Thiago Silva kundër Cavani-t: Vonesa e tij ka vënë grupin në vështirësi

Ti mund ta lexosh kete ne 1 min.
11 Janar 2018 17:58
Tek PSG ka gjithmonë tension!

Në Paris gjithmonë ka tension dhe për ta konfirmuar këtë mendoi kapiteni. Thiago Silva-s, në fakt, nuk i pëlqeu sjellja e Pastore dhe mbi të gjitha, Cavani, i cili u kthye katër ditë më vonë nga festa e Krishtlindjeve.

Kjo ishte një sjellje e gabuar sipas ish-milanistit, është e dëmshme për grupin që ka shumëfishuar tensionet në dhomën e zhveshjes.

Gjithsesi trajneri Emery është i paqartë: "Nuk mund të them nëse Cavani do të kthehet të dielën". Ndërsa Pastor nuk pëlqen faktin, që kapiteni flet për të.

Ndërkohë, Silva, në ndeshjen e djeshme në Amiens, zbuloi se Pastore tani është afër lamtumirës: "Për të është çështje tjetër, mendoj se dëshiron të largohet dhe madje mendoj, se ka gjetur një marrëveshje".

Argjentinasi u kthye katër ditë më vonë, por kërkoi falje në dhomën e zhveshjes. Cavani nuk e bëri këtë, duke e paraqitur veten sikur asgjë nuk kishte ndodhur dy ditë më vonë.

"Për Cavani-n është një çështje tjetër, por të dy kanë bërë diçka që nuk është e mirë për grupin, në një moment mjaft të rëndësishëm për klubin. Para se të bëni gjëra të tilla, duhet të mendoni për ekipin", tha Silva.

Ndërkohë, Pastore iu përgjigj në mënyrë të zemëruar kapitenit Silva, nëpërmjet “Yahoo Sport”: "Unë kurrë nuk fola me Thiago Silva-n në lidhje me problemin tim apo të ardhmen time. Nuk është në stilin tim të prish harmoninë në grup. Silva nuk është në dijeni të problemit që shkaktoi vonesën time. Unë përsëris se ëndrra ime e vërtetë do të ishte për ta përfunduar karrierën time këtu. Unë kam qenë gjithmonë besnik. Nuk është e vërtetë që unë dua të largohem”.

Kërkesa për kod të ri
Ne ju kemi dërguar një link për të ndërruar kodin. Ju lutem kontrolloni postën tuaj elektronike