Starova në “kundërsulm”: U mbrojtëm mirë!

Ti mund ta lexosh kete ne 2 min.
12 Janar 2018 17:40
Trajneri i Partizanit vlerëson lojën e skuadrës

Trajneri i Partizanit, Sulejman Starova, foli për kanalin zyrtar të klubit në internet, pas humbjes 1-0 kundër Kasimpasa-s. Ai vlerëson ekipin e tij për përformancën e bërë. 62-vjeçari mendon se skuadra luajti mjaft mirë në mbrojtje, por kishte mundësi të bënte më shumë edhe në sulm. Numri një i stolit nuk ka aktivizuar futbollistët e afruar së fundmi, pasi ka sqaruar se do t’i aktivizojë në ditët në vijim.

Ishte ndeshja jonë e parë pas 4 ditësh përgatitje në Antalia, përfshirë edhe një seancë paraditen e sotme. U përballëm ndaj një kundërshtari që ka një nivel të lartë, pasi është në fund të përgatitjeve dhe këtë javë rinis kampionatin. Duke u nisur nga këto rrethana po them që jemi të kënaqur nga paraqitja e ekipit. Verifikuam shumë veprimet mbrojtëse të skuadrës dhe shfrytëzuam sulmin e shpejtë. Sigurisht që vuajtëm në zotërimin e topit, sepse kundërshtari e përsëris, është pjesë e superligës turke një kampionat i fortë dhe ka mundësitë dhe kualitetet të zotëronte topin më tepër.

Nga ana tjetër ne jemi mbrojtur mjaft mirë, me disa gabime të vogla në momente të ndryshme, por në pjesën më të mirë skuadra ka shfaqur shpirt të lartë gare në aspektin difensiv por edhe në aspektin ofensiv. Në pjesën e dytë sidomos, kemi patur disa mundësi të mira shënimi dy herë Bardhi, Progni, dhe për të përmendur rastin mjaft të pastër të Trashit, i cili gaboi me portën bosh. Kemi qenë më efikas se kundërshtari në faullat e lira dhe goditjet nga këndi. U ndëshkuam në momentin kur loja ishte drejt përfundimit. Pavarësisht se një ndeshje miqësore, do ishte më mire për skuadrën sikur të merrnim një rezultat pozitiv. Lojtarët e afruar së fundmi duan akoma kohë për të marrë minuta loje, dhe aktivizimi i tyre mund të jetë në miqësoren e ardhshme”, - përfundoi Starova për faqen e klubit. /EDS/

Statistikat e frikshme, në Shkodër kurrë nuk e kanë menduar këtë!

Ti mund ta lexosh kete ne 2 min.
25 Prill 2018 16:28
Vllaznia po kalon momente të këqija

Laçi e ka provuar Superioren për herë të parë në fillim të viteve 90-të. Qëndroi për disa sezone radhazi në elitë dhe u identifikua si një ekip që në shtëpi zor të mundej. Pas rënies, u rikthye në Superiore në vitin 2004 dhe regjistroi një sezon për t’u harruar, teksa pësoi një “tufë” me gola dhe mori vetëm dy pikë në atë kampionat, madje në ndeshjen e fundit barazoi “shqiptarçe” me Partizanin: ndeshja përfundoi 5-5 dhe Dorian Bylykbashi shënonte pesë herë, për t’u shpallur edhe golashënuesi më i mirë.

Në fund të atij sezoni Pashk Laska u bë shef klubi dhe më pas president. Tre vite në të Parën, pastaj Laçi u kthye në Superiore. Prej asaj kohe bilanci me skuadra të ndryshme të traditës ka ndryshuar, teksa kurbinasit siguruan edhe pjesëmarrjen në kupat e Europës sapo ishin rikthyer në elitë (u renditën në vend të katërt dhe Besa nënkampione fitoi Kupën e Shqipërisë pasi mundi Vllazninë në finale).

Nëse te bardhezinjtë ka pasur rezultate pozitive, ndryshe ka qenë situata te Vllaznia. Shkodranët, furnizues ndër vite me lojtarë për Laçin, kanë regjistruar shumë rezultate negative në tërësi dhe kundër skuadrës që aktualisht drejtohet nga Gentian Mezani. Nëse shohim statistikat e përballjeve direkte, pikërisht ato Vllaznia-Laçi, që të dielën zbresin në fushën e stadiumit “Loro Boriçi”, shohim në katër sezonet e fundit, shkodranët kanë marrë pikë vetëm në tre takime.

Vjet në fazën e tretë fituan falë një goli me penallti që shënoi Elis Bakaj, ndërkohë që tre herë fitoi Laçi, që vjet rrezikoi të binte nga Superiore, por pavarësisht kësaj bilanci me kuqeblutë ishte pozitiv. Para fitores së vjetshme Vllaznia fituar në ndeshje në sezonin 2014-2015, kurse një sezon më pas kishte barazuar pa gola në shtëpi. Por sa fitore ka marrë Laçi? 12. Në Shkodër as që e ka çuar nëpërmend se do vinte një ditë e tillë, madje me ironi e thonë shpesh: “Pse, luan Laçi i Milotit futboll”... Të dielën Vllaznisë nuk i falet hap fals, ndryshe mund të imitojnë Tiranën dhe sezonin e ardhshëm të luajnë në kategorinë e Parë.  /EDS/

15 PËRBALLJET E FUNDIT VLLAZNIA-LAÇI

Sezoni 2017-2018

Laçi-Vllaznia   1-0
Vllaznia-Laçi 1-2
Laçi-Vllaznia 2-0

Sezoni 2016-2017

Laçi-Vllaznia 3-0
Vllaznia-Laçi 1-0
Laçi-Vllaznia 1-0
Vllaznia-Laçi 1-2

Sezoni 2015-2016

Laçi-Vllaznia 3-2
Vllaznia-Laçi  0-0
Laçi-Vllaznia 2-0
Vllaznia-Laçi 0-1

Sezoni 2014-2015

Vllaznia-Laçi 0-1
Laçi-Vllaznia  1-0
Vllaznia-Laçi 1-0
Laçi-Vllaznia  3-0

 

               

Tjetër mentalitet, komplimente Dajës dhe... sinqeritet

Ti mund ta lexosh kete ne 2 min.
25 Prill 2018 15:41
Peter Pacult të bën për vete

Peter Pacult është nga ata trajnerë që e di më së miri atë shprehjen “tërhiqe e mos e këput”. Austriaku që mori në janar drejtimin e Kukësit kërkon disiplinë në stërvitje, por nuk është se kërkon ta kthejë ekipin e tij në një repart ushtarak. Nuk mungojnë shakatë, pasi morali dhe ana psikologjike e futbollistëve është e rëndësishme. E di mirë këtë Pacult, e dinë edhe trajnerët e tjerë në vendin e tonë, por kreu i pankinës së verilindorëve nuk ka kompleke.

Në një konferencë për shtyp u paraqit me tuta të shkurta sportive. E kujt i intereson fort, sapo kishte mbaruar stërvitjen me skuadrën. Iu përgjigj pyetjeve, ndërkohë që batutat nuk i mungojnë në asnjë moment. Para ndeshjes me Skënderbeun ka menduar të zhvillojë një seancë në bregdet. Shumëkush në vendin tonë mund të mendojë: “Hë, do ia lënë ndeshjen Skënderbeut këta. Shikoni si stërviten, kanë ikur për qejf në plazh”.

“Nuk është ditë relaksi, por stërvitje e mirëfilltë. Është mënyra më e mirë për t’i larguar skuadrës presionin”, thotë Pacult në Supersport, ndërkohë që skuadra e tij vjen pas dy barazimeve me Laçin dhe i pari u kushtoi eliminimin nga Kupa e Shqipërisë. Tanimë luajnë kundër Skënderbeut dhe dëshira e trajnerit të verilindorëve është t’i shtyjë festën e titullit të korçarëve. Fjalë të mira për Ilir Dajën. “Një ndeshje e vështirë, por duam që t’ia shtyjmë festën e titullit Skënderbeut. Daja ke një ekip me kualitet dhe po e menaxhon mirë situatën pas atij dënimi që u ka dhënë UEFA. Objektivi ynë është t’u shtyjmë festën e titullit”, ka thënë mes të tjerash Pacult, që thekson se për Europën dhe lojtarët do të mendojë vetëm pasi ta sigurojnë pjesëmarrjen matematikisht. Kukësi momentalisht mban vendin dytë me 54 pikë, ndërkohë që Luftëtari ndjekës ka shtatë pikë më pak, kurse Partizani 9 pikë./EDS/

Ping-pong me Superioren, FSHF-ja ndryshon sërish oraret

Ti mund ta lexosh kete ne 1 min.
25 Prill 2018 11:12
Federata përcakton oraret e reja

Federata Shqiptare e Futbollit ka ndryshuar sërish oraret e Superiores. Lajmin e ka dhënë vetë Institucioni i FSHF-së përmes një emaili drejtuar klubeve.  Bashkangjitur orareve të reja, FSHf kërkon dhe ndjesë për ndryshimin e shpeshtë të orareve këtë javë, por shpjegon se ka ndodhur për një sërë çështjesh të ndryshme.
Ndryshimet në orare nuk kanë prekur shumë klubet, pasi kanë ndryshuar sërish vetëm oraret e ndeshjeve të së dielës. Teuta-Kamza dhe Vllaznia-Laçi do të luhet në orën 16:00, pasi ishte përcaktuar fillimisht në orën 19:00. Ditën e djeshme, FSHF-ja vendosi se takimet do të luhen më 19:00, ndërsa tashmë u janë rikthyer kalendarit të parë. Takimet e së dielës do të luhen dy të parat në orën 16:00, ndërsa në orën 19:00, Skënderbeu-Kukësi.  

Superiorja do të luajë ndeshje mjaft interesante, pasi fundi i tabelës është bërë shumë intrigues. Megjithatë, ndeshjet e kësaj jave mund të sjellin pak më tepër qartësi për të ardhmen. Teuta përballet me Kamzën, dy ekipe që rivalizojnë për mbijetesën, ndërsa Vllaznia pret Laçin, një përballje që të dyja skuadrave iu duhet tripikëshi. FSHF-ja, më saktë Sektori i Garave ka menduar që përballjet që luhen për objektiva të njëjtë, mbijetesë apo Europë, të luhen në të njëjtën ditë dhe në të njëjtin orar.

Kështu, Luftëtari dhe Flamurtari do të ndeshen të shtunën në orën 16:00 në Gjirokastër, po ashtu edhe Lushnja – Partizani. Përveç Lushnjes që ka rënë matematikisht nga Superiorja, Partizani, Flamurtari dhe Luftëtari janë të interesuar për Europën, kështu që për të mos krijuar polemika është caktuar që të luhen në një orar. Supersfida mes Skënderbeut dhe Kukësit do të luhet ditën e diel në orën 19:00. /EDS

E shtunë, 28/04/2018

Luftëtari – Flamurtari ora 16:00

Lushnja – Partizani ora 16:00

E diel, 29/04/2018

Teuta- Kamza ora 16:00
Vllaznia – Laçi ora 16:00
Skënderbeu – Kukësi ora 19:00

Gjuajti me çakmak Koçin, reagon shumë ashpër Braçe

Ti mund ta lexosh kete ne 2 min.
25 Prill 2018 10:51
Deputeti e ka me Dukën

Deputeti i Shqipërisë, Erion Braçe, është kthyer në protagonist kryesor dhe në sport. Ai është tifoz i Partizanit dhe ndjek thuajse çdo ndeshje të “demave” nga tribuna e stadiumit. Në ndeshjen kundër Skënderbeut, Braçe u akuza se kishte goditur me çakmak gjyqtarin e ndeshjes, Andi Koçi. Ky i fundit foli dhe vetë këtë ngjarje, por mori dhe reagimin e Shoqatës së Arbitrave.

Braçe reagoi përmes Instagramit në lidhje me ngjarjen në fjalë dhe mendon se ky është një sulm që vjen nga Armand Duka dhe FSHF-ja, pasi ai vendosi që Federata t’i nënshtrohej një kontrolli tatimor si kryetar i Komisionit për Ekonominë dhe Financiat.

“KUSH MA KA ÇAKMAKUN?! Kjo është gazeta pushke e Armand Dukes;
Si e lexoj unë:
Djathtas-Kur qeni që të leh nga penxherja e Dukes, eshte me budallai i lukunise se qenve qe Duka stervit!
Nje nate me pare ne ekranin e Dukes tha se ai (vete) nuk kishte pare qe une ta kisha qelluar, por ia kishin thene tek lloma (dhoma) ku qe strehuar.
Gabim i madh!
Keshtu qe gazeta e Dukes e ka bere korrigjimin, ai thote ne vete te pare qe e kam qelluar une me cakmak duke bere nje gabim te pafalshem-shpifjen per shkak te detyres dhe une pa as me te voglin dyshim do e kallezoj si te tille!
Majtas-Arsyeja e qarte e sajimit te gjithe kesaj shpifje, auditimi fiskal-per aq sa i perket detyrimeve tatimore te FSHF, organizates ku drejton Armand Duka ne menyre okulte, jo transparente, ne te zeze, ne menyre te paligjshme dhe duke demtuar buxhetin e shtetit!
Une sa e kam gervishtur emblemen e paligjshmerise fiskale ne kete vend!
Nga nje interes, ai publik i lidhur drejtperdrejt me detyren time si kryetar i komisionit per Ekonomin e Financat me Kuvendin is Shqiperise!
Keshtu qe;
Qente le te lehin, puna vijon gjate dites e nates!”, - përfundon Braçe.  /EDS