Superiorja dhe Kupa e Shqipërisë, katër ditët e ''betejave''

Ti mund ta lexosh kete ne 2 min.
16 Prill 2018 10:34
Plani i javës

Nuk ka kohë për pushim për ekipet e Superiores. Që të mërkurën rikthehet Kupa dhe tashmë do të mësohen edhe ekipet që do të shkojnë në finalen e Kupës së Shqipërisë. Nga stadiumi “Zeqir Ymeri” do të vijë emri i ekipit të parë që shkon në finale. Kukësi pret Laçin dhe është i favorizuar pas barazimit pa gola të marrë në ndeshjen e parë në transfertë. Kjo ndeshje luhet prej orës 15:30, kjo pasi duhet përllogaritur edhe mundësia që ndeshja mund të shkojë me penallti.

Në Vlorë luhet gjysmëfinalja tjetër. Flamurtari ka fituar në Korçë falë golit të Danilo Alves, por Skënderbeu ka treguar se mund edhe ta kthejë rezultatin. Vetëm pak ditë pas disfatës në Kupë ia doli të shënonte tre herë në portën e Adis Nurkovic në kampionat. Një takim mjaft interesant, me të dyja ekipet që do të kërkojnë maksimumin në fushën e blertë. Për ekipin e drejtuar nga Shpëtim Duro mjafton një barazim për të shkuar në finale.

KUPA E SHQIPËRISË – GJYSMËFINALET (KTHIMI)
E mërkurë, më 18 prill, 2018
15:30 Kukësi-Laçi
18:30 Flamurtari-Skënderbeu

Kampionati rinis të shtunën dhe fillimisht luajnë ekipet që janë eliminuar nga Kupa. Kamza pret në shtëpi Lushnjën dhe vetëm fitorja u bën punë. Ky takim luhet pa praninë e publikut, pasi vendimit të Disiplinës në mesjavë. Në Shkodër Vllaznia pret Luftëtarin, që tashmë renditet në vendin e katërt në klasifikim dhe synon kupat e Evropës. Për skuadrën e Gjokës situata nuk është aspak e mirë, pasi me humbjen e pësuar në Durrës janë rikthyer të parafundit në renditje. Të dyja këto takime luhen prej orës 16:00

Te dielën zhvillohet dy takime të tjera. Fillimisht luhet derbi i Veriut mes Laçit dhe Kukësit, ndërsa në mbrëmje është një tjetër derbi. Flamurtari pret Teutën, një takim mjaft i rëndësishëm për të dyja ekipet. Java e 30-të e Superiores mbyllet në kryeqytet me ndeshjen me të rëndësishme, atë mes skuadrës së Partizanit dhe Skënderbeut. Korçarët i janë rikthyer rezultateve pozitive, kurse te të kuqtë humbja me Kukësin me shifrat 4-0 i ka prishur balancat. /EDS/

KATEGORIA SUPERIORE – JAVA 30
E shtunë,  më 21 prill 2018
16:00 Kamza-Lushnja
16:00 Vllaznia-Luftëtari
E diel, më 22 prill 2018
16:00 Laçi-Kukësi
19:00 Flamurtari-Teuta
E hënë, më 22 prill 2018
19:00 Partizani-Skënderbeu

Milani në prag revolucioni, ja kush pritet të jetë trajneri i ri

Ti mund ta lexosh kete ne 2 min.
17 Korrik 2018 18:32

Edhe pse në deklaratën e Elliottit , bëhej e qartë se Gennaro Gattuso është e tashmja edhe e ardhmja e Milan-it, qëndrimi i Rinos në stolin e kuqezinjve  nuk është aq i sigurt, sipas asaj që raporton Sport Mediaset. Me sa duket, në fakt, trajneri i ardhshëm i Milan-it mund të jetë Antonio Conte. Tekniku nga puglia është zgjedhja e parë e pronarëve të rinj, pas largimit nga Chelsea. Pika e kthesës, me sa duket, do të vijë menjëherë: pas asamblesë që pritet të zhvillohet të shtunën. Disa herë, në vitet e fundit, Conte ka qenë afër kuqezinjve, por këtë herë mund të jetë momenti i duhur.

Elliott duket se dëshiron të ndryshojë gjithçka që mund të ndryshohet nga menaxhimi i Yonghong Li, duke përfshirë edhe trajnerin. Për momentin Elliott, nuk është shprehur asnjëherë për  trajnerin ose për ndonjë çështje tjetër. Që prej deklaratës zyrtare të fondit, kanë ndodhur  tri gjëra të rëndësishme: Conte u shkarkua, Gattuso përfundoi nën hetim dhe Curva Sud lëshoi një komunikatë që e lidhte Rinon drejtpërdrejt me Massimiliano Mirabelli-n.

Ky është problemi kryesor: Marco Fassone dhe drejtori sportiv i kanë ditët e numëruara. Drejtori Ekzekutiv është duke kërkuar për ndonjë mundësi tjetër dhe duket se do të përfundojë në Ligën e Futbollit, ndërsa ky i fundit do të vazhdojë të operojë në merkato deri në fund të sezonit, edhe pse nën mbikëqyrjen e Leonardo-s. Pastaj, mund të caktohet një drejtor i ri sportiv. Mund të jetë Cristiano Giuntoli, por edhe Daniele Pradé. Ardhja e Conte-s mund të lehtësojë transferimin e Alvaro Morata. Sulmuesi ishte kërkuar të Chelsea nga Conte dhe do të ishte dakort për një transferim në Milano. Përveç kësaj, me ardhjen e ish-trajnerit të kombëtares Italiane, mund të qëndrojë edhe kapiteni Leonardo Bonucci, në qendër të thashethemeve të shumta rreth merkatos. /EDS/

**************************

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.

Hamburgu merr vendimin zyrtar për Mavrajn

Ti mund ta lexosh kete ne 1 min.
17 Korrik 2018 18:15
Tani me sytë nga e ardhmja

Rrugët e Mërgim Mavrajt dhe Hamburgut janë ndarë sot përfundimisht. Klubi gjerman ka njoftuar përmes një postimi në Facebook se ka zgjidhur me mirëkuptim kontratën me 32-vjeçarin shqiptar i cili tashmë është një lojtar i lirë.

Edhe pse kontrata mes Mavrajt dhe hamburg përfundonte një vit më vonë, palët kanë rënë dakord për prishjen e menjëhershme të saj. “Falenderojmë Mërgimin për shërbimet e tij dhe i urojmë fat në të ardhmen”, shkruhej në postimin e Hamburg.

Mavraj u transferua te Hamburg nga Këlni në dhjetor 2016, i blerë nga klubi verior për 1,8 milionë Euro. Edhe pse luajti fillimisht mirë me Hamburg e në fillim të sezonit të kaluar madje u emërua edhe zëvendës kapiten, por që prej mbërritjes së trajnerit Christian Titz gjërat nisën të merrnin për keq për mbrojtësin shqiptar. Fillimisht ai nisi të mos aktivizohej rregullisht e më vonë erdhi edhe dërgimi për t’u stërvitur me skuadrën e dytë.

Tani Mavrajt i duhet të gjejë një skuadër tjetër. Më parë emri i tij është lidhur me turqit e Trabzonspor, ndërkohë që më pas kanë dalë në dritë edhe disa klube italiane apo spanjolle, si Deportivo la Coruna. Gjithsesi tani që lojtari është i lirë mund ta ketë më të lehtë të gjejë një skuadër për të garantuar minuta për sezonin e ardhshëm./EDS/

**********

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.

 

Tronditet Arsenal, kontrata e firmosur me sponsorin kinez jo e vërtetë

Ti mund ta lexosh kete ne 2 min.
17 Korrik 2018 17:50

Ndodh që të gjithë të mashtrohemi njëherë në jetë. Fatura e telefonit e kripur, një blerje nëpërmjet internetit që vjen bosh. Natyrisht, që ti ndodhë një klubi futbolli, me gjithë volumin e punës që sillet rreth botës së futbollit, është mjaft komike. Sidomos në qoftë se klubi në fjalë nuk është një ekip i lënë pas dore, por Arsenali i lavdishëm. Që, siç raportohet nga Daily Mail, në prill kishte njoftuar një partneritet me BYD, një kompani kineze që prodhon makina elektrike. Disa nga lojtarët e Gunners ishin fotografuar me fanellat që mbanin emrin e kompanisë. Por në fakt ...

Ndërsa tani, vetë BYD deklaron se çdo marrëveshje e arritur dhe e nënshkruar me Arsenal-in do të konsiderohet absolutisht e pavlefshme. Dhe për një arsye madhore. Personi i cili ka firmosur këtë marrëveshje ... nuk punon për BYD. Në fakt, ai kurrë nuk ka punuar atje. Daily Mail njofton se Li Juan, arkitekti i dyshuar i këtij mashtrimi, është arrestuar në Shangai. Pikërisht në qytetin më të populluar në botë, Li Juan kishte selinë e saj, ku mashtronte klientët, duke pretenduar se ishte një emisar i BYD-së, duke u pajisur me një vulë të rreme të kompanisë.

Dhe versioni kinez i faqes së Arsenalit konfirmon se Gunners gjithashtu është në listën e të mashtruarve. "BYD ka njoftuar Arsenalin se ka qenë viktimë e mashtrimit në lidhje me disa marrëveshje sponsorizimi, duke përfshirë edhe atë me klubin". Kompania ka lëshuar një deklaratë zyrtare, duke nënvizuar se Li Juan është hequr si një anëtar i stafit të BYD dhe ka përdorur një vulë të falsifikuar për të nënshkruar kontrata. Të gjitha detajet  BYD i ka raportuar në polici, të cilët kanë kryer arrestimin. Një dëm i madh për imazhin e kompanisë, por edhe për vetë Arsenal-in, që kishte postuar fushata reklamuese në faqen e saj të internetit për të bërë publike partneritetin. Dhe në fakt, është përballuar me një marrëveshje të rremë. Por, kjo i ndodh edhe më të mirëve. Megjithatë, nga hera tjetër, kujdes se çfarë firmosni. /EDS/

**************************

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.

Liverpool, ofertë rekord për Alisson

Ti mund ta lexosh kete ne 1 min.
17 Korrik 2018 17:34
A mund t'i thuash jo?!

Liverpool ka bërë një ofertë rekord, prej 70 milionë Eurosh për portierin e Romës, Alisson Becker. Sipas BBC klubi italian po e konsideron seriozisht ofertën edhe pse kërkon 5 milionë euro më shumë. Portieri brazilian sapo është kthyer nga kombëtarja ku mori pjesë në Kupën e Botës në Rusi. 25-vjeçari vesh fanellën verdhekuqe prej dy vjetësh dhe sezonin e kaluar ka luajtur 37 ndeshje, ndërsa karrierën e ka nisur te Internacional në vendlindje.

Nëse oferta e parë e klubit anglez pranohet, do të thyente rekordin e shumës me të cilën është blerë një portier, 53 milionë Euro të paguara nga Juventus në llogaritë e Parmës në vitin 2001 për të marrë Gianluigi Buffon. Rekordin në Premier League e mban portieri i Manchester Cityt, Ederson, për të cilin Guardiola pagoi vjet 40 milionë Euro te Benfica.

Trajneri i Liverpool duket nuk ka ndërmend të vazhdojë sezonin e ardhshëm me Loris Karius në portë, pas dy gafave fatale të gjermani në finalen e Champions League kundër Real Madrid që i kushtuan Reds-ave trofeun.

Alisson luajti në të pesë ndeshjet e Brazilit në Botëror, ku Seleçao arriti deri në çerekfinale, ndërsa e ruajti të paprekur portën në tre raste.

Por përveç këresës së Romës për më shumë para, Liverpool duhet të ruhet edhe nga futja në garë e Chelsea-t, sepse Blutë e Londrës janë shumë pranë shitjes së Thibaut Courtois dhe mund të kenë nevojë për një zëvendësues./EDS/

**********

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.