Zyrtare: Dortmund blen përfundimisht Paco Alcacerin nga Barcelona

03 Shkurt 2019
Zyrtare: Dortmund blen përfundimisht Paco Alcacerin nga Barcelona

Paco Alcacer zyrtarisht është një futbollist i gjigantit gjerman Borussia Dortmund.

Sulmuesi spanjoll iu bashkua Dortmundit në verën e vitit të kaluar si huazim nga Barcelona.

Liderët aktual të Bundesligës kishin paguar dy milionë euro për huazimin, ndërsa tani e kanë blerë përfundimisht reprezentuesin spanjoll.

Për të nënshkruar kontratë afatgjate me Pacon, Dortmund është detyruar të derdh edhe 23 milionë euro të tjera në llogari të Barcelonës.

Paco Alcacer. (Foto: Jörg Schüler/Getty Images/Guliver)

Paco ka nënshkruar kontratë katër vjeçare me kampionin e shumëfishtë të Gjermanisë, ndërsa nëse shitet brenda kësaj periudhe atëherë 5% e fitimit do t’i marrë Barcelona.

25-vjeçari ka shkëlqyer me fanellën e Dortmundit ku në 14 takime në Bundesliga ka shënuar 12 gola.

Kujtojmë që Acacer me skuadrën verdh e zi janë duke synuar triumfin në Bundesliga ku aktualisht janë në pozitën e parë me shtatë pikë më shumë se Bayern Munich. /Telegrafi/

www.telegrafi.com