United gjen shpëtim në Rusi, kërkon transferimin e sensacionit rus Sobolev

07 Tetor 2019

Manchester United e ka nisur në mënyrën më të keqe të mundshme Ligën Premier.

Gjiganti anglez nuk është duke marrë rezultate të mira në këto javët e para, edhe pse shpenzuan shumë në verë për përforcimin e skuadrës.

Në tetë xhirot e para, United ka marrë vetëm nëntë pikë që janë pak për një skuadër si ta.

Duket se drejtuesit e klubit anglez kanë gjetur shpëtimin në Superligën e Rusisë, pasi kanë bërë objektiv për fazën ofensive Aleksandr Sobolevin.

Aleksandr Sobolev

22-vjeçari është sensacion këtë vit në futbollin rus, pasi në 12 ndeshjet e para në Superligën ruse ka shënuar 10 gola.

Sulmuesi i skuadrës FK Krylya Samara ka shpërthyer këtë edicion dhe falë paraqitjeve të mira ka zgjuar interesimin e skuadrave të mëdha.

Djajtë e Kuq janë duke monitoruar situatën e lojtarit dhe synojnë që në afatin kalimtar të janarit të ofrojnë rreth 20 milionë funte për transferimin e tij.

Sobolev gjithashtu është duke u kërkuar edhe nga Schalke 04, Hoffenheim, Olympique Marseille si dhe Valencia. /Telegrafi/

www.telegrafi.com