Upamecano i bën të qartë Leipzigut se do të largohet në verë, klubi gjerman i vendos çmimin e largimit

26 Mars 2020

Dayot Upamecano po vlerësohet si njëri nga mbrojtësit më të talentuar në botë.

Qendërmbrojtësit francez prej tre viteve po shkëlqen në Bundesliga me RB Leipzig ku edhe vlera e tij është rritur dukshëm.

21-vjeçari është bërë objektiv i skuadrave më të mëdha evropiane që po duan transferimin e tij në verë.

Bayern Munich, Barcelona, Real Madrid, PSG,  Arsenal, Manchester United, Chelsea, Manchester City e Tottenham Hotspur janë vënë pas francezit.

Sport Bild ka raportuar se ka qenë vet lojtari që i ka kërkuar klubit largimin në verë në mënyrë që të transferohet tek një skuadër më e madhe.

Leipzig i ka vendosur tanimë edhe çmimin e largimit dhe nuk do të pranojnë oferta më të ulëta se 60 milionë euro për yllin e tyre.

Arsenali mbetet skuadra më e interesuar deri më tani për lojtarin, pasi kanë bërë një ofertë të përafërt me kërkesën e klubit gjerman, por që Leipzig po pret oferta edhe më të larta. /Telegrafi/

www.telegrafi.com