Zidane: Bale mund të jetë sërish vendimtar, unë llogaris në të

22 Nëntor 2019

Gareth Bale ishte pika kryesore e bisedimeve në konferencën për shtyp sot (e premte) të Zinedine Zidane, pas festimit kontrovers të sulmuesit me një flamur që renditi përparësitë e tij si Uellsi, Golfi dhe më pas Real Madridi.

Trajneri francez nuk dëshironte të përfshihej shumë në polemika dhe është i prirur të përqendrohet në futboll dhe në përkrahje të Bale.

“Kur u kthye, unë i fola ashtu si unë me të gjithë lojtarët. Ne folëm për çështje në fushë, jo për çështjet jashtë fushës”, ka thënë fillimisht Zidane në konferencë.

Lexo po ashtu: Bale feston kualifikimin e Uellsit në Evropian me flamurin që përqesh Real Madridin

“Ai ndjehet mirë dhe ka stërvitur normalisht. Mendoj se është bërë shumë zhurmë rreth gjestit të Bale, por ajo që duhet të bëjmë është përqendrimi në futboll”.

💬 ¡La respuesta de #Zidane a la pregunta de #RMTV, en la rueda de prensa! #RMCity |#RMLiga pic.twitter.com/gPmG9FjKk5

— Real Madrid C.F.⚽ (@realmadrid) November 22, 2019

“Unë po shikoj vetëm anën sportive të gjërave, jo ato që thuhet jashtë klubit. Ajo që thuhet jashtë nuk më intereson”.

“Kur shikoni se çfarë ka bërë ai gjatë kohës së tij këtu, tifozët duhet të jenë me të. Njerëzit që me të vërtetë ndjejnë ngjyrat e Real Madridit duhet të jenë me Bale”.

Lexo po ashtu: Festoi duke përqeshur Real Madridin, Bale shpëton pa u ndëshkuar nga Zidane

“Mendoj se ai mund të jetë përsëri një lojtar vendimtar dhe mendoj vetëm për këtë”.

“Unë jam duke llogaritur te Bale, kjo nuk është asgjë e re”, përfundoi trajneri i Realit. /Telegrafi/

www.telegrafi.com