Sulmuesi rebel, historia kontroverse e futbollistit më të famshëm turk

Ti mund ta lexosh kete ne 6 min.
11 Mars 2018 14:06

Të gjithë i adhurojnë heronjtë. Figura që mban mbi shpatulla shpresat, shpirtin e një populli dhe vetëofrohet për t’u sakrifikuar shihet gjithmonë me krenari. Jo pak herë heronjtë kthehen dhe në simbole kombëtare, duke zënë vendin e lavdishëm në historinë e vendlindjes. Vepra e tyre asnjëherë nuk mund të vihet në dyshim dhe jo më të refuzohet.

Por ish-futbollisti legjendar i Turqisë Hakan Ṣukur ka kaluar nga shkëlqimi ëngjëllor i një heroi të bekuar kur u priu turqve drejt vendi të tretë në kampionatin botëror të vitit 2002 në armikun e përbetuar të vendlindjes sot pas 16 vitesh debutim ëndërrimtar në Kupën e Botës në Kore të Jugut e Japoni.

Jeta e ish-sulmuesit të spikatur të Gallatasarait ka marrë një drejtim dramatik në 5 vitet e fundit. Në vitet ‘90 dhe deri në 2008 kur u tërhoq nga futbolli për t’u bërë pjesë e sferës së politikës, “Demi i Bosforit” ishte ikona e lavdishme e mbarë Turqisë. Hakan Ṣukur ishte një lojtar i klasit të lartë, një nga emrat më të mirë që kishte prodhuar futbolli turk duke qenë ndër të parët lojtarë që fama e tyre kaloi dhe kufijtë e hekurt të atdheut.

Ish-numri “9” i Kombëtares së “Gjysmëhënave” dhe klubit më të suksesshëm të Turqisë, Gallatasarait fitoi njëri pas tjetrit të gjithë trofetë e mundshëm të futbollit elitar turk. Në 2000 Ṣukur dhe kolegët e tij të Gallatas i dhanë Turqisë titullin e parë ndërkombëtar në futboll kur thyen në finale të Kupës UEFA Arsenalin që drejtohej nga Arsene Wenger. Por përveç trofeve të merituar, Sukur mbetet ende një rekordmen në futbollin turk kur në tre periudha aktivizimi me fanellën e Gallatasarait ai ka shënuar plot 295 gola. Për një kohë të gjatë ai preku përjetësinë në vendlindje.

Kurse periudha europiane me Blackburn Rovers në Angli, dhe në Itali me Torinon, Interin dhe Parmën është gati inekzistente, pasi Ṣukur nuk arriti asnjëherë të përshtatej me mentalitetin e futbollit të ligave më të fuqishme europiane. Goli ndaj Koresë së Jugut në finalen e vogël të Kupës së Botës të 2002 ishte maja e ekstazës në jetën e tij dhe me siguri për mbarë popullin turk. Turqia u rreshtua në krah të Brazilit e Gjermanisë si njëra nga superfuqitë e futbollit në atë vit emblematik.

“Kral”-i e mbylli karrierën e tij në vitin 2008 në mënyrën më të mirë të mundshme duke ngritur në qiell titullin e 14-të dhe të fundit personal.

Faza e tij e dytë e jetës nisi si një politikan kur u bë pjesë forcës më të madhe politike që dominon prej 16 vitesh Turqinë, AKP (Partia Drejtësi dhe Progres, që kryesohet nga presidenti Recep Tayyip Erdogan). Në zgjedhjet parlamentare të 2011-s ai u zgjodh si njëri prej anëtarëve të Asamblesë së Madhe Kombëtare falë imazhit të krijuar si futbollist i suksesshëm. Ai ishte një person shumë i afërt i kryeministrit të kohës Erdogan, por dhe mik me klerikun Fethullah Gulen, aleatin e dikurshëm të Erdoganit në qeverisje.

Por lufta për pushtet u acarua midis dy liderëve dhe në 2013 ndodhi ndarja përfundimtare midis Erdoganit dhe Gulenit kur u zbulua skandali i korrupsionit në sistemin gjyqësor të Turqisë. Hakan Ṣukur në shenjë proteste dorëzoi mandatin e deputetit dhe vendosi të qëndronte në pozitat e një politikani të pavarur. Ai kishte zgjedhur në këtë kohë të rreshtohej në krah të Gulenit.

Por në 5 vitet e fundit, shteti turk ka kryer spastrime në të gjitha institucionet e vendit duke nxjerrë jashtë loje elementët subversivë të dyshuar si mbështetës të klerikut Fethullah Gulen. Menjëherë pas shpërthimit të skandaleve korruptive në elitën politike turke dhe sistemin gjyqësor Erdogan vendosi të mbyllte të gjitha shkollat fetare (medresetë) e financuara nga Gulen duke i konsideruar si vatra të terrorizmit.

Ai filloi dhe goditjen ndaj të gjithë personave të dyshuar si mbështetës apo dhe simpatizantë të linjës ideologjike të klerikut Gulen. Dhe jashtë këtij rrethi nuk mund të mos lihej dhe Hakan Ṣukur.

Gjithashtu, Hakan mbahet mend edhe për një fjalim të famshëm në një universitet turk, kur ndër të tjera tha para studentëve të pranishëm: “Jam me origjinë shqiptare, pra nuk jam turk”.

Duke parë situatën politike Given the political climate in a country that was aiming to regain its national identity, those comments weren't well-received.

Në korrik të vitit 2016, Turqia kaloi një krizë të brendshme politike kur një tentativë për grusht shteti nga një grup i lartë ushtarakësh brenda Forcave të Armatosura të Turqisë provoi të përmbyste pushtetin e Erdoganit dhe AKP-së. Ditën e nesërme forcat pro-qeveritare morën situatën nën kontroll duke arrestuar të gjithë komplotistët.

Por në Turqi ekziston një gjendje terrori dhe paranoje ku prej gati 2 vitesh qëndron në fuqi gjendja e emergjencës. Brenda kësaj kohe janë arrestuar mbi 50.000 persona dhe janë shkarkuar nga puna 120.000 të tjerë të konsideruar si armiq të regjimit të AKP-së.

Jeta e Hakan Ṣukurit ishte mbuluar nga re të zeza. Ish-lojtari jetonte i izoluar nga frika e një arrestimi të mundshëm.

Në 2016 ndodhi dhe ndarja përfundimtare me vendlindjen. Në një postim në “Twitter” ai kritikoi regjimin e Erdoganit. Prokuroria e Ankarasë e konsideroi këtë një sulm ofendues ndaj figurës së presidentit dhe kërkoi arrestimin e menjëhershëm të tij, pavarësisht se Sukur këmbënguli se nuk kishte si synim të denigronte figurën e Erdoganit. Në 2 vitet e fundit ai jeton në mërgim. Ai është vendosur në Palo Alto në Luginën e Silikonit të San Franciskos ku drejton një kafene dhe pastiçeri, që prodhon dhe shërben ëmbëlsira dhe pije me përmbajtje kafeine.

Prodhimet e tij marrin vlerësime të mëdha në internet, por ndoshta shumica e tyre nuk e kanë idenë se e kaluara e Hakan Sukur është dhimbshme dhe prekëse.

Ish-heroi i Gallatasarait dhe Stambollit nuk ka mundur t’i gjendet pranë të atit që humbi jetën në burg nga një sëmundje e rëndë. Ai u arrestua si pjesë e grupit që financonte komplotistët e regjimit.

Heroin e dhjetëra miliona turqve e pret vetëm vdekja në atdhe, pasi qeveria turke ka dhënë urdhër të prerë për ta goditur në momentin që vendos këmbë në Turqi. Sot ai jeton shumë larg asaj çfarë po ndodh në atdhe dhe në kushte ekonomike jashtëzakonisht komode. Ai zotëron në SHBA tre makina luksoze dhe një apartament me vlerë 3 milionë paund.

Me siguri që do të duhen shumë vite që regjimi dhe mentaliteti i shoqërisë turke të ndryshohet radikalisht. Deri në atë ditë Hakan Ṣukur do të mbetet një mërgimtar i mallkuar dhe i urryer nga atdheu i tij. Ai nuk pret vetëm kthimin e shumëdëshiruar në vendlindje. Hakan Ṣukur ka nevojë të dëgjojë faljen e popullit që dikur ai e bëri krenar. E kaluara dhe e tashmja e tij duhet të takohen paqësisht./EDS/

Kërkesa për kod të ri
Ne ju kemi dërguar një link për të ndërruar kodin. Ju lutem kontrolloni postën tuaj elektronike