“Zjarr” në Paris, Shqipëria bën tifo për ëndrrën e pamundur

14 Tetor 2019

Jo vetëm Moldavi-Shqipëri, tifozët kuqezi kthejnë sot në mbrëmje vështrimin nga Parisi me shpresën që Turqia të shtyj edhe pak përfundimin e aventurës së Shqipërisë në “Euro2020”. Më shumë se sa një dëshirë apo qëllim, kjo ngjan me një ëndërr të pamundur. I vetmi skenar imagjinar që në mban ende në lojë kuqezinjtë në këto kualifikuese është mundësia utopike që Franca të humbas 3 ndeshjet e mbetura, përfshi këtu është ndeshjen e fundit përballë Shqipërisë, ku ekipit të Edi Rejas i duhet të mposht kampionët e botës me 4 gola diferencë.

Reja

Për ta bërë edhe më absurd këtë ëndërr duhet që edhe Islanda gjithashtu të humbas 2 nga 3 ndeshjet e fundit. Duket u rikthyer në realitet, fakt është që Turqi-Francë është ndeshja më e rëndësishme e Grupit H, një ndeshje e cila pritet të thotë shumë se kush do të kualifikohet si kokë grupi. E sigurt është që “gjelat” e Deschamps, duke lënë mënjan egon e tyre, shpresuan shumë që Shqipëria të merrte qoftë dhe një pikë nga ajo transferta në Stamboll.

Deschamps

Sot i gjithë ky diskutim nuk ka më asnjë vlerë pasi Franca ka vetë në dorë fatin e tyre, mjafton të thyej Turqit për të marrë e vetme kreun e grupit. Dy ndeshjet e fundit do të luaj me Moldavinë dhe Shqipërinë ku nuk parashikohen surpriza. Nëse dështon skenari i parë, Franca thyen Turqinë, Shqipëria shpreson shumë që ekipi i Deschamps të mbyll sa më shpejt çështjen e kreut të grupit për të mirëpritur Francën në stadiumin e ri kombëtare pa obligime, me shpresën për ta kthyer në festë këtë rrugëtim që nisi me shumë shpresë por që po shkon drejtë një përfundimi të njohur ndër vite.
(BalkanWeb)

www.balkanweb.com

ulaş utku bozdoğan
ulaş utku bozdoğan astrolog
ulaş utku bozdoğan