Tirana nis përgatitjet, Ze Maria mbetet në Brazil

Ti mund ta lexosh kete ne 1 min.
12 Janar 2018 15:48
Trajneri nuk paraqitet në seancën e parë stërvitore të ekipit

Tirana ka nisur sot përgatitjet për pjesën e mbetur të sezonit. Ekipi bardheblu ka zbritur në fushën e blertë pas pushimeve për festat e fundvitit. Skuadra është drejtuar nga zëvendës-trajneri, Marco Aurelio.Braziliani Ze Maria nuk ka qenë i pranishëm. Ai do t’i bashkohet bardhebluve në Antalia. 24 herë kampionët e vendit do të nisen nesër drejt Antalias. Bardheblutë do të përgatiten në Turqi para fillimit të pjesës së mbetur të sezonit në Kategorinë e Parë.

“Skuadra ka nisur sot përgatitjet për pjesën e dytë të sezonit. Seancën e parë stërvitore e ka drejtuar zëvendës trajneri Marco Aurelio dhe stafi teknik. Trajneri Ze Maria do të bashkohet me skuadrën në Antalya. Nesër në orët e para të mëngjesit, bardheblutë do të udhëtojnë drejt Turqisë për të vijuar përgatitjet e dimrit. #wearetirona”, - shkruan klubi në faqen zyrtare në “Facebook”. /EDS/

Greca nderon Tiranën në Berat, përplasje mes tifozërive

Ti mund ta lexosh kete ne 1 min.
22 Prill 2018 18:50
Vuajnë bardheblutë

Tirana nuk ka shkuar më shumë se një barazim 2-2 në Berat kundër Tomorit. Bardheblutë kanë siguruar zyrtarisht vendin e parë, që u mundëson ngjitjen në Kategorinë Superiore për sezonin e ardhshëm, megjithatë nuk e ulën ritmin për asnjë moment. 24 herë kampionë të vendit kaluan në avantazh pas 12’ minutash lojë me anë të vlonjatit Bishaj pas një aksioni model. Gjithsesi gëzimi nuk zgjati shumë, sepse vendasit barazuan pas 13’ minitash me anë të Kopaçit pas një kundërsulmi. Në minutat e mbetura loja karakterizohet nga dyluftime në mesfushë, teksa në minutën e 30’ arbitri kryesor ndaloi për disa momente ndeshjen për shkak të sharjeve në kor midis tifozërive.

Tomori e nisi më mirë pjesën e dytë, teksa kaloi për herë të parë në avantazh në këtë takim në minutën e 55’. Pas një zbritjeje të shpejtë në sulm vendasit fituan një penallti, të cilën e ktheu në gol Paja. Në disavantazh Tirana hidhet e gjitha në sulm në kërkim të barazimit dhe pas disa aksionesh të rrezikshme bardheblutë shënojnë me anë të mesfushorit Bedri Greca, i cili ekzekutoi në perfeksion një goditje dënimi pak minuta para fundit (84’). /EDS/

Tomorri-Tirana 2-2

Tirana– Cake, Muçi, Doka, Abibi, Vrapi, Bardhi, Bishaj, Celhaka, Halili, Qilimi Ismajlgeci Trajneri: Ze Maria

Tomori– Kaloshi, Bitri, Daci, Mersini, Gjonaj, Hyseni, Kopaçi, Myzyri, Paja, Sharavolli, Mitraj Trajneri: Gersi Arbri

Gjyqtar: Xhuljo Mema, Artan Demiraku, Adeljon Vila

E zbulon Ze Maria: Ja pse iku Mohamed nga Tirana

Ti mund ta lexosh kete ne 1 min.
22 Prill 2018 16:39
Flet trajneri brazilian

Mohamed Musa e ka mbyllur me Tiranën, ndërkohë që klubi bardheblu ende nuk e ka bërë zyrtar ndërprerjen e kontratës. Gjithsesi vetë qendërmbrojtës kenian ka folur në vendlindje se e ka mbyllur aventurën e tij me skuadrën kryeqytetase. Së fundmi ka folur edhe trajneri Ze Maria, që ka treguar edhe arsyet se pse qendërmbrojtësi iku dhe lidhen me financat dhe ushqimin. Braziliani e kishte kërkuar vetë mbrojtësin në Shqipëri, por në ndeshjet që luajti nuk është se tregoi diçka më shumë se shokët e skuadrës.

“Është për të ardhur keq, që e kemi humbur këtë lojtar. Musa është një lojtar i talentuar dhe shpresuam se ai mund të na ndihmonte për objektivat tona. Megjithatë, gjërat nuk kanë shkuar sipas planit. Musa nuk ka arritur të përshtatet me jetën dhe futbollin në Shqipëri. Ai nuk e pëlqente ushqimin këtu, por edhe ana financiare ka ndikuar. Për këto arsye është lejuar të largohet nga Tirana”, ka thënë Ze Maria, që në janar afroi në ekip Keneth Muguna.

Qendërmbrojtësi 26-vjeçar luajti vetëm në katër ndeshje nga minuta e parë dhe nuk u zëvendësua, ndërkohë që më pas është thënë se ka një dëmtim, ndërkohë që tani e ka mbyllur me Tiranën, që në verë duhet të kërkojë të përforcohet në mbrojtje. Gjithsesi duhet sqaruar fillimisht situata me trajnerin Ze Maria. Braziliani ka nënshkruar një kontratë 1+1 dhe bardheblutë e kanë në dorë aktivizimin e klauzolës që e mban ish-futbollistin e Interit në kryeqytet. /EDS/

Nis revolucioni, Tiranës i largohet ylli i merkatos së janarit

Ti mund ta lexosh kete ne 2 min.
22 Prill 2018 14:21
Bardheblutë nisin spastrimet për vitin e ardhshëm

Mbrojtësi i Tiranës, Musa Mohammed, ka prishur marrëveshjen me ekipin e Tiranës. Largimi i tij ka ndodhur me konsensus të dy palëve. Keniani nuk dha thuajse asnjë kontribut te skuadra bardheblu, pavarësisht se u afrua si ylli i merkatos së janarit. Mbrojtësi erdhi në janar si një dëshirë e teknikut brazilian, Ze Maria. Braziliani dhe lojtari kishin punuar së bashku te ekipi kenian i Gor Mahias dhe ishte kapiteni i skuadrës afrikane. Afrimi i 26-vjeçarit u cilësua si një goditje mjaft e gjetur, por rezultati tregoi të kundërtën.

Futbollisti ka luajtur vetëm katër ndeshje me ekipin e Tiranës. Ai mori fanellën e titullarit, por nuk ja doli mbanë që ta mbante. Afrikani nuk u përshtat si duhet dhe u kritikua për lojën e tij. Mohammed u dëmtua dhe eksperienca e tij nuk shkoi si duhet. Lojtari duket i zhgënjyer nga eksperienca e tij në Shqipëri dhe këtë e pranon dhe vetë.

Lojtari e ka pranuar vetë për mediet keniane largimin nga Shqipëria. “Po, e kam prishur kontratën për çështje të ndryshme, financiare por edhe personale. Ishte një eksperiencë që më hapi sytë dhe tani do përqendrohem në sfida të tjera”, - konfirmoi ai për mediet e vendit të tij. 26-vjeçari kishte 9 sezone që luante me ekipin e Gor Mahias dhe largimin nga ekipi kenaian nuk ka qenë i duhuri. Ndryshe nga ai, futbollisti tjetër Kenneth Muguna do të vazhdojë të jetë me bardheblutë, të paktën deri tani.

Tirana ka nisur ndryshimet dhe revolucionin për pjesëmarrjen në Superiore vitin tjetër. Bardheblutë nuk duan të vijnë vetëm si turist dhe për të qëndruar në Superiore, por kanë pretendime. 24 herë kampionët e vendit po përpiqen të mendojnë që tani për sezonin e ardhshëm. Presidenti Refik Haliliu ka nisur punën, por nuk dihet nëse do të jetë dhe trajneri Ze Maria në krye të bardhebluve. /EDS

 

Hije dyshimi në Kategorinë e Parë, kryesuesit hapin portën

Ti mund ta lexosh kete ne 2 min.
21 Prill 2018 17:59
Rezultate të çuditshme, lumë golash

Kategoria e Parë ka luajtur ndeshjet e tjera të mbetura në grupin A dhe B për fazën e “play-off”-it, por dhe atë të “play-out”-it. Takimet e para që u mbyllën ishin ata të grupit A për “play-out”. Vllaznia fitoi 3-1 me Korabin, ndërsa Burreli mposhti Besën me rezultatin 1-0. Në orën 16:00 nisën ndeshjet e tjera. Në Kategorinë e Parë, ka luftë vetëm në grupet e “play-off”-it, pasi dy ekipet që do të ngjiten në Superligë janë Kastrioti në grupin A dhe Tirana në grupin B që e kanë siguruar dhe matematikisht ngjitjen.   

Grupi A luajti dy ndeshjet e “play-off”-it, aty Dinamo dhe Kastrioti ndanë nga një pikë që nuk i prish punë dhe nuk ngre peshë asnjë nga ekipet, po ashti Besëlidhja fitoi me rezultatin 2-1 kundër Egnatias së vendit të dytë. Ekipi rrogozhinas ka zhvilluar një sezon shumë të mirë, pasi u ngjit nga Kategoria e Dytë dhe konkurroi për kapjen e Superiores.

Në “Play-off”-in e grupit B, Pogradeci dhe Bylisi kanë ndarë nga një pikë, pasi kanë barazuar me rezultatin 1-1. Ballshiotët barazuan, pasi ishin vendasit që kaluan fillimisht në avantazh. 1 pikë që shërben vetëm për statistikë, pasi të dy skuadrat janë jashtë gare.

“Play-out”-i i grupit B, tӕ Kategorisë së Parë ka sjellë rezultate mjaft surprizuese dhe befasuese. Naftëtari jep shenja jete, pasi mposht Ilirinë me rezultatin 2-1. Nga krahu tjetër, takimi që ka shfaqur më shumë kuriozitet është ai ndërmjet Shkumbinin dhe Shënkollit. Vendasit kanë fituar me rezultatin 5-2 kundër miqve. Ekipi mik kryesor grupin e “play-out”-it dhe ka siguruar qëndrimin, ndërsa Shkumbini është në garë me Naftëtarin. /EDS  

KATEGORIA E PARË – JAVA 25

Grupi A/ Play-off

Dinamo-Kastrioti 1-1

Shënues: Çema 13’ / Vatnikaj 56’

Besëlidhja-Egnatia 2-1

Shënues: Ndreca 46’,  Camara 64’/ Beji Anthony 48’

Grupi B/Play-Off

Pogradeci-Bylis 1-1

Shënues: Jahaj 45’ / Murataj 46’

Tomori-Tirana (Nesër)

Grupi B/Play-Out

Naftëtari-Iliria 2-1

Shënues: Kajo 5’, Gjoka 59’ / Tadjong 35’

Shkumbini-Shënkolli 5-2

Shënues: Nexha 1’, Bright 26’, Isaj 35’, Lluca 39’, Meta 60’ / Ujka 17’, Danaj 82'