Unitedi e turpëron Chelsean në startin e Ligës Premier – Daniel James debuton me gol

11 Gusht 2019

Manchester Unitedi e ka filluar sezonin e ri të Ligës Premier me fitore, duke e mposhtur Chelsean në Old Trafford me rezultat 4-0.

Golin e parë për Djajtë e Kuq e realizoi Marcus Rashford nga penalltia në minutën e 18-të, pas ndëryrjes së palejueshme që bëri Kurt Zouma në zonën e rreptësisë.

Pjesa e parë përfundoi me epërsinë minimale të vendasve, mirëpo e dyta ishte e rezervuar e gjitha për ta.

Penalltia e Marcus Rashford ndaj Chelseat (Foto: Michael Regan/Getty Images/Guliver)

Anthony Martial e dyfishoi epërsinë për Unitedin në minutën e 65-të, pas asistimit që pranoi nga Andreas Pereiran.

Pas vetëm dy minutash që francezi realizoi golin e dytë, Rashford arriti ta shënonte  golin e tij të dytë në ndeshje dhe të tretin për Unitedin, nga asistimi i Paul Pogbas.

Goli i Anthony Martialit ndaj Chelseat (Foto: Julian Finney/Getty Images/Guliver)

Kur u mendua se derbi po përfundon 3-0, Daniel James i sapoinkuadrua në lojë, shënoi për 4-0 në minutën e 81-të, e që ishte gol në debutimin e tij për Djajtë e Kuq.

Pas xhiros së parë, Unitedi i bashkohet, Manchester Cityt, Liverpoolit, Arsenalit dhe Tottenham Hotspurit, që kanë fituar tri pikët e para, derisa Frank Lampard debutoi me humbje në Ligën Premier. /Telegrafi/

RASHFORD. Penalty.#MUNCHE pic.twitter.com/5Lwsw4lBot

— Half Time (@goal201920) August 11, 2019

Martial's Goal vs Chelsea. #MUNCHE
pic.twitter.com/uPnKVuq6Bk

— Football Hiccups (@FootballHiccups) August 11, 2019

Marcus Rashford’s goal vs Chelsea (3-0) pic.twitter.com/EvMYFfZsTV

— United Goals ⚽️ (@UnitedGoals__) August 11, 2019

Daniel James’ goal vs Chelsea (4-0) pic.twitter.com/TqN1oucVrp

— United Goals ⚽️ (@UnitedGoals__) August 11, 2019

www.telegrafi.com