Robert Levandovski ia dedikoi dy golat e shënuar ndaj Salcburgut ish-legjendës bavareze, Gerd Myler. Ky i fundit mbushi dje 75 vjeç. Gjendja e tij është jo e mirë pasi ka disa vite që vuan nga skleroza.
“Dua t’ia dedikoj golat një legjende të vërtetë si Gerd Myler për 75-vjetorin e lindjes. Ajo çfarë ke arritur më ka shtyrë për të punuar çdo ditë për të qenë sadopak afër madhështisë sate. Qëndro i fortë mbreti Gerd”, shkroi Levandovski në llogarinë e tij në “Twiiter” për ish-legjendën gjermane dhe atë bavareze.
Kujtojmë që gruaja e Mylerit, Ushi, zbuloi se ai ishte duke e pritur i qetë vdekjen në një azil.
PANORAMASPORT.AL
www.panorama.com
