Valverde vendos ultimatum: Këta janë lojtarët që dua te Barcelona

Sa më shpejt të vijnë, aq më mirë. Ky është mesazhi që Ernesto Valverde i ka përcjellë bordit drejtues rreth temës së transferimeve të mundshme për këtë verë. Në veçanti, Txingurri ka nënvizuar emrat e dy lojtarëve që ai dëshiron ti ketë në ekip përpara fillimit të fazës përgatitore.

Barcelona do të grumbullohet  më 11 korrik, dhe deri atëherë Valverde dëshiron të ketë në ekip brazilianin Arthur dhe boshnjakun Miralem Pjanic. Rasti i parë është më i thjeshtë. Barcelona duhet të ulet në bisedime me Gremio-n për të përshpejtuar ardhjen e brazilianit që këtë verë, edhe pse fillimisht u ra dakord që ai të transferohej në janar. Megjithatë, ekipi aktual i Arthur duket i gatshëm të negociojë.

Në rastin e Pjanic situata duket më e komplikuar. Sepse edhe pse Barcelona e ka shprehur qartë që lojtari është objektivi kryesor, Juventusi nga ana tjetër është një skuadër e vështirë për të negociuar. Për momentin italianët kërkojnë 80 milionë euro, një çmim që konsiderohet i lartë nga katalanasit. Edhe pse situata nuk është pozitive, Valverde nuk dëshiron të dorëzohet. Ai i ka kërkuar klubit të nxitojë sepse është e rëndësishme që transferimet e reja të përshtaten sa më shpejt që të jetë e mundur dhe për faktin që të dy luajnë në mesfushë. /EDS/

**************************

Ndalohet ribotimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Në eduasportin.com do gjeni Lajme Sportive, Parashikime Ndeshjesh për Kampionatet Kryesore, Rezultate Live dhe Statistika Futbolli.

ulaş utku bozdoğan
ulaş utku bozdoğan astrolog
ulaş utku bozdoğan