REZULTATET LIVE
Shiko listen e plote
Zyrtarizohet e ardhmja e kolumbianit

Yerry Mina i Barçës, Tare del “huq”

11 Janar 2018 12:28

11.8 milionë euro të shpenzuara dhe Barcelona ka bërë të vetin qendërmbrojtësin Yerry Mina. Kohëzgjatja e kontratës? 5.5 vite. Sigurisht nuk mund të mungonte edhe një klauzolë, që kap shifrën e 100 milionë eurove.

Mina është 23-vjeç, pjesë e Kombëtares së Kolumbisë dhe Barcelona tashmë do të ketë një “digë” për prapavijën, por që di edhe të shënojë gola. Për shërbimet e tij interesoheshin disa klube, por në fund konkurrenca u fitua nga klubi spanjoll, që tashmë e ka zyrtarizuar marrëveshjen me mbrojtësin.

Prej kohësh Mina vëzhgohej edhe nga Igli Tare, drejtori sportiv i Lazio-s, që në Amerikën Latine kërkon shpesh për “xhevahirë” dhe ia ka dalë të zbulojë disa. Gjithsesi Barcelona është një emër i madh dhe milionat e saj kanë bindur Palmeiras-in dhe mbrojtësin për të kryer këtë lëvizje. /EDS

Jeni i lutur të hyni në llogari që të lini një koment
Chelsea është një alternativë

Ylli i Spanjës është i gatshëm të largohet nga Real Madridi

23 Janar 2018 17:00

Ylli i Real Madridit, Marco Asensio mund të shkojë drejt Chelsea-t. Spanjolli nuk është i lumtur në Bernabeu dhe “Diario Gol” raporton, se sulmuesi anësor është i gatshëm të largohet nga “Los Blancos” nëse Zidane do të qëndrojë në krye të ekipit pas merkatos së verës. Asensio kërkon më tepër minuta dhe e di se me trajnerin francez në krye do të jetë shumë e vështirë të fitojë një vend në formacionin startues.

Asensio është në dijeni, që Zidane është i dëshpëruar për të nënshkruar me belgun në verë dhe ai është i hapur për t’u përfshirë në një marrëveshje shkëmbimi për të dalë nga Bernabeu. 22-vjeçari deri tani ka grumbulluar 16 ndeshje në La Liga, prej të cilave vetëm 9 si titullar, teksa ka shënuar edhe katër gola. Ndërkohë në Copa Del Rey, Asensio ka zbritur në fushë në katër takime dhe ka shënuar dy gola./EDS/DXH/

Jeni i lutur të hyni në llogari që të lini një koment
Argjentinasi do të transferohet në Kinë

Barça përgatit lamtumirën e Mascherano-s

23 Janar 2018 16:58

Barcelona ka lajmëruar se një nga futbollistët më të suksesshëm të ekipit, Javier Mascherano do të largohet nga skuadra. Klubi blaugrana bëri publike ceremoninë e përshëndetjes përfundimtare me një nga lojtarët që i ka dhënë shumë skuadrës dhe ka fituar trofe me rëndësi. Argjentinasi në këtë merkato dimri do të kalojë tek ekipi kinez i Hebei Fortune, që po e kryen fazën përgatitore në Marbella.

Për 33 vjeçarin me tipare mbrojtëse do të organizohet një ceremoni zyrtare lamtumire ditën e mërkurë në orën 11:00. Të pranishëm do të jenë edhe presidenti i Barcelonës ​​Josep Maria Bartomeu, dhe i gjithë ekipi i parë. Ndërkohë që të enjten, në takimin Kupës së Mbretit Barcelona-Espanyol, Mascherano do t’i japë lamtumirën tifozëve në një ceremoni në “Camp Nou”. Hebei Fortune do të paguajë 10 milionë euro për kartonin e tij, në bazë të akordit mes të dyja klubeve në muajin dhjetor.

Jeni i lutur të hyni në llogari që të lini një koment
Mesfushori kroat kërkon të rikthehet në Itali

Kovacic dëshiron largimin. Inter apo United?

23 Janar 2018 12:59

Mateo Kovacic, ka dy dëshira për 2018-ën. Mesfushori kroat nuk po gjen dot hapësirë te Real Madrid, për këtë ai është gati të kthehet te Inter ose të kalojë në “Old Trafford” me Manchester United.

Siç raporton “Mirror”, 23-vjeçari nuk është pjesë e projektit të Zidane edhe pse po përpiqet që të fitojë minuta me “Los Blancos”. Gjithmonë sipas tabloidit anglez, zikaltërit janë të gatshëm që të mirëpresin yllin kroat.

Deri në fund të merkatos, mbetet të presim nëse lojtari do të vazhdojë të qëndrojë në “Santiago Bernabeu”, apo do të nisë një aventurë të re në Premier League, ku edhe dëshiron më së shumti. /EDS/

Jeni i lutur të hyni në llogari që të lini një koment
Shokët i përgatitën një surprizë në zhveshtore

Ylli i Vallecano-s në panik nga surpriza e vogël në çantë

23 Janar 2018 11:54

Ylli i Rajo Vallecano-s, Unai Lopez është një futbollist të cilit i pëlqejnë duelet e forta.

Ai nuk e ka problem që të përplaset me rivalët, dhe nuk i ka frikë as rivalët më të fortë edhe pse është i shkurtër në shtat.

Por ekziston një qenie që atij ia çon gjakun në fund të këmbëve. Ai është miu.

Ylli 22 vjeçar u trondit jo pak, kur hapi çantën ku mbante teshat dhe aty pa brejtësin i cili po qëndronte i pashqetësuar.

Me ta parë, Lopez u largua me shpejtësi, madje duke mos i kursyer disa britma.

Kjo ishte një shaka e shokut të tij të ekipit, Adrian Embarba.

Vallecano luan në kategorinë e parë në Spanjë dhe aktualisht gjendet në vend të katërt në renditje.

 

 

La broma del vestuario del Rayo a Unai López 🤣🤣

A post shared by Rayo Vallecano - UNIÓN RAYO (@unionrayo) on

Jeni i lutur të hyni në llogari që të lini një koment