UEFA “gjuan me pambuk”, asnjë ndëshkim për “rebelët” e Super League

23 Prill 2021

Asnjë ndëshkim për “rebelët” e futbollit. Ky është vendimi i Komitetit Ekzekutiv të UEFA-s pas mbledhjes “on-line”. Ndryshe nga sa ishte kërcënuar kur u njoftua krijimi i Super League, qeveria europiane e futbollit ka vendosur të mbajë një linjë të butë ndaj 12 klubeve themelues. Gjithsesi, UEFA nuk e ka mbyllur plotësisht këtë çështje ndërsa flet për “opsione të tjera të mundëshme” dhe për “rrugë të tjera që mund të ndiqen në të ardhmen”.

Superleague Getty Ringer.0

Po ashtu, megjithëse projketi i Super League dështoi, UEFA bën të ditur se do të ndjekë me shumë vëmendje këtë çështje. Në këtë mënyrë nuk ka asnjë përjashtim të klubeve si Real Madrid, Manchester City apo Chelsea që janë në garë në gjymsëfinalet e Champions. Por pas asaj që ndodhi, qeveria europian e futbollit nuk do të kapet sërish e papërgatitur. Që kjo të mos përsëritet një tjetër situatë e tillë, UEFA la nisur punën për të “blinduar” kompeticionet e saj, duke vendosur klauzola që dekurajojnë dhe penalizojnë klubet.
(balkanweb)

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.Grupi Balkanweb
www.balkanweb.com