Serie A, Ronaldo, Inter, Milan dhe shumë më tepër. Christian Vieri ka dhënë në një intervistë të gjatë për La Gazzetta dello Sport. Ish-sulmuesi i Inter-it dhe Milan-it ka folur për kampionatin italian duke bërë një bilanc para fillimit të sezonit.
RONALDO –“Një goditje e pabesueshme, bardhezinjtë kanë marrë më të mirin, nuk ka fjalë. Vetëm fakti që Cristiano ka pranuar të vijë në Itali tregon sa e madhe është Juventus. Dhe për futbollin tonë në përgjithësi ishte si të kishe fituar lotarinë. Do të jetë më e bukur dhe më tërheqëse të komentosh Serie A. E gjithë bota do të fillojë të shikojë përsëri në kampionatin tonë, dhe kjo falë Cristiano Ronaldo-s dhe Juventus-it ”
INTER- “Lojtarët e mëdhenj kanë filluar të shikojnë prapë me interes dhe ambicie ndaj Italisë. Luciano Spalletti është një trajner i madh, më pëlqen mënyra si e kontrollon skuadrën. Zikaltrit po krijojnë një grup të mirë dhe kanë bërë lëvizje të mira edhe në merkato, të zgjuara në përputhje me dëshirat e trajnerit. Dhe do të transferojnë përsëri, jam i sigurt. Inter duhet të luajë gjithmonë në Champions League, nuk mund të ndodhë ndryshe. Do të jetë një kampionat shumë i bukur, sidomos në garën për Champions League. Megjithatë, unë jam i bindur se të gjithë do të fillojnë të respektojnë përsëri kampionatin tonë. ”
MILAN – “Çfarë goditje Higuain. Kuqezinjtë kishin nevojë për një sulmues që të ishte gati. Një super blerje! Më pas, ata kanë edhe shumë lojtarë të rinj në ekip, mbrojtja është praktikisht e gjitha italiane dhe me shumë perspektiv. Me pak fjalë, edhe Milan duhet të kthehet shumë shpejt në nivele të caktuara. Rikthimi i Maldini-t? Lajm i mrekullueshëm. Për lojtarët e Milan-it dhe për të gjithë futbollin italian. Ai thjesht u kthye në shtëpinë e tij. Paolo është një person pozitiv, inteligjent, i aftë dhe me një eksperiencë fantastike.” /EDS/
***********************
Ndalohet ripostimi apo kopjimi i këtij artikulli pa lejen me shkrim nga eduasportin.com.
Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota në kohë reale nga Futbolli dhe sportet e tjera.