Unitedi e gjen zëvendësuesin e De Geas në Holandë

12 Qershor 2019

David de Gea duket se po e kërkon me ngulm largimin nga Manchester United, andaj këta të fundit janë aktivizuar që ta gjejnë zëvendësuesin e tij.

Portieri spanjoll ka edhe një vit kontratë me Djajtë e Kuq, mirëpo ka bërë të ditur se ai dëshiron të largohet, gjersa kërkohet nga Real Madridi dhe Paris Saint-Germain.

Manchester United tani është aktivizuar që të gjejë zëvendësuesin e De Gea, ndërsa po tenton ta transferojë portierin e Ajaxit, Andre Onana.

Andre Onana (Foto: Dean Mouhtaropoulos/Getty Images/Guliver)

The Sun raporton se zyrtarë të klubit anglez kanë mbetur të impresionuar nga forma e 23-vjeçarit në sezonin e kaluar, andaj i duan shërbimet e tij.

Lexo po ashtu: Largimi i Buffonit i hap rrugë PSG-së që të bëjë ofertë për De Gean

Manchester United thuhet se është duke e kërkuar transferimin edhe të Jan Oblakut, por që janë më shumë të fokusuar te portieri i Ajaxit.

Portieri slloven ka një klauzolë të lartë lirimi, andaj Djajtë e Kuq janë duke tentuar ta transferojnë Andre Onanan për një shumë rreth 40 milionë euro. /Telegrafi/

www.telegrafi.com