Sulmi një “flluskë”, zhgënjejnë blerjet e verës, Partizani rikthehet te “garda vjetër”

06 Nëntor 2019

14 gola ka shënuar Partizani në 11 javë kampionat, shumë pak për një ekip kryesues dhe jashtëzakonisht pak për një ekip që në merkaton e verës u përqendrua totalisht në fazën ofensive duke afruar jo pak por 3 sulmues të ri. Braun, Solomon dhe Ekuban ishin emra që në letër të ngjallnin frikë, sulmues me CV shumë të mirë për nivelin e Superligës por që deri më tani vetëm dy të parët kanë lëshuar disa shkëndija ndërsa Ekuban është thjeshtë hija e emrit të vëllait.

Solomon

Sulmi ishte problemi më i madh në kohën e Skënder Gegës, i vetmi repart që çalonte në shifra, por situata nuk po ndryshon as këtë sezon. Sërish janë mesfushë apo mbrojtës që po zgjidhin problemin e golit. Për fatin e mirë të Franko Lerdës, Çinari po kalon një moment të mirë këtë periudhë, është shndërruar në protagonistin kryesorë në sulmin e kuq.

Lerda1

Franko Lerda është bindur dhe pse jo plotësisht të rikthej vështrimin nga “garda e vjetër”, lojtarë që në kohën e Gegës ishin titullarë fiks, si Bardhi apo Asani. Ky ndryshim në hierarki, duke i dhënë sërish besim lojtarëve që u shpallën kampion një sezon më parë ka pasur një efekt të menjëhershëm edhe në rezultate, 7 ndeshje pa pësuar humbje rikthyen kryeqytetasit në krye të tabelës së klasifikimit.
(BalkanWeb)

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.Grupi Balkanweb
www.balkanweb.com