Venus Williams lirohet nga akuzat për vrasje

Ti mund ta lexosh kete ne 1 min.
21 Dhjetor 2017 12:30
Tenistja ndihet e qetë

Venus Williams mund të marrë frymë lirisht. Tenistja amerikane u lirua nga akuzat se ajo ishte  shkaktare e vdekjes së një 78 vjeçari pas një incidenti rrugor në Palm Beach në 9 qershorin e shkuar.

Sipas policisë, vdekja erdhi si pasojë e një fatkeqësie, pasi të dy drejtuesit e mjeteve, sipas ekspertizës së kryer, nuk i kishin thyer rregullat e qarkullimit rrugo.

Pamjet filmike tregojnë se makina tip Toyota Sequoia e Williams hyri në mënyrë të rregullt në kryqëzim me semaforin jeshil, por kur pa që rruga iu pre nga një makinë tjetër Nissan, u detyrua që të frenojë menjëherë duke shkaktuar kështu përplasjen.

Viktima 78 vjeçare vdiq në spital 13 ditë pas aksidentit si pasojë e plagëve të marra.

Tani që kjo çështje u mbyll, tenistja mund të përqendrohet në sezonin 2018, pasi la pas një 2017 me një nivel shumë të lartë.

Djokovic fiton Wimbledon-in e katërt në karrierë

Ti mund ta lexosh kete ne 1 min.
15 Korrik 2018 17:48
E thjeshtë kundër Anderson

Novak Djokovic arriti që të fitojë Grand Slam-in e parë në më shumë se dy vite duke mundur Afrikano-Jugorin Kevin Anderson për të fituar titullin e katërt të Wimbledon. Djokovic, i pozicionuar i dymbëdhjeti, fitoi 6-2, 6-2 dhe 7-6 me sete Salm-in e trembëdhjetë, i pari që prej French Open në vitin 2016.

Serbi 31-vjeçar mori shpejt kontrollin e ndeshjes pasi fitoi setin e parë brenda 29 minutash, duke e mundur në të njëjtën mënyrë kundërshtarin edhe në setin e dytë. Djokovic e pa veten ngushtë në setin e tretë, por më pas ai arriti që të marrë fitoren.

Me këtë triumf ai mori vendin e katërt në listën e Grand Slam-eve për meshkuj, duke u larguar nga Roy Emerson dhe duke mbyllur boshllëkun me Roger Federer (20), Rafael Nadal (17) dhe Pete Sampras (14). Ish-numri një i botës do të jetë pjesë e dhjetë më të mirëve të botës në renditjen që do të shpallet të hënën. /EDS/

**************************

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.

VIDEO | Angelique Kerber shtang të gjithë, mund Serena Williams në finalen e Wimbledon

Ti mund ta lexosh kete ne 1 min.
14 Korrik 2018 19:21
Nuk pritej

Angelique Kerber befasoi të gjithë tifozët e tenisit të shtunën pasdite pasi mundi shtatë herë kampionen e Wimbledon Serena Williams në finalen e femrave të Wimbledon, duke i dhuruar amerikanes një fund të hidhur në rikthimin e saj në fushë pasi ishte bërë nënë për herë të parë.

Gjermanja mundi në dy sete 6-3, 6-3 Serenën, e cila në karrierën e saj ka fituar 23 trofe Grand Slam. Ky ishte vetëm trofeu i tretë në karrierë për 30-vjeçaren, e cila më parë ka triumfuar në Australian Open dhe US Open në vitin 2016.

Willimas ishte pretendente kryesore për të fituar edicionin e këtij viti edhe pse merrte pjesë në turneun e katërt që pas lindjes së vajzës në shtator. Por në fund ishte Kreber që u shtri mbi bar nga gëzimi pasi siguroi pikën e fitores nga shërbimi.

E njohur për lojën e saj mbrojtëse, Kreber kishte vetëm një plan para ndeshjes, të lodhte sa më shumë Serenën dhe të shfrytëzonte vështirësitë e saj për ta bërë këtë. Dhe ia arriti mjaft mirë pasi amerikanja doli 24 herë përpara dhe në gjysmat e rasteve gaboi.

Gjermanja, dikur numri 1 në botë nuk e vuri në diskutim asnjëherë fitoren, duke fituar me break në të dy setet dhe në fund u largua me trofeun në duar. Serena nuk arriti kështu të barazonte rekordin e Margaret Court, e cila ka fituar 24 tituj Grand Slam./EDS/

**********

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.

VIDEO | Pas dy ditësh ''luftë'', Djokovic mposht Nadal dhe arrin në finalen e Wimbledon

Ti mund ta lexosh kete ne 2 min.
14 Korrik 2018 17:00
Nesër finalja Djokovic - Anderson

Novak Djokovic siguroi një vend në finalen e Wimbledon, të 22-tën në karrierën e tij, pasi mundi numrin 1 të botës Rafa Nadal në gjysmëfinale, në një luftë të vërtetë sportive që zgjati dy ditë.

Serbi fitoi 10-8 setin final, pasi më parë dy tenistët kishin ndarë nga dy sete secili (6-4, 3-6. 7-6, 3-6, 10-8) për të ofruar një tjetër ndeshje spektakolare pas asaj të rekordeve të një dite më parë mes Anderson dhe Isner. Tani, Djokovic do të ndeshet të dielën pikërisht me afrikano-jugorin Kevin Anderson për trofeun.

Në 5 orë e 16 minuta lojë, gjithçka u duk shumë e ekulibruar dhe dy tenistët ofruan spektakël. Ndeshja nisi të premten në darkë në fushën qendrore të Ëimbledon pikërisht për shkak të “maratonës” mes Anderson e Isner, dhe u ndërpre në orën 23:00 me orën lokale me Djokovic që kryesonte 2-1 me sete. Të shtunën në drekë Nadal arriti të fitonte dy game me break në setin e katërt, por Djokovic në fund u tregua më i fortë dhe triumfoi në një finale dramatike të takimit.

Kjo ishte përballja e 52-të mes serbit e sanjollit dhe siç është bërë zakon kur të dy ndeshen, nuk mbeti askush i zhgënjyer nga ata që ishin të pranishëm në stadium. Që prej vitit finales së Roland Garros 2014 kjo ishte sfida e parë mes tyre në një fazë kaq të avancuar të një turneu.

Pas triumfit në pesë sete kundër tenistit spanjoll, serbi tha: “Është e vështirë të gjesh fjalët. Tani po mendoj për 14 muajt e fundit dhe gjithçka që kam bërë për të arritur deri këtu, në përballjen me një prej tenistëve më të mirë në botë, në një nga ndeshjet më të gjata të karrierës sime. Jam pa fjalë”.

Princesha Kate dhe Dukesha e Sussex Megan Markle duke ndjekur ndeshjen.

Ndërsa për finalen e të dielës, Djokovic tha: “Fillimisht shpresoj që të dy të jemi në gjendje të dalim në fushën e lojës, pas asaj që kemi bërë në gjysmëfinale. Gjithsesi kjo është një arritje fantastike për mua”./EDS/

**********

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.

VIDEO | Anderson fiton gjysmëfinalen epike të Wimbledon kundër Isner

Ti mund ta lexosh kete ne 1 min.
13 Korrik 2018 22:24
Një betejë e pafund

Kevin Anderson fitoi ndeshjen e dytë më të gjatë në historinë e Wimbledon, duke mundur në katër sete amerikanin John Isner për të arritur finalen e madhe të së dielës. Dy tenistët u ndeshën për 6 orë e 35 minuta me afrikano-jugorin që doli fitues 7-6 (8-6) 6-7 (5-7) 6-7 (9-11) 6-4 26-24. Vetëm seti final zgjati 2 orë e 50 minuta.

I munduri Isner ka qenë protagonist në ndeshjen më e gjatë në historinë e tenisit. Në vitin 2010, amerikani, po në Wimbledon, fitoi pas 11 orë e 5 minutash lojë ndaj francezit Nicolas Mahut.

Ndeshja gjithsesi vendosi një rekord për gjysmëfinalen më të gjatë të luajtur ndonjëherë, duke kaluar përballjen prej 4 orësh e 44 minutash mes Djokovic dhe Juan Martin del Potro në vitin 2013.

Gjithashtu kjo ishte edhe ndeshje e tretë më e gjatë e historisë së tenisit, pasi vendin e dytë e mban përballja mes argjentinasit Leonardo Mayer dhe brazilianit Joao Souza në Kupën Davis, të mbyllur pas 6 orësh e 43 minutash, në vitin 2015.

Anderson bëhet kështu afrikano-jugori i parë që arrin në finalen e turneut britanik që prej vitit 1921 pas një maratonte të vërtetë të mbyllur me 50 gejme./EDS/

**********

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.