Bajerni i Mynihut nuk tregon mëshirë as në javën e parë të kampionati gjerman. Kampionët e Gjermanisë dhe Europës shkatërruan me rezultatin e thellë 8-0 Shalke 04, e cila ishte “viktima” e parë e këtij sezoni për ekipin e Hansi Flik.
Tripletë nga Gnabri dhe golat nga Levandovski, Goretcka, Myler, Sane dhe Musiala kompletuan një triumf terrorizues të Bajernit. Për transferimin e bujshëm të Lëroi Sane ai debutoi më së miri në ndeshjen e parë me fanelën e Bajernit duke asistuar dhe dy gola të Gnabrit.
Me këtë rezultat, Bajerni tregon se do të kërkojë të triumfojë kudo edhe këtë sezon.
FT| Bajern Mynih-Shalke 04 8-0
Gnabri 4′, 47′, 59′, Goretcka 19′, Levandovski 31′, Myler 69′, Sane 71′, Musiala 81′
www.panorama.com