VIDEO/ "Dita e Coutinho-s", Barça e nis mbarë

Ti mund ta lexosh kete ne 1 min.
8 Janar 2018 10:33
Sot prezantohet mesfushori brazilian

Barcelona i gëzohet transferimit të Philippe Coutinho-s në këtë merakto. Klubi katalanas ka mirëpritur mesfushorin brazilian mbrëmjen e djeshme në “Camp Nou”, e cila do të jetë shtëpia e tij e re.

Më në fund, blaugranët ia dolën të bindin drejtuesit e Liverpool për të blerë kartonin e 25-vjeçarit për 160 milionë euro. Afrimi i Coutinho-s ishte objektivi kryesor për gjigantët spanjollë në këtë merkato dhe më në fund ia dolën me sukses.

Barça përmes një videoje të postuar në faqen e saj në “Facebook” e ka cilësuar ditën e prezantimit të brazilianit “Dita e Coutinho-s”.

Një gëzim për vetë klubin, i cili tentoi me tre oferta të njëpasnjëshme verën e kaluar për të marrë shërbimet e lojtarit por “të kuqtë” ia refuzua dhe lojtarin i cili e dëshironte shumë kalimin në Barcelonë. Philippe do të prezantohet sot në orën 12:30 në ambientet e stadiumit të “Camp Nou”. /EDS/

 

VIDEO | Sulmuesi më i mirë kuqezi? Përgjigja e Bushit do ju befasojë!

Ti mund ta lexosh kete ne 2 min.
26 Prill 2018 19:59
Intervista pa dorashka për EDS

Trajneri i Kombëtares së Shpresave, Alban Bushi, ishte i ftuar në “90 sekonda me Eraldon”. Ish-golashënuesi i Shqipërisë ka folur për shumë tema, ndërkohë që ka befasuar kur është pyetur se cili është sulmuesi më i mirë i kombëtares shqiptare, që në fakt nuk është ende pjesë e planeve të Christian Panucci-t. “Sulmuesi më i mirë i kombëtares? Është Rei Manaj. E kam stërvitur vetë, e kam parë se çfarë cilësish ka. E kam këshilluar të punojë shumë”, thotë Alban Bushi në intervistën e tij. Më tej, tekniku i përfaqësueses U-21 flet edhe skuadrën që ai drejton dhe nuk polemika për faktin që u privua nga dy yjet e skuadrës para ndeshjeve me Sllovakinë, pasi u morën nga Panucci me Kombëtaren A.

“Ndihem mirë si trajner i Shpresave. Patjetër që jam i zhgënjyer nga rezultatet e eliminatoreve të Evropianit. Nuk i prisja dy humbjet me Sllovakinë. Çfarë shkoi keq? Kishim pothuajse 11 mungesa. Vendimi i Panucci-t për të marrë Abazajn dhe Baren? Panucci është një trajner i ri dhe duhet ta kuptojmë të gjithë. 60% e kombëtares U-21 janë të gatshëm për Kombëtaren A”, - shprehet Bushi.

Trajneri ka rezerva për kampionatin shqiptar dhe shigjeton trajnerët për nivelin, ndërkohë që shpreh admirimin për idhullin e tij në futbollin shqiptar. “Në përgjithësi ka diferenca mes lojtarëve të kampionatit shqiptarë dhe atyre që luajnë jashtë. Lojtarët e kampionatit shqiptar bëjnë shumë gabime faktikisht. A janë problemet te trajnerët? Mendoj që po, - thotë Bushi. - Është më e vështirë të jesh trajner se sa lojtar. Futbolli është më shumë marketing sot. Sulmuesi më i mirë i kombëtares i të gjitha kohërave është Arben Minga dhe pas tij Agustin Kola. Skuadra më e mirë me të cilën kam luajtur është Trabzonspor. Tifoz jam me Tiranën. Më vjen keq për dënimin e Skënderbeut, nuk e meriton”, - deklaroi Alban Bushi në intervistën e tij për Eduasportin.com./EDS/

Vox Pop/ Bayern-Real, kush e fiton gjymëfinalen e Champions League?

Ti mund ta lexosh kete ne 1 min.
25 Prill 2018 18:51
Shqiptarët tregojnë preferencat e tyre

Champions League uli siparin e ndeshjeve të gjysmëfinaleve, pasi mbrëmjen e djeshme Liverpool dhe Roma dhuruan një ndeshje spektakolare. Anglezët triumfuan me rezultatin 5-2, por në fund fitoi futbolli. Ai vërteti që të fal emocione pafund. Sonte, takimi i dytë gjysmëfinale i këtij trofe premton dhe më shumë emocione. Dy gjigantë të futbollit evropian si Bayern Munchen dhe Real Madrid do të përplasin brinjët mes tyre, prej orës 20:45, në mitikun “Allianz Arena”. Sfida mes këtyre dy ekipeve ka dhuruar gjithmonë ndeshje spektakolare, gola, sherre dhe emocione. Të dy ekipet janë përballur shpesh mes tyre dhe historia ka treguar se rivaliteti ka qenë dhe është shumë i ashpër.

Po shqiptarët, çfarë mendojnë? Në vendin tonë ka shumë tifozë të Bayern Munchen-it, por as madrilenët nuk mbeten mbrapa. Arjena dhe Eraldo kanë pyetur qytetarët e thjeshtë në lidhje me takimin e sotëm. Disa janë përgjigjur për vendasit, ndërsa disa të tjerë për miqtë. Në fund, ka dhe prej atyre që guxojnë të na lënë takim në Vox Pop-in tjetër, pasi mendojnë se kanë gjetur finalistët e këtij kompeticioni. Një sfidë që pranohet nga ana jonë, pasi futbolli bashkon njerëz! /EDS

 

90'' me Eraldon / Kërcënimi i frikshëm për Jeminin: Do të të pres fytin!

Ti mund ta lexosh kete ne 2 min.
18 Prill 2018 12:54
Ish-gjyqtari rrëfen prapaskenat skandaloze të futbollit shqiptar

Të gjithë biem dakord në një pikë: futbolli shqiptar ka shumë prapaskena dhe të fshehta. Askush nuk guxon të thotë se kampionati ynë nuk ka aleanca, apo gjyqtarë të kapur. “Gabimet njerëzore” të javëve të fundit nga xhaketat e zeza e kanë treguar qartë këtë gjë. Njerëzit që dalin e flasin hapur për kapje gjyqtarësh dhe presione nga Federata Shqiptare e Futbollit, apo arrogancën dhe kërcënimet e presidentëve drejt tyre janë të rrallë, por ne kishim fatin që të bisedonim me njërin prej tyre. Ish-gjyqtari i FIFA-s, Lorenc Jemini, ishte i ftuar në “90 sekonda me Eraldon”. Ai foli në lidhje me eksperiencën e tij si gjyqtar, por dhe kërcënimet më të forta që ka marrë.

 

Jemini tregohet i sinqertë kur deklaron se ka gjyqtarë të kapur, ai është e qartë dhe i prerë: “Po”.  Një deklaratë e tillë është shumë e fortë, pasi bëhet fjalë për një person i cili është “i brendshëm” në kampionatin shqiptar duke qenë se ishte aktiv deri sezonin e shkuar dhe i njeh mjaft mirë situatat me të cilat përballen gjyqtarët.

Në të njëjtën deklaratë, Jemini rrëfen hapur se presioni për gjyqtarët vjen nga dy kampet, si nga Federata Shqiptare e Futbollit e si nga presidentët e klubeve. Ai pohon se presidenti më agresiv është ai i Laçit, Pashk Laska. Ish-gjyqtari i FIFA-s e pranon se i kanë kërkuar të favorizojë skuadra të ndryshme, por dhe para për të mbajtur ndeshje të caktuara. 44-vjeçari mendon se arbitrat gjykojnë më mirë jashtë Shqipërie, pasi nuk kanë presion. Kërcënimi më i rëndë është i frikshëm: “Do të të pres fytin, më ka thënë një shofer i Vllaznisë”, - shprehet Jemini duke treguar pak a shumë se me sa vështirësi përballen gjyqtarët. Ai flet dhe për rastet kur është sulmuar nga drejtuesit dhe tifozët jashtë fushe. Shoqata e gjyqtarëve e pavaruar? Sigurisht që jo! /EDS

Kokoshkat / Kur femrat mendojnë si meshkujt!

Ti mund ta lexosh kete ne 2 min.
15 Prill 2018 19:39
Episodi i dytë i programit më të ri

A ka ndonjë shans që femrat të mendojnë si meshkujt dhe e kundërta? Jo, aspak, duhet të jemi në një univers paralel që meshkujt të mendojnë për telenovelat para skedinave dhe femrat për bastet para serive të tyre të dashura të pasdites. Eduasportin.com me serinë e re të “Kokoshkave” ka preferuar të ndryshojë “univers” dhe bëri që femrat të mendojnë si meshkujt dhe e kundërta. Ndryshe nga seria e parë kur sollën tipet e tifozëve, këtë herë Arjena dhe Eraldo sjellin diçka krejtësisht tjetër.

I keni parasysh ata bisedat histerike të femrave që duan të dalin kur djemtë kanë kalçeto? Imagjinojeni sikur të ishte e kundërta. Kur femrat duan të shfryjnë ikin dhe luajnë kalçeto dhe djemtë që acarohen në shtëpi.

Po një betejë mes çiftit për telekomandën, kjo ndodh gjithmonë, por subjekti është i ndryshëm. Djemtë duan ndeshjet dhe bastet, ndërsa femrat telenovelat. Te “Kokoshkat”, lufta e tretë botërore është në të kundërt, pasi Arjena do të luajë koefiçentët e saj të mirë te “Bast Arena”, ndërsa Eraldo do të shohë telenovelat.

Për të mos u humbur as skena e të dyve në palestër. Arjena është mashkulli tipik që do t’i bjerë në sy femrave të palastrër, ndërsa Eraldo që ka qëllim të bëjë foto për “Instagram”. Kjo është seria e dytë e “Kokoshkave”, ndërsa një rrugë e gjatë na pret përpara. Ju e dini, nëse nuk ju pëlqen diçka, kritikat i pranojmë, ashtu si idetë për skenarë. Eduasportin.com është vendi i duhur për risi dhe mundësi, prandaj ju fton gjithmonë që të bëheni pjesë e tij me ide apo projekte të ndryshme. Deri sa të vijë seria e radhës, që stafi i Eduasportin.com po punon me të, shijoni dhe qeshni me serinë e dytë të “Kokoshkave”. Episodi i tretë do të ketë më shumë personazhe dhe një temë që i prek të gjithë. /EDS/