Tuchel i hap derën e largimit Buffonit: Jemi i vetmi klub që i zëvendësojmë portierët

10 Maj 2019

Trajneri i Paris Saint Germain, Thomas Tuchel, ka folur për rotacionin e shpeshtë që e ka përdorur në portë.

Ardhja e Gianluigi Buffon, kishte bërë që Alphonse Areola, të jetë në bankë në ndeshjet e Ligës së Kampionëve.

Gjermani iu ka dhënë kohë të barabartë të dy portierëve.

Buffon e Areola

Megjithatë kontrata e italianit me klubin francez përfundon këtë sezon dhe shanset e rinovimit tashmë janë minimale.

Deklarata e trajnerit, Tuchel e konfirmon këtë.

“Jemi i vetmi klub që bëjmë këtë rotacion dhe nuk do ta bëjmë më sezonin e ardhshëm. Nuk mund t’i zëvendësojmë portierët në mënyrë të tillë, pasi kjo nuk po na çon përpara”, ka thënë gjermani.

Gianluigi Buffon. (Photo by Michael Regan/Getty Images)

Buffon ka gjasa që të kthehet në Itali te Juventusi ku i është ofruar një rol drejtues. /Telegrafi/

www.telegrafi.com