Yjet e futbollit shkëlqejnë në 20-vjetorin e atleteve të famshme Nike

Ti mund ta lexosh kete ne 0 min.
7 Shkurt 2018 21:18

Disa nga yjet më të mëdhenj në futbollin botëror u bashkuan sonte për të festuar 20-vjetorin e atleteve të famshme "Mercurial" të “Nike”. Neymar, Alexis Sanchez, Pierre-Emerick Aubameyang dhe Eden Hazard u ngjitën në eventin në “The Printworks” në Londër me stilin e tyre kur dolën nga supermakina me 'Mercurial' të ngjyrosur në anën tjetër. Lojtarët u paraqitën në skenë për setin e detyrueshëm të fotografive dhe dukej se po e shijonin këtë moment duke qenë në qendër të vëmendjes. /EDS/

Për çfarë duhen tifozët? Gjysma e klubeve të Premier League nuk kanë nevojë për ta

Ti mund ta lexosh kete ne 2 min.
14 Gusht 2018 21:25

Gjysma e klubeve të Premier League mund të kishin luajtur sezonin e kaluar pa asnjë tifoz në shkallët e stadiumit dhe përsëri do ta kishin mbyllur vitin me fitim për sa i përket të ardhurave.

Rezultati tronditës vjen pas një kërkimi të realizuar nga BBC, pas marrëveshjes së re që skuadrat angleze kanë bërë për të drejtat e transmetimit të ndeshjeve në TV. Në sezonin 2016-2017, klubet e Premier League kanë përfituar nga të drejtat televizive plot 8,3 miliardë paund, ndërsa të ardhurat nga biletat kanë qenë në një raport 20 qindarka për 1 paund të fituar nga të drejtat televizive.

Numri i klubeve që do të kishin dalë me fitim edhe nëse nuk do të kishin arkëtuar asnjë qindarkë nga çmimet e biletave u rrit nga 2 që ishte në sezonin 2015-2016, në 11 në sezonin 2016-2017.

Dr. Rob Wilson, specialist i financave sportive në Universitetin “Hallam” të Shefilldit, thotë që ndryshimi është paralajmëruar që në marrëveshjen e mëparshme të nënshkruar në vitin 2012, me vlerë mbi 3 miliardë paund. “Ai ka qenë çasti kyç ku fokusi u kalua nga biletat e stadiumit te gjenerimi i të ardhurave televizive”, thotë ai për BBC Sport. “Kur merr 120 milionë paund nga Premier League për të luajtur me top, atëherë mund ta bësh këtë edhe në një stadium bosh. Për sa i përket të ardhurave, klubet nuk mbështeten më tek biletat”, shtoi ai.

Në sezonin e kaluar ishin 10 klube që do të kishin realizuar fitim edhe pa asnjë tifoz në stadiumet e tyre: Leicester, 76,03 milionë paund; West Brom, 33,03; Burnley, 21,46; Hull, 19,68; Southampton, 19,10; Everton, 16,60; West Ham, 14,87; Tottenham, 12,55; Bournemouth, 9,46; Swansea, 5,89 milionë paund. Listës mund t’i shtohet edhe Crystal Palace, që edhe pse luante në kategorinë e dytë sezonin e kaluar, do të kishte realizuar një fitim prej 1,21 milionë paundësh pa çmimet e biletave.

Për të kuptuar më mirë shifrat e çmendura të futbollit anglez, mjafton të përmendim që Bournemouth, skuadra me stadiumin më të vogël në Premier League, vetëm 11 450 vende, siguroi një fitim neto sezonin e kaluar prej 136,5 milionë paundësh, prej kësaj, vetëm 5,2 nga biletat, ose më pak se 4 qindarka për çdo paund të fituar./EDS/

**********

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.

Paul Scholes përzgjedh formacionin ideal te Manchester United

Ti mund ta lexosh kete ne 1 min.
14 Gusht 2018 21:08

Paul Scholes, legjenda e Anglisë dhe Manchester United, ka publikuar formacionin e më të mirëve, me të cilët ka luajtur te Manchester United. Në këtë formacion gjejmë emra të mëdhenj, që kanë bërë historinë me këtë klub legjendar.

Anglezi në portë ka vendosur danezin Peter Schmeichel, ndërsa në mbrotje gjejmë Gary Neville, Rio Ferdinand, Jaap Stam dhe Dennis Irwin. Një United pa Scholes në mesfushë, do të ishte e çuditshme, por ai ka përzgjedhur  Beckham, Giggs dhe në fund Keane. Në sulm nuk ka surpriza, me Wayne Rooneyn dhe Cristiano Ronaldon që mbështesin yllin hollandez Ruud van Nistelrooy.  Stolin e rezervave e përbëjnë lojtarë si Andy Cole, Dëight Yorke, Teddy Sheringham dhe Ole Gunnar Solskjaer.

Paul Scholes gjatë aventurës me Djajtë e Kuq, ka luajtur më shumë se 700 ndeshje, ku fitoi 11 tituj Premier League, tre FA Cup dhe dy Champions League. 43-vjeçari gjatë periudhës te Manchester, ka luajtur përkrah lojtarëve më të mëdhenj të asaj periudhe. /EDS/

***********************

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota në kohë reale nga Futbolli dhe sportet e tjera.

PSG përgatit një ofertë 100 milionëshe për yllin e Tottenham

Ti mund ta lexosh kete ne 2 min.
14 Gusht 2018 11:46
Parisienët nuk kursehen

Tottenham mund të pendohet shumë që nuk bëri asnjë blerje në këtë merkato verore. Në Angli shkruajnë se “Spurs” mund të pësojnë një goditje të rëndë, pasi ylli i skuadrës Christian Eriksen mund të largohet.

PSG-ja është gati që të bëjë një ofertë prej 100 milionë sterlinash për të blerë futbollistin. Mesfushori ende nuk ka firmosur rinovimin e kontratës me londinezët, e kjo shton shpresat te parisienët për realizimin kalimit.

Por nuk është vetëm PSG-ja që e pëlqen organizatorin e Tottenham-it. Edhe Real Madridi e pëlqen futbollistin dhe nuk përjashtohet mundësia që deri në përfundim të merkatos verore, të bëjë një ofertë të çmendur për ta blerë atë.

Humbja e 26-vjeçarit do t’i kushtonte shumë trajnerit Mauricio Pocchetino, i cili jo vetëm do të duhet të bënte pa lojtarin kryesor të skuadrës, por nuk e ka as mundësinë që ta zëvendësojë atë, të paktën deri në janar.

Por Eriksen ka edhe 2 vite në kontratën e tij dhe kjo sjell qetësi tek anglezët. Gjithsesi, frika është që palët të përplasen dhe hezitimi për të rinovuar bën që danezi ta ketë menduar largimin. Ai po vepron ndryshe nga yjet e tjerë Harry Kane, Dele Alli apo Davinson Sanchez që kanë hedhur në kontratë firmat e tyre për të rinovuar.

Duhet thënë se pavarësisht presionit nga UEFA për të respektuar Fair Play-n Financiar, sërish PSG-ja vazhdon që të jetë e prirur të bëjë shpenzime të çmendura, duke mos iu trembur sanksioneve. Kurse Reali mund të ketë një motiv më shumë për ta blerë yllin danez, me Luka Modric që e dëshiron shumë largimin tek Interi dhe me huazimin e Mateo Kovacic-it te Chelsea. /EDS/

*********

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.

Manchester United në hall, po kërkon një drejtor sportiv

Ti mund ta lexosh kete ne 2 min.
14 Gusht 2018 11:04
Mësoni alternativat pas mbretërimit të Fergit

Manchester United ka vendosur të ndryshojë. Drejtuesit e klubit anglez i kanë marrë për bazë kritikat e bëra nga trajneri Jose Moruinho për dështimin në merkato pasi nuk mundën dot të afronin një yll në skuadër dhe po punojnë që të afrojnë një drejtor sportiv ekspert, që të mund të plotësojë dëshirat e portugezit por edhe të dijë të blejë pa shpenzuar shifra të çmendura.

Sipas gazetës angleze “The Independent”, tani që mbretërimi i Sir Alex Ferguson-it ka përfunduar, “Djajtë e kuq” nuk kanë bërë goditje të mëdha. Duhet një figurë e fortë që të jetë në krah të teknikut. Por janë disa alternativa për të marrë këtë detyrë.

Fabio Paratici – Drejtori sportiv i Juventusit, krahu i djathtë i Marotta- vlerësohet së tepërmi nga klubi jo vetëm për blerjen e CR7-ës, por edhe për atë që ka bërë e po bën te bardhezinjtë.

Monchi – Drejtori sportiv i Romës po bëhet gjithnjë e më shumë popullor falë afrimeve që ka bërë në këtë merkato vere. Por që spanjolli të bindet të lërë verdhekuqtë, do të jetë e vështirë, pasi ai ka pak që ka lënë Sevilla-n, për të nisur detyrën e re te Roma.

Edwin Van Der Sar – Ish portieri është një legjendë për tifozët e “Old Trafford”, që emërimin e tij në ëktë detyrë e pëlqejnë. Aktualisht ai po e bën këtë gjë në klubin Ajax-it.

Marcelo Lippi – Klubi sipas gazetës i ka kërkuar këshilla njerëzve të cilët kanë bërë emër në këtë punë dhe italiani është një nga ata. Pse jo, ai mund të emërohet me kohë të plotë te “Djajtë e kuq”.

Domenico Teti – Por Lippi ka sugjeruar pikërisht Teti-n tek United. Ai njihet për sjelljen e Mauro Icardi-t te Sampdoria. /EDS/

*********

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.