VIDEO/ Lojtarët e United "testohen" nga trampolina

Ti mund ta lexosh kete ne 1 min.
10 Janar 2018 15:55
"Djajtë e kuq"

Yjet e Manchester United, Chris Smalling, Ander Herrera dhe Luke Shaw kanë praktikuar teknikat e shytjes në Dubai. "Djajtë e kuq" ndërsa po zhvillojnë fazën përgatitore në klimën e ngrohtë arabe, para se të startojë pjesa e mbetur e sezonit në Premier League.

Smalling ka postuar në profilin e tij në "Twitter" videon e momentit kur shokët e tij të skuadrës dhe ai hidhen nga trampolina në pishinë.

Një video tejet e këndshme, që nuk ka "shpëtuar" pa u komentuar dhe pëlqyer nga tifozët. /EDS/

 

beni
3 muaj më parë
ahahaha :D
PËRGJIGJU
1
0

90'' me Eraldon / Kërcënimi i frikshëm për Jeminin: Do të të pres fytin!

Ti mund ta lexosh kete ne 2 min.
18 Prill 2018 12:54
Ish-gjyqtari rrëfen prapaskenat skandaloze të futbollit shqiptar

Të gjithë biem dakord në një pikë: futbolli shqiptar ka shumë prapaskena dhe të fshehta. Askush nuk guxon të thotë se kampionati ynë nuk ka aleanca, apo gjyqtarë të kapur. “Gabimet njerëzore” të javëve të fundit nga xhaketat e zeza e kanë treguar qartë këtë gjë. Njerëzit që dalin e flasin hapur për kapje gjyqtarësh dhe presione nga Federata Shqiptare e Futbollit, apo arrogancën dhe kërcënimet e presidentëve drejt tyre janë të rrallë, por ne kishim fatin që të bisedonim me njërin prej tyre. Ish-gjyqtari i FIFA-s, Lorenc Jemini, ishte i ftuar në “90 sekonda me Eraldon”. Ai foli në lidhje me eksperiencën e tij si gjyqtar, por dhe kërcënimet më të forta që ka marrë.

 

Jemini tregohet i sinqertë kur deklaron se ka gjyqtarë të kapur, ai është e qartë dhe i prerë: “Po”.  Një deklaratë e tillë është shumë e fortë, pasi bëhet fjalë për një person i cili është “i brendshëm” në kampionatin shqiptar duke qenë se ishte aktiv deri sezonin e shkuar dhe i njeh mjaft mirë situatat me të cilat përballen gjyqtarët.

Në të njëjtën deklaratë, Jemini rrëfen hapur se presioni për gjyqtarët vjen nga dy kampet, si nga Federata Shqiptare e Futbollit e si nga presidentët e klubeve. Ai pohon se presidenti më agresiv është ai i Laçit, Pashk Laska. Ish-gjyqtari i FIFA-s e pranon se i kanë kërkuar të favorizojë skuadra të ndryshme, por dhe para për të mbajtur ndeshje të caktuara. 44-vjeçari mendon se arbitrat gjykojnë më mirë jashtë Shqipërie, pasi nuk kanë presion. Kërcënimi më i rëndë është i frikshëm: “Do të të pres fytin, më ka thënë një shofer i Vllaznisë”, - shprehet Jemini duke treguar pak a shumë se me sa vështirësi përballen gjyqtarët. Ai flet dhe për rastet kur është sulmuar nga drejtuesit dhe tifozët jashtë fushe. Shoqata e gjyqtarëve e pavaruar? Sigurisht që jo! /EDS

Kokoshkat / Kur femrat mendojnë si meshkujt!

Ti mund ta lexosh kete ne 2 min.
15 Prill 2018 19:39
Episodi i dytë i programit më të ri

A ka ndonjë shans që femrat të mendojnë si meshkujt dhe e kundërta? Jo, aspak, duhet të jemi në një univers paralel që meshkujt të mendojnë për telenovelat para skedinave dhe femrat për bastet para serive të tyre të dashura të pasdites. Eduasportin.com me serinë e re të “Kokoshkave” ka preferuar të ndryshojë “univers” dhe bëri që femrat të mendojnë si meshkujt dhe e kundërta. Ndryshe nga seria e parë kur sollën tipet e tifozëve, këtë herë Arjena dhe Eraldo sjellin diçka krejtësisht tjetër.

I keni parasysh ata bisedat histerike të femrave që duan të dalin kur djemtë kanë kalçeto? Imagjinojeni sikur të ishte e kundërta. Kur femrat duan të shfryjnë ikin dhe luajnë kalçeto dhe djemtë që acarohen në shtëpi.

Po një betejë mes çiftit për telekomandën, kjo ndodh gjithmonë, por subjekti është i ndryshëm. Djemtë duan ndeshjet dhe bastet, ndërsa femrat telenovelat. Te “Kokoshkat”, lufta e tretë botërore është në të kundërt, pasi Arjena do të luajë koefiçentët e saj të mirë te “Bast Arena”, ndërsa Eraldo do të shohë telenovelat.

Për të mos u humbur as skena e të dyve në palestër. Arjena është mashkulli tipik që do t’i bjerë në sy femrave të palastrër, ndërsa Eraldo që ka qëllim të bëjë foto për “Instagram”. Kjo është seria e dytë e “Kokoshkave”, ndërsa një rrugë e gjatë na pret përpara. Ju e dini, nëse nuk ju pëlqen diçka, kritikat i pranojmë, ashtu si idetë për skenarë. Eduasportin.com është vendi i duhur për risi dhe mundësi, prandaj ju fton gjithmonë që të bëheni pjesë e tij me ide apo projekte të ndryshme. Deri sa të vijë seria e radhës, që stafi i Eduasportin.com po punon me të, shijoni dhe qeshni me serinë e dytë të “Kokoshkave”. Episodi i tretë do të ketë më shumë personazhe dhe një temë që i prek të gjithë. /EDS/

Vox Pop / Debati i javës, si do të reagonin shqiptarët po të ishin Buffon?

Ti mund ta lexosh kete ne 1 min.
14 Prill 2018 19:21
Mendimet e qytetarëve

Shqiptarët jetojnë me futboll dhe kjo është diçka që dihet. Në këtë periudhë tema e ditës kudo ka qenë Champions League dhe në veçanti ndeshja çerekfinale e luajtur në Bernabeu mes Real Madrid dhe Juventusit, me këtë të fundit që u eliminua vetëm pas një goli të pësuar në minutat shtesë që erdhi nëpërmjet një penalltie shumë të kontestuar. Ky moment vendimtar është shoqëruar me polemika të mëdha në fushw dhe jashtë saj, në një kohë që protestat e italianëve kanë qenë të mëdha, në veçanti nga Gigi Buffon, i cili u ndëshkua edhe me karton të kuq.

Shqiptarët shquhen për karakterin e tyre të ashpër, por si do të reagonin ata po të ishin portieri i Juventusit, Gigi Buffon në ndeshjen kundër Real Madrid-it? Arjena dhe Eraldo e zbulojnë këtë në “Vox Pop”-in e tyre për “Eduasportin.com”. duhet thënë qysh në fillim se shqiptarët anojnë pak nga skuadrat e italiane dhe shumica i japin të drejtë Juventusit, duke justifikuar edhe reagimin instiktiv të portierit bardhezi. Gjithsesi, ka edhe nga ata të intervistuar që mendojnë se penalltia e dhënë ishte e saktë dhe se gjyqtari mori vendimin e drejtë. Për më shumë ndiqni video dhe reagimet për të mos u humbur të qytetarëve!/EDS/

VIDEO | Rike Roçi zbulon detaje pikante nga jeta e saj personale që nuk i dinit...

Ti mund ta lexosh kete ne 1 min.
10 Prill 2018 19:59
Intervista në 90 sekonda me Eraldon

Për Rike Roçin është përfolur shumë në ambientet sportive, pasi ajo njihet si një tifoze e futbollit, ndërkohë që fotot e saj në stadium gjatë ndeshjes së Kombëtares Shqiptare në finalet e Euro 2016 bënë xhiron e rrjetit. Bukuroshja shqiptare u cilësua si me të drejtë si një nga tifozet më seksi të Evropianit të Francës nga mediat e huaja, teksa fotot e saj në stadium u bënë shumë shpejt virale, duke i bërë një reklamë të shkëlqyer në kontinent edhe bukurisë shqiptare.

Duke përfituar nga impenjimi i saj në spektaklin “Dancing with the Stars” në Tiranë, pasi Rike Roçi jeton në Itali, ne të “Eduasportin.com” menduam ta kishim personazhin e radhës në rubrikën “90 sekonda me Eraldon”. Ajo ka treguar për pasionin e saj të madh ndaj futbollit, dashurinë që ka për skuadrën e Milan-it, kombëtaren, nëse ka flirtuar ose jo me ndonjë futbollist, skuadrën me të cilën do të bëjë tifo në Botëror si dhe grimca nga jeta personale. Gjithashtu, bukuroshja ka habitur kur zbulon se nuk shkon palestër, ha gjithçka dhe se fiziku i saj seksi është një dhuratë e natyrës. Rikja flet edhe për kërcimin dhe pretendimet që ajo ka në spektaklin e famshëm.

Përveç këtyre, Rike Roçi jep edhe një mendim jo shumë pozitiv për "ngacmimet" e meshkujve shqiptarë. Pse? Zbulojeni gjatë intervistës!/EDS/