“Topi i Artë Afrikan” shkon për Sadio Mané, nuk ka rekord për Salah

08 Janar 2020

Sadio Mané ka fituar “Topin e Artë Afrikan” për vitin 2019. Sulmuesi senegalez i Liverpool mori trofeun si lojtari më i mirë në kontinetin e tij, duke mundur rivalitetin e shokut të skuadrës Mohamed Salah dhe futbollistin e Manchester City, Riyad Mahrez.

Thumb 100536 Default News Size 5

Në ceremoninë e organizuar nga Konfederata Afrikane e Futbollit, Mané kurorëzoi një vit fantastik. Me Liverpool, ai fitoi trofeun e Champions League, Superkupën e Europës si dhe Botërorin për Klube. Po ashtu, sulmuesi hyn në histori si futbollisti I dytë senegalez që fiton “Topin e Artë Afrikan”. Më parë këtë çmim e kishte marrë për dy vite radhazi, në 2001 dhe 2002, El Hadji Diouf.

0 Liverpool Fc V Sheffield United Premier League

Me triumfin e shokut të tij në sulmin e Liverpool, Mohamed Salah i iku nga duart mundësia për të barazuar rekordin e tre trofeve radhazi. Këtë arritje e kanë regjistruar më parë vetëm dy futbollistë afrikanë Samuel Eto’o dhe Yaya Touré.
(balkanweb)

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.Grupi Balkanweb
www.balkanweb.com