United po përgatitet për transferimin e Hudson-Odoit

02 Gusht 2020

Chelsea ka pësuar humbje në finalen e Kupës FA nga rivali lokal Arsenal 2-1, por londinezët mund të mbeten edhe pa njërin nga talentët e tyre me të mëdhenj.

Fjala është për sulmuesin anësor Callum Hudson-Odoi, lojtar i cili është duke u kërkuar nga Manchester United.

Talenti anglez u kërkua gjatë nga Bayern Munich, por në fund Chelsea arriti ta bind atë me një kontratë të re e cila e mbanë atë të lidhur me The Blues deri në verën e vitit 2024.

Gjithsesi lojtari pas lëndimit të pësuar nuk ka arritur pritshmëritë dhe ai tani nuk konsiderohet si i paprekur.

Callum Hudson-Odoi. (Photo by Michael Regan/Getty Images)

Nga ana tjetër Manchester United ka shfaqur interesim për transferimin e tij, me trajnerin Ole Gunnar Solskjaer që e pëlqen jashtëzakonisht shumë anglezin.

19-vjeçari ka zhvilluar 32 ndeshje në të gjitha garat këtë edicion me Chelsean, duke shënuar tre gola e duke bërë gjashtë asistime.

Chelsea është gati të vlerësojë ofertat për anësorin e ri dhe United po përgatitet që të bëjë ofertën e parë zyrtare për reprezentuesin anglez.

Gjithsesi vlera e lojtarit në tregun e transferimeve sillet rreth 45 milionë euro, para që nuk përbëjnë problem për Djajtë e Kuq. /Telegrafi/

Coronavirus – Statistikat

TotalKosova

Infektuar
Shëruar
Vdekur

Data credits CSSE at JHU

Trendi i Coronavirus-it në Kosovë

Data credits:corona-ks

Të gjitha lajmet rreth Coronavirus-it
www.telegrafi.com