Tifozi 10-vjeçar i Unitedit i lutet Kloppit që Liverpooli të humb një ndeshje, përgjigja e gjermanit është brilante

20 Shkurt 2020

Menaxheri i Liverpoolit, Jurgen Klopp, duket se është i dashur nga të gjithë në futbollin anglez, edhe nga tifozët rivalë.

Edhe tifozët e rivalëve të mëdhenj, të cilët janë duke pasur makth në lidhje me fitimin e titullit të Ligës Premier nga Liverpooli, kanë një pikë të butë sekrete për trajnerin e tyre gjerman.

Një i tillë vjen edhe nga rivalët e Manchester Unitedit. Bëhet fjalë për tifozin 10-vjeçar të quajtur Daragh.

Lexo po ashtu: Super kompjuteri vjen me parashikim të ri – Liverpooli kampion me rekord pikësh, befasi renditja e klubeve të mëdha

Është mediumi Daily Mail që ka nxjerr në pah një histori zbavitëse me tifozin 10-vjeçar dhe Kloppin, të cilët kanë shkëmbyer disa letra.

10-vjeçari i ka kërkuar trajnerit gjerman që Liverpooli të humb një ndeshje, ndërsa përgjigja e Kloppit ishte brilante.

Letra e tifozit të Manchester Unitedit 

“I dashur Jurgen Klopp, emri im është Daragh. Unë jam 10 vjeç. Unë shkoj në Glensëilly NS në Donegal. Unë mbështes Man Unitedin dhe arsyeja që unë jam duke shkruar është të ankohen”.

“Liverpooli po fiton shumë ndeshje. Nëse fitoni edhe nëntë ndeshje, atëherë bëheni më me ecurinë më të mirë si i pamposhtur në futbollin anglez. Duke qenë një tifoz i Unitedi kjo është shumë trishtuese”.

“Kështu që herën tjetër, kur Liverpooli do të luajë, ju lutemi bëjini ata të humbasin. Ju thjesht duhet ta lini ekipin tjetër të shënojë. Shpresoj që të kam bindur që të mos e fitoni ligën ose të fitoni një ndeshje tjetër përsëri. Sinqerisht, Daragh”.

Nisur nga mosha e tij, letra është edhe pafajshme, qesharake dhe e çuditshme, por edhe vetë Daragh nuk mund të priste kurrë një përgjigje nga Klopp.

Përgjigja e shkëlqyeshme e Jurgen Klopp

“Fatkeqësisht, me këtë rast nuk mund ta pranoj kërkesën tuaj, jo me zgjedhje sidoqoftë. Sa më shumë që ju dëshironi që Liverpooli të humbasë, është detyra ime të bëj gjithçka mundem për të ndihmuar Liverpoolin të fitojë pasi ka miliona njerëz në të gjithë botën që duan që kjo të ndodhë, kështu që unë me të vërtetë nuk dua t’i lë ata”.

“Për fat të mirë, ne kemi humbur ndeshje në të kaluarën dhe do të humbasim lojërat në të ardhmen sepse ky është futbolli. Problemi është kur jeni 10 vjeç, ju mendoni se gjërat do të jenë gjithmonë ashtu siç janë tani, por nëse ekziston një gjë që mund t’ju them si 52 vjeç është se nuk është kështu”.

“Megjithatë, pasi të keni lexuar letrën, mendoj se mund të them me siguri se një gjë që nuk do të ndryshojë është pasioni juaj për futbollin dhe për klubin tuaj. Manchester Unitedi ka fatin që juve tifoz”.

“Shpresoj që nëse jemi me fat që të fitojmë më shumë ndeshje dhe mbase madje të ngremë edhe disa trofe të tjerë, nuk do të zhgënjeheni sepse megjithëse klubet tona janë rivalë të mëdhenj, ne gjithashtu ndajmë një respekt të madh për njëri-tjetrin”.

“Kjo, për mua, është ajo që ka të bëjë me futbollin. Bëni kujdes dhe fat të mirë, Jurgen”.

/Telegrafi/

www.telegrafi.com

ulaş utku bozdoğan
ulaş utku bozdoğan astrolog
ulaş utku bozdoğan