Van de Beek thuhet se ka arritur marrëveshje personale me Realin

08 Shtator 2019

Real Madridi thuhet se tashmë ka arritur marrëveshje personale me mesfushorin e Ajaxi, Donny van de Beek, që do të kompletohet në verën e ardhshme.

Zinedine Zidane e kërkoi transferimin e mesfushorit holandez gjatë afatit kalimtar veror, mirëpo prioritet i tyre kryesor ishte Paul Pogba.

Strategu francez e dëshironte transferimin e bashkëkombësit të tij, por Manchester Unitedi kërkonte një shumë rreth 180 milionë euro.

Donny van de Beek (Foto: Dean Mouhtaropoulos/Getty Images/Guliver)

Los Blancos refuzuan që ta paguanin atë shumë, derisa bisedimet për fituesin e Kupës së Botës u komplikuan në javët e fundit të afatit kalimtar.

Lexo po ashtu: Transferimi i Donny van de Beek te Reali, çështje kohe?

Tani, fituesi i trefishtë i Ligës së kampionëve po tenton ta transferojë Van de Beekun e Ajaxit, e që duhet paguar një shumë prej 75 milionë eurove.

Sipas Diairio Sport, madrilenët tashmë kanë arritur marrëveshje me mesfushorin e talentuar, e që në verën e vitit 2020 pritet të realizohet kalimi i tij në Santiago Bernabeu. /Telegrafi/

www.telegrafi.com