pozitiv. Lojtarët e afruar së fundmi duan akoma kohë për të marrë minuta loje, dhe aktivizimi i tyre mund të jetë në miqësoren e ardhshme”, - përfundoi Starova për faqen e klubit. /EDS/

Liverpool bën një ofertë të re për të nënshkruar me Alisson nga Roma

Ti mund ta lexosh kete ne 2 min.
18 Korrik 2018 16:32
Binden verdhekuqtë

Alisson është shumë afër kalimit në “Anfield” te Liverpool, me drejtuesit që janë të gatshëm të mirëpresin portierin brazilian në klub. Aktualisht 25-vjeçari është në Romë, por në orët e ardhshme, ai mund të niset drejt Britanisë së Madhe, ku ai do t'i nënshtrohet testeve të tij mjekësore me “Reds”. Raportet e shumëfishta në Angli dhe Itali sugjerojnë se Liverpool-i ka pranuar çmimin e kërkuar nga Roma prej 75 milionë eurosh, ndërsa kanë mbetur vetëm detajet e fundit për t’u diskutuar. “Calciomercato.com” raportoi sot se Liverpool-i ka ngritur ofertën e tij për Alisson. Gjigandët e Premier League kanë ofruar 75 milionë euro plus bonuese për portierin brazilian, i cili gjithashtu ishte i kërkuar nga Chelsea. Ndërkohë “Sky Sports”, shkruan se gjigandët e Premier League tani po përgatisin testet mjekësore për 25-vjeçarin.

Ekipi anglez bëri një ofertë dje prej 60 milionë euro plus 10 milionë € bonuse, e cila ishte shumë afër çmimit të kërkuar të verdhekuqve. Sot drejtuesit e Liverpool-it bënë një ofertë të re e cila është pranuar nga italianët. Oferta e përgjithshme është 75 milionë euro, sipas asaj që shkruan “La Stampa” që do të përbëhet nga 60 milionë euro plus 15 milionë euro bonuse. Klubet janë duke diskutuar metodën e pagesës dhe strukturën e bonuseve, ndërkohë Alisson ka dhënë tashmë “OK” për një lëvizje në Premier League, kështu që transferimi mund të mbyllet shpejt. Chelsea nuk arriti të bëjë ndonjë ofertë zyrtare për Alisson, pasi Thibaut Courtois pritet të largohet nga Londra me Real Madridin, klubin e interesuar. Edhe pse nuk është akoma zyrtare portieri belg do të transferohet në Madrid te Reali. “Los Blancos” janë pranë nënshkrimit me yllin belg për 35 milionë euro dhe pas transferimit të Alisson në Liverpool (pritet të zyrtarizohet në orët në vazhdim), objektivi i tyre i mbetur është portieri i Milanit, Gigio Donnarumma. /EDS/

**************************

Ndalohet ripostimi apo kopjimi i këtij artikulli pa lejen me shkrim nga eduasportin.com.
Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota në kohë reale nga Futbolli dhe sportet e tjera.

Real Madrid, Perez: ''CR7? Skuadra do të përforcohet ''

Ti mund ta lexosh kete ne 1 min.
18 Korrik 2018 16:15

Nuk ka asnjë alarm te Real Madrid, pas lamtumirës së Cristiano Ronaldo-s. Florentino Pérez prezantoi mesditën e të mërkurës blerjen më të re të Real Madrid, Álvaro Odriozola. Një event gjatë të cilit presidenti i klubit “Los Blancos” siguroi se skuadra do të përforcohet me futbollistë të jashtëzakonshëm: "Edhe pa Ronaldon, ne kemi ekip madhështor që do të përforcohet me futbollistë të shkëlqyer. Ishin të shumtë ata që e konsideronin të pamundur fitimin e tre trofeve të njëpasnjëshëm të Champions League. Asnjë klub nuk e kishte realizuar më parë, por ne ia dolëm- thekson Perez -.

Presidenti Perez ndër të tjera tha: ‘Po përjetojmë një nga momentet më të mira në histori. Kemi fituar tituj sportiv unik. Kemi një soliditet institucional të parivalizueshëm dhe një fuqi financiare të fortë. Po përballemi me një kohë legjendare, kështu që tani synimi është të ruajmë identitetin tonë dhe të vazhdojmë me fitoret " /EDS/

**************************

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.

Nga Botërori në biznes me Will Smith, jeta e re e Honda-s

Ti mund ta lexosh kete ne 1 min.
18 Korrik 2018 15:49

Pasi i dha lamtumirën kombëtares së Japonisë, Keisuke Honda, ish-lojtari i njohur i Milanit, po përgatitet për atë që do të jetë jeta e tij pas futbollit; pas përvojës në Milano ai fluturoi në Meksikë, te Pachuca, një aventurë që përfundoi më 30 qershor. Tani ai  po kërkon një ekip të ri, sepse në moshën 32  vjeçare ndoshta mund ti ketë thënë lamtumirë Japonisë, por jo futbollit. Në pritje për të nisur një aventurë që ta stimulojë, ish numri 10 i Milan ka nisur një biznes me ...... Will Smith.

Siç shkruan Nikkei Asian Review, Honda është gati për një karrierë si sipërmarrës: së bashku me yllin amerikan po sheh mundësinë për të punuar në sektorin e investimeve që kapin vlerën e 100 milionë dollarëve. Ideja është e të gjeturit investitorë japonezë, të cilët, nga ana tjetër, janë gati të përfshihen në start-up që krijohen në SHBA. Prince of Osaka dhe Fresh Prince do të kenë detyrën e identifikimit të kompanive të pakuotuara në bursë me vlerë një miliardë dollarë. "Të hapim rrugën e bashkëpunimit midis investitorëve japonezë dhe kompanive jashtë vendit", këto ishin fjalët e Hondës. Në pritje për të gjetur një ekip, Honda bëhet sipërmarrës. /EDS/

**************************

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.

MotoGP | Marc Marquez nuk i ndahet Rossit

Ti mund ta lexosh kete ne 2 min.
18 Korrik 2018 15:30
Deklarata e spanjollit

Marc Marquez duket çdo ditë e më shumë si Zoti i këtij sezoni, e ka mbyllur pjesën e parë të sezonit me të nëntën fitore në karrierë në pistën e Sachsenring në Gjermani. Spanjolli në një intervistë për të përditshmen “Marca” është kthyer që të flasë për raportin e tij me Valentino Rossi-n.

“Dua t’ia di se si ja bën Rossi, sepse fizikun mund ta stërvitësh por kokën, motivimin dhe kapacitetin e të bërit gara, mediat, presionin, që nuk është stërvitur, është i çmendur, e admiroj shumë”.

Marquez nënvizon  se nuk është harruar çdo gjë nga e shkuara, duhet akoma kohë. “Për paqen nuk varet nga unë, pas vitit 2015 e kemi zgjidhur. Në Argjentinë problemi ndodhi gjatë garës, i kërkova falje dhe për këtë u dënova. Çfarë duhet të bëja tjetër?”.

Duke folur për shokët e skuadrës të së tashmes dhe të së ardhmes, kampioni i botës shtoi: “Nuk ndihem absolutisht keq për ardhjen e Jorge Lorenzo-s. Që të garosh me të njëjtin motor qartëson shumë gjëra, kushdo që humbet nuk ka justifikime dhe çdo pilot duhet të tregojë se është i fortë. Jam i lumtur që vjen dhe dua të shtoj se askush nuk do që të fitojë lehtësisht një garë. Për sa shoh Pedrosa-n, tërheqja e tij më trishtoi shumë, ka qenë një hero për të gjithë ne, për të gjithë fëmijët spanjollë që kanë nisur të drejtojnë një motor”, tha spanjolli që kryeson renditjen e MotoGP me 145 pikë, duke lënë pas me largësinë e 46 pikëve Valentino Rossi-n për këtë botëror. /EDS/

************

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.