Vox Pop/ Përse Lionel Messi thërritet Pleshti?

Ti mund ta lexosh kete ne 0 min.
15 Mars 2018 13:59
Përgjigjet janë nga më të larmishmet

Emri i tij ngjall gjithnjë debat. A është apo jo më i miri i planetit? Apo më i miri në histori? Lionel Messi është magjistar me topin dhe këtë e tregon në çdo ndeshje të rëndësishme. Kur blaugranat kanë më shumë nevojë për të, ai merr mbi supe përgjegjësitë dhe zgjidh gjithçka. Por pavarësisht kësaj, ka një pseudonim interesant. Argjentinasi thërritet “Pleshti”. Ne kemi pyetur qytetarët në Tiranë dhe ata kanë dhënë mendimin e tyre se përse ylli i Barçës ka këtë pseudonim. A jeni gati për t’i dëgjuar?

90'' me EDS| Rrëfehet Luiza Gega, kampionia që mbështet Gjermaninë

Ti mund ta lexosh kete ne 2 min.
7 Qershor 2018 15:37
Intervista me atleten

Është një sportiste që në çdo garë jep maksimumin dhe që përfaqëson denjësisht Shqipërinë në arenën ndërkombëtare. Luiza Gega, atletja 29-vjeçare në një intervistë për Eduasportin ka ‘zbërthyer’ disa detaje nga jeta e saj, sportive dhe jo vetëm.

E pyetur nga EDS, ajo tregon se do të mbrojë trofeun e argjendtë të fituar në Europianin për 3000 metër, ndërkohë që nuk harron as garën më të vështirë që ka bërë. Sa i përket situatës personale, Gega është ende ‘sigëll’.

Kush është gara që do të mbani mend gjatë?
Gara kur u shpalla nënkampione e Europës.

Cila ka qenë gara më e vështirë?
Vitin e kaluar kur unë u dëmtova. Ishte hera e parë që unë lija garën në gjysmë.

E mendoni, apo e keni menduar tradhtinë ndaj Shqipërisë?
Dhe e kam menduar për fat të keq.

Me pengesa apo stil i lirë?
Të dyja.

Rekord në Shqipëri, apo medalje në Europë?
Medalje në Europë.

Cili është objektivi i ri?
Të ruaj titullin nënkampione e Europës.

Ku jeni zhgënjyer më shumë?
Kam pasur shumë zhgënjime. Më shumë kur kam pasur dëmtime dhe nuk kam mundur të përfaqësoj Shqipërinë.

A ndiheni e mbështetur dhe e vlerësuar nga shteti?
Për fat të keq jo.

Po nga shqiptarët?
Po, sepse kam marrë shpesh shumë urime dhe mesazhe, si dhe motivim.

Si lindi dashuria për këtë sport?
Kur bëja garat në shkollë dhe dilja gjithnjë e para.

Sakrifica më e madh që keni bërë?

Të rri për muaj të tërë larg familjes.

Beqare apo e martuar?
Beqare.

Shqiptar apo i huaj?
Shqiptar.

I egër apo i butë?
I butë.

Kush qytet i ka meshkujt më tërheqës në Shqipëri?
Nuk e kam menduar ndonjëherë, nuk i kam parë në këtë aspekt. Nuk e di.

Botërori po afron, me kë jeni tifoze?
Faktikisht, kur kam qenë e vogël kam qenë me Brazilin, por që tani jam me Gjermaninë.

Sa ka qenë rroga juaj e parë?
6 mijë lekë të reja.

Po më e larta?
35 mijë lekë të reja.

Nëse nuk do të ishit atlete, çfarë do të bënit?
Ndoshta do të merresha me futboll.

A jeni penduar që keni zgjedhur atletikën?
Jo! Jo! Është një sport që mua më ngjall emocione.

Një këshillë për të gjithë të rinjtë që synojnë sportin...
Mjafton që ta duash. Nëse e e do diçka, jo vetëm sportin, duhet të kesh vullnet të punosh. Do rrish patjetër.

****************

Ndalohet ribotimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Në eduasportin.com do gjeni Lajme Sportive, Parashikime Ndeshjesh për Kampionatet Kryesore, Rezultate Live dhe Statistika Futbolli.

VIDEO | Sebino Plaku zbulon pengun më të madh të karrierës së tij

Ti mund ta lexosh kete ne 1 min.
3 Maj 2018 20:37
Mësojeni në EDS

Sulmuesi Sebino Plaku ishte i ftuari i radhës në “90 sekonda me Eraldon” në “Eduasportin.com”. Kapiteni i Kamzës foli për gjithçka, nga aventura me kamzalinjtë, mbijetesa, tek e ardhmja e afërt. Ai beson, se pavarësisht sulmeve që po i bën në fund të edicionit, kryeqytetasit do të arrijnë të qëndrojnë në Kategorinë Superiore, ndërsa e pranon se këtë rrisk e ka marrë parasysh, që kur zgjodhi të bashkohej me ta pas largimit me polemika nga Skënderbeu. 32-vjeçari ka patur një karrierë të gjatë dhe të suksesshme, por gjatë saj ka hasur shumë vështirësi si në Poloni kur u transferua tek Slask Wroclaw. Ai flet për momentet, kur është përballur me racizëm dhe zbulon pengun më të madh të karrierës së tij. Për më tepër ndiqni intervistën e tij.

Aktualisht Kamza pozicionohet në vend të shtatë në kuotën e 38 pikëve, katër më shumë se Teuta e parafundit në klasifikim, ndërsa Plaku është golashënuesi më i mirë i skuadrës me 12 gola dhe golashënuesi i tretë më i mirë në Kategorinë Superiore. Para tij janë vetëm Soëe dhe Guri me nga 14 dhe 17 gola. /EDS/

VIDEO | Sulmuesi më i mirë kuqezi? Përgjigja e Bushit do ju befasojë!

Ti mund ta lexosh kete ne 2 min.
26 Prill 2018 19:59
Intervista pa dorashka për EDS

Trajneri i Kombëtares së Shpresave, Alban Bushi, ishte i ftuar në “90 sekonda me Eraldon”. Ish-golashënuesi i Shqipërisë ka folur për shumë tema, ndërkohë që ka befasuar kur është pyetur se cili është sulmuesi më i mirë i kombëtares shqiptare, që në fakt nuk është ende pjesë e planeve të Christian Panucci-t. “Sulmuesi më i mirë i kombëtares? Është Rei Manaj. E kam stërvitur vetë, e kam parë se çfarë cilësish ka. E kam këshilluar të punojë shumë”, thotë Alban Bushi në intervistën e tij. Më tej, tekniku i përfaqësueses U-21 flet edhe skuadrën që ai drejton dhe nuk polemika për faktin që u privua nga dy yjet e skuadrës para ndeshjeve me Sllovakinë, pasi u morën nga Panucci me Kombëtaren A.

“Ndihem mirë si trajner i Shpresave. Patjetër që jam i zhgënjyer nga rezultatet e eliminatoreve të Evropianit. Nuk i prisja dy humbjet me Sllovakinë. Çfarë shkoi keq? Kishim pothuajse 11 mungesa. Vendimi i Panucci-t për të marrë Abazajn dhe Baren? Panucci është një trajner i ri dhe duhet ta kuptojmë të gjithë. 60% e kombëtares U-21 janë të gatshëm për Kombëtaren A”, - shprehet Bushi.

Trajneri ka rezerva për kampionatin shqiptar dhe shigjeton trajnerët për nivelin, ndërkohë që shpreh admirimin për idhullin e tij në futbollin shqiptar. “Në përgjithësi ka diferenca mes lojtarëve të kampionatit shqiptarë dhe atyre që luajnë jashtë. Lojtarët e kampionatit shqiptar bëjnë shumë gabime faktikisht. A janë problemet te trajnerët? Mendoj që po, - thotë Bushi. - Është më e vështirë të jesh trajner se sa lojtar. Futbolli është më shumë marketing sot. Sulmuesi më i mirë i kombëtares i të gjitha kohërave është Arben Minga dhe pas tij Agustin Kola. Skuadra më e mirë me të cilën kam luajtur është Trabzonspor. Tifoz jam me Tiranën. Më vjen keq për dënimin e Skënderbeut, nuk e meriton”, - deklaroi Alban Bushi në intervistën e tij për Eduasportin.com./EDS/

Vox Pop/ Bayern-Real, kush e fiton gjymëfinalen e Champions League?

Ti mund ta lexosh kete ne 1 min.
25 Prill 2018 18:51
Shqiptarët tregojnë preferencat e tyre

Champions League uli siparin e ndeshjeve të gjysmëfinaleve, pasi mbrëmjen e djeshme Liverpool dhe Roma dhuruan një ndeshje spektakolare. Anglezët triumfuan me rezultatin 5-2, por në fund fitoi futbolli. Ai vërteti që të fal emocione pafund. Sonte, takimi i dytë gjysmëfinale i këtij trofe premton dhe më shumë emocione. Dy gjigantë të futbollit evropian si Bayern Munchen dhe Real Madrid do të përplasin brinjët mes tyre, prej orës 20:45, në mitikun “Allianz Arena”. Sfida mes këtyre dy ekipeve ka dhuruar gjithmonë ndeshje spektakolare, gola, sherre dhe emocione. Të dy ekipet janë përballur shpesh mes tyre dhe historia ka treguar se rivaliteti ka qenë dhe është shumë i ashpër.

Po shqiptarët, çfarë mendojnë? Në vendin tonë ka shumë tifozë të Bayern Munchen-it, por as madrilenët nuk mbeten mbrapa. Arjena dhe Eraldo kanë pyetur qytetarët e thjeshtë në lidhje me takimin e sotëm. Disa janë përgjigjur për vendasit, ndërsa disa të tjerë për miqtë. Në fund, ka dhe prej atyre që guxojnë të na lënë takim në Vox Pop-in tjetër, pasi mendojnë se kanë gjetur finalistët e këtij kompeticioni. Një sfidë që pranohet nga ana jonë, pasi futbolli bashkon njerëz! /EDS