Zyrtare, Maldini rikthehet te Milan

Zyrtare, Maldini rikthehet te Milan

Kishte kohë që qarkullonte si lajm por tashmë është zyrtare, Paolo Maldini do të rikthehet te Milan, ku do të mbajë postin e Drejtorit të Zhvillimit Strategjik.

Deklarata zyrtare:

Kursi i ri drejtues i AC Milan është forcuar më tej me emërimin e Paolo Maldinit si Drejtor i ri i Zhvillimit Strategjik në Zonën Sportive. Paolo është një legjendë e gjallë në historinë e kuqezinjve për klasin e tij të jashtëzakonshëm, për talentin, udhëheqjen, besnikërinë dhe rekordet e tij të sukseseve, të pashembullt. Këto cilësi do të luajnë një rol vendimtar për ta kthyer Milan-in në madhështinë që meriton. Mbiemri “Maldini” prek zemrën e të gjithë tifozëve, simbol të një dinastie dedikimi dhe suksesi. Historia e lavdishme e familjes Maldini filloi me të paharrueshmin Çesare-n, babain e Paolo-s, kapiteni i ekipit që fitoi Kupën e Kampioneve në vitin 1963. Forca e Maldini-t dëshmohet nga fanella historike me numrin 3, që u tërhoq , dhe në të ardhmen mund të vishen vetëm nga Maldini të tjerë. Historia e Paolo në Milano është e pashembullt. Ai debutoi në Serie A kur ishte vetëm 16 vjeç më 20 janar 1985. Gjatë karrierës së tij si mbrojtës, Paolo fitoi 26 trofe: 7 kampionate kombëtare; 1 Kupa italie; 5 Superkupa italie; 5 UEFA Champions League (duke luajtur në 8 finale, një rekord që ai e ndan me Francisco Gento); 5 Superkupa Evropiane; 2 Kupa Interkontinentale dhe 1 Kupë Botërore për klube. Paolo u tërhoq nga futbolli në fund të sezonit 2008/09 pas 25 viteve të lavdishme në fanellën e kuqezinjve, me 648 ndeshje në Serie A, një rekord absolut dhe 419 ndeshje me shiritin e kapitenit.

Paolo Scaroni, presidenti i ri i Milan-it ka deklaruar: “Nuk ka fjalë për të përshkruar atë çfarë Paolo Maldini përfaqëson për Milan-in. Ishte një privilegj ta shikoje atë duke fituar trofe të panumërt në fushë. Jam i lumtur dhe i nderuar që të punoj me këtë eksperiencë të re të Paolo-s. Do të jetë një përfitim i madh për klubin. Ky lajm, është gjithashtu një shenjë e përpjekjeve që Fondi Eliot po bën për të ndërtuar një shoqëri solide, edhe pse e dimë që nuk do të jetë e lehtë dhe do të duhet kohë. Por, ne kemi ambicie që bashkë me afrimin e Maldinit, të bëjmë një hap më shumë drejt rikthimit të Milanit të madh.”

Konferenca për shtyp ku do të prezantohet Maldini është programuar për ditën e nesërme, në orën 16:30 në Casa Milan./EDS/

***********************

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota në kohë reale nga Futbolli dhe sportet e tjera.

.