Trump sulmon LeBron, Melania i del në mbrojtje

Ti mund ta lexosh kete ne 2 min.
5 Gusht 2018 13:14

Donald Trump ka kritikuar yllin e NBA Lebron James, por bashkëshortja e tij Melania nuk ndan të njëjtin mendim me të.

Gjatë një interviste për CNN, James komentoi edhe sjelljen e Presidentit të SHBA me disa prej sportistëve më ngjyrë të cilët janë gjunjëzuar gjatë këndimit të himnit përpara ndeshjeve të tyre. “Prsidenti i ka përdorur sportistët për të përçarë vendin dhe unë nuk mund të rri i heshtur për këtë”, tha LeBron në intervistën e tij për Don Lemon.

Me sa duket Trump ishte duke e ndjekur, sepse menjëherë më pas ai postoi në Tëitter një mesazh jo shumë të këdnshëm për basketbollistin dhe gazetarin e CNN. “LeBron James sapo u intervistua nga njeriu më budalla në television, Don Lemon. Ai u përpoq ta bënte LeBronin të dukej i zgjuar, diçka që nuk është e lehtë të arrihet. Unë për vetë pëlqej Mike”, shkruajti Presidenti i SHBA, duke u përfshirë edhe në debatin e kohëve të fundit për basketbollistin më të mirë të historisë, duke u rreshtuar qartazi krahë Michael Jordan.

Vetë legjenda e basketbollit nxitoi të injoronte lavdërimet e marra prej presidentit dhe tha përmes një zëdhënëseje: “Unë mbështes LeBron James, ai po bën një punë fantastike për komunitetin e tij”. Së fundmi James hapi një shkollë në Akron, qytetin e tij të lindjes në Ohio, një veprim që u mbështet edhe nga Zonja e Parë e SHBA, Melania.

Zyra e shtypit e saj komentoi mbi nismën e James duke e vlerësuar maksimalisht. “Duket se LeBron James po punon për të bërë gjëra të mira për brezin e ardhshëm dhe siç ka thënë gjithmonë, Zonja e Parë inkurajon të gjithë ata që kanë në fokus të aktivitetit të tyre mirëqënien e fëmijëve”, tha zëdhënësia Stephanie Grisham, e cila gjithashtu la të kuptohej se Melania mund edhe të vizitonte shkollën “I Promise” të çelur nga James në vendlinjen e tij./EDS/

**********

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.

Carmelo Anthony përfundon te Houston Rockets

Ti mund ta lexosh kete ne 1 min.
13 Gusht 2018 23:36
34 vjeçari mbetet në NBA

Carmelo Anthony ka nënshkruar një kontratë me Houston Rockets nga e cila do të përfitojë 2,4 milionë dollarë për vetëm një vit. Të hënën, Anthony udhëtoi për në Houston ku kreu testet mjekësore dhe hodhi edhe firmën, për t’u mirëpritur zyrtarisht nga klubi i tij i ri.

34-vjeçari gjithashtu mori edhe 35,4 milionë dollarët e mbetur nga kontrata që kishte me Atlanta Hawks, si dhe një dëmshpërblim prej 2,4 milionë dollarësh për shkak se ishte skuadra që prishi kontratën me të duke e lënë të lirë pasi e kishte marrë nga Oklahoma City Thunder vetëm në muajin korrik.

Anthony do të ketë mundësinë që të luftojë për një vend në formacion gjatë përgatitjeve për sezonin e ri, por me shumë gjasa do të përfundojë në stol për ndeshjen e parë të NBA për Rockets, që e nisin duke udhëtuar në Los Angles për të ndeshur Lakers-at e LeBron James.

Miami Heat ishte skuadra tjetër e interesuar për të gjatë kësaj vere, por në fund ai vendosi që të ndërpriste bashkëpunimin e Atlantan për të kaluar te Houston. Gjatë karrierës së tij, Anthony ka qenë dhjetë herë pjesë e skuadrës All Star, ka një mesatare karriere prej 24,1 pikë për ndeshje. Vitin e kaluar, mesatarja e tij ishte vetem 16,2 pikë për ndeshje.

**********

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.

LeBron pozon për herë të parë me uniformën e Lakers / FOTO

Ti mund ta lexosh kete ne 1 min.
9 Gusht 2018 12:09

Ka kaluar pothuajse një muaj që kur Lebron James ka firmosur zyrtarisht me Los Angeles Lakers, por tashmë tifozët mund ta shohin me sytë e tyre lojtarin më të mirë në aktivitet me fanellën e skuadrës së zemrës.

Të mërkurën ai postoi disa foto në Instagram, ku shihej për herë të parë me uniformën e plotë të Lakers, për një fushatë marketingu që Nike po realizon me Undefeated. Ai gjithashtu zbuloi edhe një palë atlete të realizuara posaçërisht për të, me fjalën “King” të stampuar mbi to.

LeBron do të debutojë me këtë uniformë në 18 tetor në Los Angeles, ku Lakers do të presin Portland, ndërsa ndeshjen e parë jashtë do ta luajë në Houston dy ditë më pas. Rikthimi i “Mbretit” në Cleveland do të ndodhë më 21 nëntor, në një ndeshje që pritet të jetë emocionuese për të dy palët.

Ndërkohë, kampionët e Golden State do ta nisin mbrojtjen e titullit – i treti për ta në katër vitet e fundit – në parketin e Oklahoma Thunder. Kjo e fundit ka synime të mëdha këtë sezon dhe do të ketë mundësinë më të mirë për t’i dërguar një mesazh kampionëve në fuqi dhe pretendentëve të tjerë. Kalendari i plotë i ndeshjeve të sezonit të ri të Premier League do të publikohet të premten, por disa nga datat kyçe janë nxjerrë më parë./EDS/

**********

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.

 

NBA, nuk quhet stërvitje nëse nuk e ke publikuar në Instagram

Ti mund ta lexosh kete ne 2 min.
2 Gusht 2018 18:50
FOTO dhe VIDEO

Marcus Derrickson po përgatitej për nisjen e sezonit me golden State Warriors verën e kaluar kur miqtë i kërkuan që të mburrej me stërvitjen që bëhet në palestër. 22-vjeçari i cili asokohe luante te Georgetown, ishte -  dhe mbetet ende – i fiksuar pas rrjeteve sociale. Ndërkohë që ata i përsëritën kërkesën, ai kishte postuar pesë foto në Instagram…

“Më pëlqen ta jetoj jetën time. Dhe ta bëj këtë përmes rrjeteve sociale. Por miqtë më thonin gjithmonë që të tregoja muskujt siç bën LeBron James”, kujton ai.

James i përdor prej kohësh rrjetet sociale për të promovuar projektet e tij televizive, për të uruar ish-shokë skuadre për kontratat e reja dhe për festat e tij. Majde për të njoftuar se do të zhdukej nga rrjetet sociale gjatë fazës së playoff-it ai përdori po rrjetet sociale. Ndërsa festa e përvjetorit të martesës dhe hedhja nga një shkëmb ishin ngjarje në jetën e basketbollistit që duheshin patjetër shpërndarë në rrjetet sociale.

Por ai përdor Instagram dhe Tëitter edhe për t’i dhënë mundësinë tifozëve të tij që të shohin se si përgatitet në palestër, çfarë ushtrimesh bën dhe gjithçka tjetër ka të bëjë me mbajtjen e trupit në formë.

 

A post shared by LeBron James (@kingjames) on

 

Ndikimi i James në pjesën tjetër të yjeve të NBA është i pamundur të ndalet dhe pothuajse të gjithë e ndjekin shembullin e tij, duke publikuar në rrjetet e tyre sociale foto dhe video – sigurisht gjysmë të zhveshur – duke forcuar muskujt në palestër apo kudo tjetër të kenë mundësi./EDS/

**********

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.

LeBron ndihet si në shtëpi te Lakers: Veteranë e të rinj, do të argëtohemi

Ti mund ta lexosh kete ne 2 min.
31 Korrik 2018 12:08

Çelja e shkollës “I Promise” në vendlindjen e tij Akron, Ohio, e financuar nga fondacioni i tij, shërben edhe si mundësi për fjalët e para zyrtare të LeBron James si lojtar i Los Angeles Lakers. Në nëj intervistë për ESPN, gjiganti amerikan shprehet gati për aventurën e re. “Më stimulon shumë ideja që do të ndihmoj këtë skuadër prestigjoze që të rikthehet në majat e NBA”, thotë King James. “Natyrisht që Lakers nuk kanë arritur prej disa sezonesh të luajnë playoff, por po flasim për një skuadër të jashtëzakonshme, një klub legjendar që ka bërë emër në këtë sport. Ishte zgjedhja më e mirë për mua dhe familjen time që vendosa të jem pjesë e kësaj skuadre”.

Brenda shkollës "I Promise" në qytetin e lindjes së LeBron James, Akron, Ohio

LeBron shprehet i kënaqur edhe me blerjet që Lakers kanë bërë pasi firmosën me të. “Mendoj që kanë bërë një punë shumë të mirë, kanë marrë lojtarë që e duan këtë sport, si Rondo, Stephenson, Beasley dhe McGee, që jetojnë për basketbollin. Nuk besoj se do të jetë një vit rindërtimi, kemi mundësinë që të bëjmë diçka që pak vetë e mendojnë të mundshme. Mosbesimi ndaj nesh do të jetë një motivim më shumë”.

Por si u mor vendimi për të lënë Cavaliers e për të zbritur në jugperëndim të vendit? “Në fund të sezonit i mendova të gjitha mundësitë, përfshirë edhe idenë për të qendruar në Cleveland. Por në fund, pas një këshillimi të gjatë me familjen, vendosa që lëvizja më e mirë do të ishte firma me Lakers. Jam gati për këtë sfidë, nuk do të jetë e lehtë dhe e di që do të kemi momente të vështira, por kjo është një skuadër e ndërtuar mirë me shumë të rinj interesantë dhe veteranë shumë të mirë. Do të argëtohemi bashkë”.

**********

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.