Zyrtarizimi i De Ligt te Juve pritet të ndodhë gjatë kësaj jave

09 Korrik 2019

Sky Sport Italia raporton se gjatë kësaj jave, Juventusi mund të arrijë marrëveshje me Ajaxin për transferimin e Matthijs de Ligt.

Dy klubet kanë dallime të mëdha në lidhje me çmimin e transferimit, mirëpo Sky beson se Bianconerët janë në pozitë të mirë.

Kjo për faktin se edhe Paris Saint-Germaini edhe Barcelona e kanë tërhequr interesimin e tyre për 19-vjeçarin, i cili e dëshiron vetëm Juven.

Lexo po ashtu: Të gjitha lajmet nga Matthijs de Ligt

Për këtë arsye, drejtori sportiv i Zonjës së Vjetër, Fabio Paratici, është duke u përpjekur që ta zyrtarizojë transferimin, para se bardhezinjtë të nisen për në turneun parasezonal në Azi.

Në rast të nënshkrimit, De Ligt do të bëhet mbrojtësi i tretë që transferon Juve këtë verë pas Merih Demiral dhe Cristian Romero. /Telegrafi/

www.telegrafi.com