Zyrtare: Mauro Icardi huazohet te PSG-ja

02 Shtator 2019

Mauro Icardi më nuk është lojtari i skuadrës së Interit, ku kaloi për gjashtë vite të karrierës si futbollist.

Sulmuesi argjentinas tashmë është huazuar te francezët e Paris Saint-Germain, e cila në fund të sezonit mund ta blejë kartonin e lojtarit.

Sipas raportimeve të para, futbollisti do të arkëtojë tetë milionë euro në vit plus bonuset që do të jenë të varura prej rezultateve pozitive të kampionit të Ligue 1.

🆕✊ #WelcomeMauro

😃@MauroIcardi

🔴🔵 #ICICESTPARIS pic.twitter.com/yqCmJ01r31

— Paris Saint-Germain (@PSG_inside) September 2, 2019

Theksojmë se parisienët do të kenë mundësi që në fund të sezonin ta transferojnë futbollistin, i cili do t’iu kushtojë 50 milionë euro për pesë sezone qëndrimi te sheikët e Ligue 1.

Njëkohësisht, 26-vjeçari ka zgjatur kontratën me italinët deri në verën e vitit 2022, por që mund të kalojë te PSG-ja.

Ndryshe, Icardi gjatë kohë sa ishte lojtari i nerazurrëve ka pasur 188 paraqitje duke shënuar 111 gola në të gjitha garat. /Telegrafi/

www.telegrafi.com