Tirana ‘arkëton’ titullin që nuk do ta kishte dashur kurrë

Tirana ka arritur që të bëjë për vete dhe trofeun që kurrë nuk e kishte menduar një vit më parë. Por, fati e solli këtu dhe sot arriti që me dy gola të Bedri Grecës të fitojë finalen e Kategorisë së Parë kundër Kastriotit me rezultatin 2-0. Nëse pjesa e parë  u mbyll me rrjeta të paprekura, në të dytën ekipi i brazilianit e gjeti dy herë rrjetën për të fituar 3 milionë lekë të rinj si shpërblim për fitimin e titullit në këtë kategori.

Pjesa e parë e takimit ishte e ekuilibruar për të dyja skuadrat. Edhe pse formacioni i Samuel Nikajt ishte më sulmues duke parë ndërtimin e skemës, Ze Maria nga ana tjetër diti mjaft mirë që të ndërojë mënyrën e lojës që ta vinte në vështirësi ekipin krutan.

Bardheblutë kërkuan me insistim golin me Grent Halilin, Dajën dhe Grecën, por ishte e pamundur që të ndëshkonin krutanët. Edhe ekipi mik u mundua që të reagonte, por ishin të paqartë në vijën e sulmit, ku Mziu dhe Malindi nuk mundën që të realizonin.

Në pjesën e dytë çdo gjë ishte ndryshe. Bardheblutë e kërkuan me ngulm golin dhe nuk u dorëzuan në çdo minutë, ku më në fund në minutën e 65 zhbllokuan rezultatin me të zakonshmin Bedri Greca. Kombinim mjaft i bukur me Asion Dajën dhe Greca në fund i gjendur përball Kukës e dërgon sferën në rrjetë, 1-0!

Entuziazëm te bardheblutë, kjo u pa qartë edhe në pankinë ku stafi brazilian u ngrit në këmbë për të festuar. Por, nuk vonoi shumë, goli i dytë erdhi sërish nga Greca. Në minutën e 71 Sentamu e nxori të vetëm me portierin Kuka dhe Greca nuk zhgënjeu, por çoi shifrat në 2-0.

Në minutat e mbetura të sfidës Kastrioti u duk pothuajse i dorëzuar. Idetë e sulmit nuk ishin të qartë, ndërsa Tirana arriti që të përfitojë nga çdo gabim duke tentuar që të gjente golin e tretë. Por, pas tre minutash shtesë, ndeshja u mbyll me rezultatin 2-0, për t’i dhënë në fund të drejtën e festës Tiranës për trofeun që nuk do të donin kurrë ta arkëtonin në zyrat e klubit të tyre. /EDS/

Tirana-Kastrioti 2-0
Shënues:
Greca 65′,71′)

Tirana: Lika, Maweje, Hoxhallari, Halili (Çelhaka 88’), Cake, Sentamu, Greca (Bardhi 77′), Kerciku, Karabeci, Turtulli, Daja (Muçi 92’). Trajner: Ze Maria

Kastrioti: Kuka, Mziu, Hoxha, Çela, Lila, Mulaj (Caca 58′) , Lilaj, Çutra, Marku (Vatnikaj 77′), Husein (Neziri 62′), Malindi. Trajner: Samuel Nikaj

Gjyqtar: Enea Jorgji (Elbasan)
Kartonë të verdhë: Maweje 23′, Daja 29′, Husein 42′

ulaş utku bozdoğan
ulaş utku bozdoğan astrolog
ulaş utku bozdoğan