Suksesi në Ligën e Kampionëve vendos të ardhmen e Neymar te PSG

26 Qershor 2020

E ardhmja e Neymar te PSG, do të përcaktohet nga ecuria që klubi do ta ketë në Ligën e Kampionëve këtë sezon.

Ylli brazilian ka thënë se dëshirontë bëjë histori me PSG dhe se objektivi i tij kryesor është të fitojë Ligën e Kampionëve, pasi edhe këtë vit fitoi kampionatin në Ligue 1.

Drejtuesit e klubit francez e kanë objektiv kupën me veshë të mëdhenj, pas përforcimeve të bëra këtë sezon dhe triumfi ose dështimi në këtë garë do ta shkruajnë edhe të ardhmen e Neymarit.

Neymar (Foto: UEFA – Handout/UEFA via Getty Images)

Në Francë janë të sigurt se Neymar të cilit i përfundon kontrata në verën e vitit 2022, mund të mbetet te PSG vetëm nëse fiton në Ligën e Kampionëve këtë vit.

Flitet madje edhe për një zgjatje të mundshme të kontratës, por dështimi për të fituar ‘Championsin’ e shtyn drejt largimit brazilianin.

Nëse nuk arrihen objektivat, klubi do të fillojë një revolucion duke bërë ndryshime më të mëdha në skuadër.

Neymar duke festuar një gol me PSG-në

PSG aktualisht të gjithë fokusin e ka në fazën “Final 8” që do të zhvillohet në gusht në Lisbonë, ndërsa është edhe në garë për dy trofe të Kupës. /Telegrafi/

Coronavirus – Statistikat

TotalKosova

Infektuar
Shëruar
Vdekur

Data credits CSSE at JHU

Trendi i Coronavirus-it në Kosovë

Data credits:corona-ks

Të gjitha lajmet rreth Coronavirus-it
www.telegrafi.com