Borusia Dortmund ka shkatërruar Bayer Leverkusenin, rivalin direkt për një vend në zonën e Champions League, me rezultatin e thellë 4-0, ndeshje që u zhvillua në “Signal Iduna Park”.
Ndeshja filloi me vrrull me vendasit që shënuan që në minutën e 13′-të, ku ishte Jadon Sancho ai që hapi goleadën e Dortmund, por në minutën e 37′-tën Reus humbi një penallti. Edhe pse pati aksione të shumta, pjesa e parë u mbyll me rezultatin 1-0.
Pjesa e dytë foli vetëm për Borussian, ku arriti të shënonte 3 herë, dy gola me anë të Reus dhe një me anë të Maximilian Philipp.
Pas kësaj fitoreje Borussia Dortmund renditet në vendin e 3-të me 54 pikë, ku pjesmarrja në Champions League vitin tjetër është thuajse e sigurt tashmë, ndërsa Leverkuseni në vendin e 4-të me 51 pikë, dhe kur duhen edhe tre javë nga përfundimi i sezonit. /EDS/
Borussia Dortmund-Bayer Leverkusen 4-0
Shënues: 13’ Jadon Sancho, 55’ Marco Reus, 63’ Maximilian Philipp, 79’ Marco Reus
Dortmund: Bürki – Piszczek, Sokratis, Toprak, Akanji – Weigl – Pulisic (Dahoud 71′), Götze, Sancho – Reus (c) (Gomez 86′) – Philipp (Toljan 81′) Trajner: Peter Stöger
Leverkusen: Özcan – Henrichs, Tah (Jedvaj 43′), S. Bender, Retsos – Kohr, Aranguiz – Brandt, Volland (c), Bailey (Havertz 46′) – Alario (Bellarabi 69′) Trajner: Heiko Herrlich
Arbitër: Markus Schmidt