Zyrtare: Inter-Getafe dhe Sevilla – Roma, shtyhen shkaku i coronavirusit

11 Mars 2020

UEFA i ka pezulluar zyrtarisht ndeshjet e eliminimit direkt në Ligën e Evropës, mes Sevillas dhe Romës, por edhe atë mes Interit dhe Getafes për shkak të coronavirusit.

Ndeshjet ishin në dyshim serioz pasi qeveria spanjolle anuloi të gjitha fluturimet drejt dhe nga Italia në përpjekje për të kontrolluar coronavirusin në Spanjë.

Autoritet e Sevillas refuzuan që ta lejojnë aeroplanin që barte lojtarët e Romës, që të vijnë në këtë vend, ndërsa Getafe refuzoi të lë Spanjën që të shkojë të luajë me Interin, në ndeshjen e paraparë të zhvillohej në San Siro.

UEFA tani ka njoftuar se të dyja ndeshjet janë pezulluar zyrtarisht.

As a result of the travelling restrictions between Spain and Italy imposed yesterday by the Spanish authorities, the following #UEL matches will not take place as scheduled tomorrow.

🇪🇸 Sevilla – AS Roma 🇮🇹
🇮🇹 Internazionale – Getafe 🇪🇸

— UEFA (@UEFA) March 11, 2020

Këto janë dy ndeshjet e para të pezulluara nga UEFA shkaku i coronavirusit.

Atalanta luajti në Valencia në Ligën e Kampionëve, megjithëse kufizimi i udhëtimit midis dy vendeve hyri në fuqi vetëm nga mesnata, duke lejuar kështu që loja të zhvillohej.

Atalanta fitoi 4-3, duke kaluar në çerekfinale me rezultat të përgjithshëm 8-4. /Telegrafi/

www.telegrafi.com