Umtiti nuk është i sigurt nëse Barcelona mund ta tundojë Griezmannin

24 Mars 2019

Samuel Umtiti do të ishte i lumtur nëse bashkëlojtari i tij te Franca, Antoine Griezmann do t’i bashkohej te Barcelona.

Sulmuesi i Atletico Madridi është duke u lidhur me një transferim prej 120 milionë eurosh në Barça.

Megjithatë, sipas francezit Umtiti, Barcelona do ta ketë të vështirë ta tundojë Griezmannin, pasi është i lumtur te Atletico.

Lexo po ashtu: Griezmann është prioritet i PSG-së në rast të shitjes së Neymar ose Mbappe

“A do të isha i lumtur nëse do të më thoshte Griezmann se po vinte në Barcelonë? Po, sigurisht se ai ka vend këtu”, ka thënë fillimisht Umtiti.

Umtiti dhe Griezmann gjatë një dueli në ndeshjen e fundit mes Barçës dhe Atleticos

“Por, e di se ai është shumë i lumtur në Madrid, ai kalon mirë atje, është një ekip që luan për të, në një karrierë ka zgjedhje që duhet të bëjmë dhe më vjen keq për këtë”.

“Nuk e di nëse Barcelona mund ta tundojë pasi ai ndihet mirë atje, mund të luajë në çdo klub në botë. Gjëja më e rëndësishme është se ai është i lumtur”, përfundoi francezi. /Telegrafi/

www.telegrafi.com