REZULTATET LIVE
Shiko listen e plote
Punët po komplikohen për kilianin

Wenger nuk e shet Sanchez po nuk gjeti zëvendësuesin

12 Janar 2018 14:46

Arsenali ia ka bërë të qartë klubeve të interesuara për blerjen e Alexis Sanchez se ai nuk do ta shesë sulmuesin nëse më parë nuk gjen një zëvendësues.

Manchester United dhe Manchester City janë në një garë të ethshme për shërbimet e 28 vjeçarit, i cili madje sipas medieve angleze kishte arritur akordin me “qytetarët”.

Dëshira e kilianit është që të bashkohet me ish trajnerin e tij Pep Guardiola, me të cilin ka arritur suksese me rëndësi te Barcelona.

Por në garë është futur edhe Jose Mourinho, i cili është në kërkim të një sulmuesi pasi “Djajtë e kuq” po vuajnë në sulm.

Portugezi është gati që të plotësojë kërkesën ekonomike të “topçinjve”, e cila shkon në 35 milionë sterlina.

City ishte gati të paguante 20 milionë sterlina, ndërsa rivalët e tyre të qytetit mund të fusin në bisedime edhe Henrikh Mkhitaryan-in, i cili nuk po gjen më hapësirë në formacion.

“Qytetarët” janë gati që të paguajnë 250 mijë sterlina në javë rrogë Sanchez-it, por United është gati që t’i ofrojë atij më shumë.

Jeni i lutur të hyni në llogari që të lini një koment
Tifozët e United të mahnitur që Arsenali ka rënë dakort

Gjithçka “OK” për shkëmbimin Sanchez-Mkhitaryan

21 Janar 2018 00:11

Më në fund “pazëlli” është plotësuar, shkëmbimi Sanchez-Mkhitaryan tashmë është bërë realitet. Kiliani bashkohet me Manchester United, ndërsa armeni me Arsenalin.

MKKHITARYAN - Henrikh ka pranuar transferimin nga Manchester United tek Arsenali, duke realizuar shkëmbimin. Mesfushori 28-vjeçar do të kryejë vizitat mjekësore të dielën dhe më pas do të nënshkruajë kontratën e re për të zyrtarizuar transferimin e tij të hënën. Kohëzgjatja e marrëveshjes me "Topçinjtë" dhe paga e tij ende nuk dihen.

SANCHEZ - Ardhja e Mkhitaryan-it ishte kushti i vendosur nga Arsenali për t'i dhënë dritën jeshile kalimit të Alexis Sanchez-it tek “Djajtë e Kuq”. Sulmuesi, që në fund të qershorit i përfundonte kontrata me “Topçinjtë”, dukej i destinuar për t’u bashkuar me Manchester City-n, por përfshirja e Mourinho-s bëri që ai të përfundojë në “Old Trafford”. Si Sanchez ashtu edhe Mkhitaryan nuk ishin pjesë e ekipeve të tyre përkatëse në ndeshjet që skuadrat zhvilluan të shtunën. /EDS/

Jeni i lutur të hyni në llogari që të lini një koment
Skuadra e Chelsea largon mjegullën për momentin

Shkëlqejnë ndaj Brightonit, tifozët e Chelseat “të kuq” Moratës

20 Janar 2018 22:12

Lojtarët arritën një fitore domethënëse kundër Brighton në Premier League duke u ngjitur në vendin e tretë me 3 pikë pas Manchester United që bëri detyrën përballë Burnley duke fituar minimalisht 1-0.

Në formacion bazë nuk figuronte qendërsulmuesi kryesor i ”Bluve”, Alvaro Morata, i cili ishte pezulluar pasi u ndëshkua më karton të kuq në ndeshjen e kthimit kundër Norwich për FA Cup që u luajt ditën e mërkurë.

Skuadra e Contes tregoi lirshmëri dhe freski në fazën sulmuese, ku Hazard u kombinua mjaft mirë me sulmuesin belg Batshuyai.

Pas përfundimit të takimit, në rrjetin social “Twitter”, janë hedhur komentet e para, të cilat përqendroheshin te produktiviteti dhe efekti rezultativ në lojën e Chelsea pa sulmuesin spanjoll Morata.

Disa prej komenteve më të vlerësuara kanë vënë në dukje mungesën e saktësisë të sulmuesit të Kombëtares së Spanjës dhe kanë kërkuar që në vend të tij të startojë Michy Batshuyai.

“Siguria e Alvaro Moratës duket e ulët në këtë moment. Ai po humbet rastet që i shfrytëzonte shumë mirë në fillim të kampionatit. Edin Dzeko do të krijonte rivalitet për Moratën”.

“Brighton ka luftuar shumë mirë sot pa Alvaro Moratën. Ai do të kishte qenë lojtari i tyre më i mirë. Sulmuesit e Chelsea këtë sezon: Alvaro Morata në 23 ndeshje ka shënuar 12 gola, Batshuayi 8 ndeshje 8 gola. Më gjeni një lojtar që humbet më shumë raste të pastra për gol se sa Alvaro Morata”.

Ish-sulmuesi i Real Madrid dhe Juventus u ble këtë sezon për 60 milionë £. Ardhja e tij në “Stamford Bridge” solli largimin e sulmuesit tjetër braziliano-spanjoll Diego Costa.

Edhe pse Morata pati një periudhë sezoni shumë rezultative duke qenë një ndër golashënuesit më të mirë në Premier Legue, ai ka humbur sigurinë dhe ka vënë në rrezik vendin e tij në formacion startues të Antonio Contes që pas ndeshjes me Arsenalin ku shpërdoroi një seri rastesh të pastra që i kushtuan Chelsea 3 pikë.

Spanjolli 25-vjeҫar po kalon një periudhë “thatësire” në gola dhe është bërë një lojtar i padëshiruar për tifozët londinezë që preferojnë më tepër belgun Batshuyai dhe të larguarin Diego Costa sesa Moratën. /EDS/

Jeni i lutur të hyni në llogari që të lini një koment
Portugezi nuk të falka në lojërat elektronike

Edhe ti, Jose Mourinho?

20 Janar 2018 22:09

Jose Mourinho mund të pëlqejë që të luajë me psikologjinë e trajnerëve të tjerë, por ai gjithashtu ka qejf të luajë lojëra elektronike.

Tekniku portugez u pa duke mbajtur me vete poshtë krahut një aparat “Play Station 4”, ndërsa ishte duke u futur në hotel përpara takimit kundër Burnley-t.

Tekniku i “Djajve të kuq” u duk sikur ishte i paduruar për të luajtur, ndoshta edhe lojën FIFA 18, e për të parë se si do të funksiononte ekipi me Alexis Sanchez-in në formacion.

Kiliani e ka gjetur akordin, ku United do të paguajë 35 milionë sterlina për kartoni e tij dhe do të fusë në xhep 450 mijë sterlina në javë.

Jeni i lutur të hyni në llogari që të lini një koment
Sulmuesi është shumë afër kalimit në Premier League

Tottenham sfidon Arsenalin për yllin brazilian

20 Janar 2018 21:40

Tottenham është favorit për të nënshkruar me yllin e Bordeaux, Malcom. Nëse ai do të bashkohet me Spurs këtë muaj, me shumë mundësi do të huazohet përsëri në Bordeaux deri në verë, siç ndodhi me mesfushorin Dele Alli kur ai u bashkua nga MK Dons në fillim të vitit 2015. 20-vjeçari brazilian ka tërhequr vëmendjen e klubeve të rëndësishme të Evropës, me performancat e tij në fushë.

Malcom vlerësohet rreth 35 milionë sterlina, por ende nuk është arritur një marrëveshje. Mësohet se edhe Wenger ka shfaqur interes për të nënshkruar me sulmuesin e krahut, i cili ka shkëlqyer në sezonin e fundit në Ligue 1 me Bordeaux. Deri më tani ish-sulmuesi Corinthians ka shënuar 7 gola në Ligue 1 në 21 ndeshje, teksa ka dhënë edhe 5 asiste. /EDS/

Jeni i lutur të hyni në llogari që të lini një koment