Tenis/ Spanja rrihet, Italia fiton në play-off

Ti mund ta lexosh kete ne 1 min.
11 Shkurt 2018 23:33
Vendimtare për italianët

Italia ka mundur Spanjën 3-1 në sfidën për Fed Cup e vlefshme për turin e parë të Grupin e Dytë Botëror 2018 në tokën e kuqe të Pala Tricalle të Chietit. Një fitore që lejon italianët të kalojnë në Grupin e Dytë Botëror.

Në ndeshjen e parë të ditës së dytë dhe të fundit, Sara Errani mundi me rezultatet 6-3 3-6 6-3 Carla Suarez Navarro në sfidën midis dy numrave 1. Deborah Chiesa ka mposhtur me rezultatet 6-4 2-6 7-6 Laura Arruabarrena. Të shtunën në ndeshjen hapëse Suarez Navarro kishte mundur 6-2 6-3, Paolinin, ndërsa Errani kishte vënë gjithçka në vend duke rregulluar me një dopio 6-1. /EDS/

Roland Garros, kush e rrëzon nga froni Mbretin Nadal?

Ti mund ta lexosh kete ne 3 min.
21 Maj 2018 18:16
Edicioni i 122-të

Roland Garros është emri me të cilin të gjithë e njohin turneun e tenisit “Franch Open”, që për këtë vit nis në datë 27 maj dhe përfundon në 10 qershor. Ky do të jetë edicioni i 122-të i turneut që luhet në pistë me dhe të kuq. Risia e këtij viti do të jetë hapsira prej 25 sekondash që tenistët do të kenë për të realizuar shërbimet mes pikëve. Faza kualifikuese e turneut ka nisur tashmë, por finalet fillojnë zyrtarisht të shtunën për të na dhuruar dy javë me emocione të mëdha. Stadiumi “Roland Garros” mban emrin e aviatorit, inxhinierit dhe pilotit luftarak francez, i cili është shpallur edhe hero lufte për pjesëmarrjen e tij në Luftën i Botërore, ku dhe humbi jetën në vitin 1918.

Pyetja më e madhe që shtrohet para nisjes së turneut të këtij viti është: Kush mund ta mposhtë Mbretin Nadal? Ose më mirë: Kush do të mund t’i marrë një set Nadalit?

I mbiquajtur Mbreti i Dheut, spanjolli është favoriti kryesor për të fituar këtë vit, duke regjistruar suksesin e 11-të në këtë turne. Për më tepër që vjen në Francë pas fitoreve në Monte Carlo, Barcelona dhe më i fundit, të dielën në Romë. Si zot i padiskutuar në dhe, prej 14 vitesh tashmë, edhe këtë edicion Nadal do të jetë njeriu për t’u mundur. Në këtë turne ai ka një rekord me 79 ndeshje të fituara dhe vetëm 2 të humbura, kundër Robin Soderling në raundin e katërt, viti 2009, dhe kundër Novak Djokovic në çerekfinalet e vitit 2015.

“Rafa për mua është pretendenti kryesor dhe me shumë distancë nga të tjerët”, thotë për CNN legjenda e tenisit, Boris Becker. “Ka disa djem që kanë filluar të tregojnë potencial, por as nuk po ua them emrat sepse për mua Rafan nuk e mposht njeri nëse është fizikisht i shëndetshëm”.

Por cilët janë konkurrentët e tjerë që mund të shkaktojnë një surprizë në Roland Garros?

Novak Djokovic: Nuk është më tenisti që arriti majat dy vjet më parë. Ka humbur përqendrimin dhe një dëmtim në brryl mund ta ketë frenuar disi. Por gjithsesi mbetet kundërshtari më i fortë për Nadal në dhe, askush tjetër nuk i afrohet dot spanjollit.

Dominic Thiem: Nadal ka humbur vetëm 36 ndeshje në një turne të madh në dhe përgjatë 13 viteve karrierë. Por australiani Thiem ëshë një prej tre tenistëve që e kanë mposhtur spanjollin të paktën tri herë. Megjithatë duhet të jamë maksimumin për të befasuar.

Fabio Fognini: Italiani është padyshim një prej të rinjve më çapkënë në tenis, disa proble medisiplinore i kanë kushtuar shtrenjtë. Por kur ruan përqendrimin është një prej më të mirëve në këtë terren dhe mund të bëjë keq.

Kei Nishikori: Japonezi kurrë nuk e ka mundur Nadal-in në dhe të kuq. Por i ka shkuar shumë pranë në turneun e Madridit në vitin 2014, kur u tërhoq në setin e tretë prej një dëmtimi në shpinë.

Alexander Zverev: Është vetëm 21 vjeç, por gjermani i ka fituar deri tani tre turne. Të dielën në Romë u mund pikërisht nga Nadal, por është i treti në renditjen Masters të meshkujve dhe kjo do të thotë diçka./EDS/

 

****************

 

Ndalohet ribotimi apo kopjimi i këtij artikulli pa lejen me shkrim nga eduasportin.com apo edhe riprodhimi i lajmit pa autorizimin tonë. Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Në eduasportin.com do gjeni Parashikime Ndeshjesh për Kampionatet Kryesore, Rezultate Live dhe Statistika Futbolli.

Nadal nuk është më i pari në botë, por: Nuk ka përfunduar ende

Ti mund ta lexosh kete ne 1 min.
11 Maj 2018 23:17
Ja plani i tenistit

Normalisht, jam i zhgënjyer, nëse do të mundesha do të kthehesha pas, por sot nuk kam qenë mirë. Ka ditë që nuk mund të luash aq mirë sa dëshiron”, janë këto fjalët e para të Rafael Nadal, i cili humbi përballjen me Thiem dhe si për pasojë dhe vendin e parë në botë.

“Tre javë më parë fitova 6-2 dhe 6-0, nuk e di nëse është hakmarrë, por këtë javë ai ka qenë më mirë se unë”, vijoi më tej Nadal, i cili shpjegoi se nuk mund të mbante më vendin e parë në botë pa u ndeshur.

“Nuk mund të mbash vendin e parë për pesë muaj pa u ndeshur, kjo është renditja në ATP, nuk është diçka që mund të bësh shumë diferencë. Nga Shangai në Monte Carlo nuk kishte përfunduar turneu. E kam bërë prej vitesh, por ky është realiteti, nuk mund ta mbaj për pesë muaj pa përfunduar një turne, nuk dua të mendoj rreth tij. Do ta shoh këtë gjë në fund të vitit. Kam bërë dy javë të mira në fushë dhe më duhet të shoh përpara, preferoj që të jem numri një sesa dy, por ajo që më bën të lumtur është se gëzoj shëndet të plotë dhe se jam i gatshëm për çdo ndeshje. Në garë unë jam i treti dhe për këtë shqetësohem”, tha Nadal. /EDS/

Masters 1000 Montekarlo/ Rafa Nadal fiton turneun e 11 në Principatë

Ti mund ta lexosh kete ne 1 min.
22 Prill 2018 16:51

Rafa Nadal fitoi një tjetër trofe me rëndësi në karrierën e tij. Tenisti spanjoll është fituesi i Masters 1000 të Montekarlos, një nga turnetë më prestigjioz të tenisit.Duhet thënë se për sportistët e kësaj disipline ta fitosh këtë trofe ka një rëndësi të madhe dhe Nadal deri më tani e ka fituar për herë të 11. Suksesi i fundit erdhi kundër japonezit Kei Nishikori me rezultatin 6-3;6-2 në një lojë që zgjati 1 orë e 33 minuta. Ky është titulli i parë i akti viti pas u kthye pas problemeve fizike që vuajti në Australi.

Gjatë këtyre viteve në Masters 1.000 të Montekarlos, Nadal ka fituar ndaj këtyre kundërshtarëve: Albert Ramos (2017), Gael Monfils (2016), Novak Djokovic (2012; 2009), David Ferrer (2011), Fernando Verdasco (2010), Roger Federer (2006; 2007; 2008) dhe Guillermo Coria (2005), përveç Nishikori-t që u mund këtë vit. Vetëm serbi Djokovic ishte i zoti që të mposhte në një finale të principatës në 2013 kanibalin e dheut të kuq. /EDS/

Tenis/ Nadal mposht lehtësisht Dimitrovin dhe kap finalen

Ti mund ta lexosh kete ne 1 min.
21 Prill 2018 15:58
Spanjolli përfiton nga dëmtimi i kundërshtarit

Rafael Nadal ka siguruar finalen e 12-të në karrierë në Montecarlo, pasi mundi 2-0 me sete, përkatësisht 6-4 dhe 6-1 bullgarin, Grigor Dimitrov. Spanjolli ia doli që t'a likuidojë kundërshtarin në vetëm 1 orë e 11 minuta. Në setin e parë 26-vjeçari bullgar dukej sikur po i rezistonte tenistit nga Majorka, ku fitoi 4 gejme. Por, në të dytin ishte tepër e vështirë për të përballja ndaj 10 herë triumfuesit në Principtarë. Dimitrov mund të marrë në setin e dytë vetëm një gejm, ku u dorëzua lehtësisht.

Shkak për paraqitjen e tij jo të mirë, ishte edhe dëmtimi që ka pësuar në krah, por nga ana tjetër ky ishte një plus për Nadal, i cili nuk e pati të vështirë fitoren ndaj ballkanasit. /EDS/