Zyrtare: Zidane rikthehet në postin e trajnerit të Real Madridit

11 Mars 2019
Zyrtare: Zidane rikthehet në postin e trajnerit të Real Madridit

Real Madridi e ka shkarkuar nga posti i trajnerit Santiago Solarin, ndërsa në vend të tij është rikthyer legjenda Zinedine Zidane.

Konfirmimi është bërë  përmes një komunikatë të Los Blancos, ndërsa ikona franceze e futbollit ka nënshkruar kontratë deri në vitin 2022.

“Në takimin e sotëm, e hënë, 11 mars 2019, Bordi i Drejtorëve të Real Madridit ka vendosur që t’ia ndërpresë kontratën që e lidhte Santiago Solarin me klubin si trajner të ekipit të parë dhe në të njëjtën kohë, Real Madridi i ka ofruar që të vazhdojë të jetë pjesë e klubit”.

Lexo po ashtu: Të gjitha lajmet nga Real Madridi

“Real Madridi e vlerëson punën e bërë nga Santiago Solari dhe përkushtimin dhe besnikërinë që e ka treguar gjithmonë ndaj kësaj shtëpie”.

Florentino Perez dhe Zinedine Zidane (Foto: Gonzalo Arroyo Moreno/Getty Images/Guliver)

“Bordi i Drejtorëve po ashtu ka arritur marrëveshje për caktimin e  Zinedine Zidane si trajner të ri të Real Madridit deri më 30 qershor 2022”.

“Presidenti i Real Madridit do të paraqitet në konferencë për media së bashku me Zidane gjatë ditës së sotme në orën 20:00 në dhomën e shtypit në stadiumin Santiago Bernabeu”, thuhet në njoftimin e klubit. /Telegrafi/

www.telegrafi.com