REZULTATET LIVE
Shiko listen e plote
Romelo Lukaku, tani jeton në luks.

Vuajtje dhe varfëri, Lukaku-t i është dashur të heqë shumë

11 Janar 2018 16:54

Sulmuesi i Manchester United, Romelo Lukaku, tani jeton në luks dhe është ndër më të paguarit. Transferimi i tij te Manchester United u bë për një shifër rekord prej 75 milion sterlinash nga Everton.

Por, lojtari i përfaqësueses belge, Romelo Lukaku ka pasur një jetë të vështirë në Antwerp. Familja e tij mori tatëpjetën kur babai i futbollistit, Roger, u burgos për 15 muaj në vitin 2013 për sulm ndaj një femre, të cilën e mbajti në makinën e tij me dhunë.

E ëma Adolphine, pavarësisht se ishte e sëmurë rëndë, detyrohej që të punonte si pastruese në zyra dhe lokale të ndryshme.

Ish-lojtari i Chelsea dhe West Brom thotë se kjo ka ndikuar psikologjikisht.

Lukaku ka shënuar 16 gola në 31 ndeshje për United këtë sezon.

"Kur babai im ndaloi së luajturi futboll, ne patëm një gropë financiare. Njerëzit na lanë t’i zgjidhnim hallet vetë dhe gjithmonë këtë nuk kam për ta harruar. Gjithçka për ne ndryshoi brenda dy muajve. Mbaj mend gjithçka, isha pesë ose gjashtë vjeç, sapo kisha filluar të luaja futboll, dhe pastaj babai im u tërhoq.

Ne nuk kishim televizor apo energji elektrike në shtëpi. Ne na nxorën jashtë nga banesa jonë dhe u zhvendosëm në Antwerp. Në fillim nuk kishim as perde në dritare. Ne flinim në dysheme, me nënën time, vëllanë Jordan dhe unë lart e babai në dysheme. Mu desh ta lija futbollin se nuk ikja dot në stërvitje”, kujton Lukaku eksperiencën e vështirë.  /EDS/

Jeni i lutur të hyni në llogari që të lini një koment
Akordi i arritur, pritet zyrtarizimi

Dzeko dhe Palmieri te Chelsea, Roma përfiton 50 mln euro

23 Janar 2018 12:32

Edin Dzeko dhe Emerson Palmieri kanë prerë biletën vetëm vajte për në Londër.

Të dy futbollistët do të jenë përforcimet e reja të ekipit të Chelsea-s, që do t’i paguajë Romës 50 milionë euro shto këtu edhe bonuset.

Të gjitha palët janë të kënaqura nga akordi dhe vështirë që kjo marrëveshje të prishet.

Dzeko do të përfitojë 4.5 milionë euro në sezon shto këtu edhe bonuset dhe do të firmosë deri në vitin 2021.

Boshnjaku kishte vendosur që të mos të largohej nga ekipi verdhekuq, por ajo që e bëri që të ndryshonte mendje ishte telefonata e Antonio Conte-s ditën e djeshme.

Tekniku i bluve të Londrës i garantoi 32 vjeçarit se ai do të jetë pjesë e rëndësishme e ekipit dhe se besonte shumë në aftësitë e tij.

Tani ngelet për t’u parë nëse futbollistët do të jenë edhe në takimin e fundjavës kundër Sampdoria-s, apo do të largohen më përpara.

Jeni i lutur të hyni në llogari që të lini një koment
Trajneri i United kërkon shërbimet e mesfushorit të Nice-s

Pas Sanchez, Mourinho kërkon përforcimin e radhës

23 Janar 2018 12:30

Jose Mourinho, është gati të afrojë përforcimin e radhës në këtë merkato. Jean Michael Seri është emri i radhës që trajneri portugez ka piketuar për ta afruar në skuadër. Pas shkëmbimit të Mkhitaryan me Alexis Sanchez, United dëshiron që të bëjë edhe një blerje tjetër.

Mesfushori Nice-s, është prioritet i "Special One" pas transferimit të sulmuesit kilian për 35 milionë paund në "Old Trafford". Përveç tij, Mou ka në plan të afrojë edhe një mbrojtës të majtë. Seri, ishte pranë transferimit në Barcelonë gjatë verës por kishte insituar se dëshiron të luajë në Premier League. /EDS/

Jeni i lutur të hyni në llogari që të lini një koment
Akuza vjen nga një ish-lojtar i Anglisë i njohur për bëmat e tij brenda dhe jashtë fushe

Deklarata "bombë": Gjysma e lojtarëve në Angli luajnë baste!

23 Janar 2018 11:31

“Gjysma e futbollistëve luajnë baste”. Është kjo deklarata e fortë që ish mesfushori i Anglisë, Joey Barton ka bërë, duke treguar se ky problem është mjaft serioz dhe se i bën një dëm të madh sportit në Angli. Futbollisti i ka bërë thirrje Federatës Angleze që të ndihmojë në zgjidhjen e kësaj problematike, që është rrënjosur thellë në sport.

Barton, 35 vjeç, luajti 1260 baste në ndeshje futbolli për 10 vite dhe kjo bëri që asi i Burnley-t të pezullohej për 18 muaj sepse theu rregullat. Por më pas FA vendosi që lojtari të mund të kthehet në fushë në 1 qershor të këtij viti duke ia ulur dënimin. “Mendoj se nëse ata do të gjenin çdo lojtar që ka luajtur baste dhe ta dënonin, atëherë gjysma e kampionatit do të ishte jashtë. Mendoj se 50% e futbollistëve do të përjashtoheshin pasi ky fenomen është rrënjosur në kulturën e futbollistit”.

Ai e pranon se për një bastexhi është shumë e vështirë që të mund ta lërë pas këtë ves. “Edhe pse duket sikur ti e lë pas këtë problem, kur ke krijuar varësi gjithnjë do të vuash pasi do të duash të luash. Varësia për çdo njeri është e ndryshme. Por për mua ishte madhe”, tha Barton, i cili në total ka llogaritur se ka luajtur mbi 15 mijë baste në sporte të ndryshme.  /EDS/

Jeni i lutur të hyni në llogari që të lini një koment
Sulmuesi kilian ka pasur një motiv të fortë

Zbulohet arsyeja pse Sanchez këmbënguli të firmosë me United

23 Janar 2018 11:12

Manchester United ka konfirmuar mbrëmjen e djeshme transferimin e Alexis Sanchez në "Old Trafford". Media britanike“The Sun" ka publikuar foton e kilianit, ku tregon se ka qenë një tifoz i hershëm i "Djajve të kuq", ndaj edhe nënshkrimi i tij me rivalët e City-t nuk ishte surprizë.

Një foto e 29-vjeçarit me xhupin me stemën e United ka bërë xhiron e Internetit. Në intervistën e tij të parë pasi u shkëmbye me Mkhitaryan, Sanchez ka treguar arsyen se përse zgjodhi të largohet nga "Anfield".

"Që kur isha fëmijë, e kam pasur ëndërr që një ditë të luaj për Manchester United. Dhe nuk po e them këtë vetëm se jam këtu tani dhe kjo ëndërr u bë realitet. Që fëmijë kam dashur të luaja me United dhe këtë e kam diskutuar njëherë edhe me Sir Alex Ferguson. Kemi komunikuar rreth 20 minuta dhe i kam thënë që ëndrra ime ishte të vija këtu, te United. Është një klub i fuqishëm, me emër dhe tani kam mundësinë që të luaj këtu"- ka thënë lojtari. /EDS/

Jeni i lutur të hyni në llogari që të lini një koment