Zola në bisedime intensive për të ardhmen e tij me Chelsean

10 Janar 2019

Asistenti i trajnerit te Chelsea, Gianfranco Zola, po mban bisedime intensive me menaxhmentin e Bluve.

Zola është nën kontratë deri në fund të sezonit, e së fundmi ka punuar me Maurizio Sarrin.

Tuttomercatoëeb shkruan se Chelsea synon që të takohet me teknikun italian javën e ardhshme për të biseduar me situatën.

Zola është i interesuar që të vazhdojë punën e tij me klubin.

Ndërkaq, edhe Eden Hazard ka lëvduar punën e Zolas në klub duke thënë se ishte privilegj që të punonte me të.

“Ai u ka ndihmuar shumë lojtarëve, sepse është legjendë. Ai di si të shfrytëzojë një lojtar”.

“Sarri ka bërë shumë, e Zola ishte lidhja mes tij e lojtarëve. Për neve ka qenë një përvojë e mrekullueshme”, deklaroi Hazard kohë më parë.

Zola pritet që të vazhdojë bashkëpunimin me klubin nga Stamford Bridge. /Telegrafi/

www.telegrafi.com